ITR refund status check : ఐటీఆర్​ రీఫండ్​ స్టేటస్​ ఎలా చెక్​ చేసుకోవాలి?

ITR refund status check : గత ఆర్థిక ఏడాదికి సంబంధించిన ఐటీ రిటర్నుల ఫైలింగ్​ గడువు ముగింపు దశకు చేరుకుంటోంది. జులై 31లోపు ఐటీ రిటర్న్స్​ను కచ్చితంగా ఫైల్​ చేసుకోవాలి. అయితే.. ఇప్పటికే ఫైల్​ చేసుకున్న వారికి రీఫండ్​ కూడా పడుతోంది. ఈ నేపథ్యంలో ఆన్​లైన్​లో మీ రీఫండ్​ స్టెటస్​ ఎలా చెక్​ చేసుకోవాలో ఇక్కడ తెలుసుకుందాము..

ఇలా చెక్​ చేసుకోండి..

స్టెప్​ 1:- ముందుగా.. https://eportal.incometax.gov.in/iec/foservices/#/login లో లాగిన్​ అవ్వాల్సి ఉంటుంది.

స్టెప్​ 2:- యూజర్​ ఐడీ- పాస్​వర్డ్​ టైప్​ చేయండి.

స్టెప్​ 3:- 'మై అకౌంట్​'కు వెళ్లి.. రీఫండ్​/ డిమాండ్​ స్టేటస్​ మీద క్లిక్​ చేయాలి.

స్టెప్​ 4:- డ్రాప్​ డౌన్​ మెనూలోకి వెళ్లి.. 'Income Tax Returns' సెలెక్ట్​ చేసుకుని 'సబ్మిట్​' బటన్​ ప్రెస్​ చేయండి.

స్టెప్​ 5:- మీ అక్నాలెడ్జ్​ నెంబర్​ మీద క్లిక్​ చేయాల్సి ఉంటుంది.

స్టెప్​ 6:- కొత్త వెబ్​ పేజ్​ ఓపెన్​ అవుతుంది. మీ ఐటీఆర్​ వివరాలన్నీ అందులో కనిపిస్తాయి. అక్కడే రీఫండ్​ డేట్​ కూడా ఉంటుంది.

పాన్​ నెంబర్​తో కూడా..!

ITR refund status online : పాన్​ నెంబర్​తోనూ ఐటీఆర్​ రీఫండ్​ స్టేటస్​ను చెక్​ చేసుకోచ్చు. ఎలా అంటే..

స్టెప్​ 1:- ముందుగా https://tin.tin.nsdl.com/oltas/servlet/RefundStatusTrack లోకి వెళ్లాలి.

స్టెప్​ 2:- మీ పాన్​ కార్డు నెంబర్​ టైప్​ చేయండి.

స్టెప్​ 3:- అసెస్​మెంట్​ ఇయర్​ 2022-23గా సెలక్ట్​ చేసుకోవాల్సి ఉంటుంది.

స్టెప్​ 4:- సబ్మిట్​ బటన్​ క్లిక్​ చేయాలి.

స్టెప్​ 5:- మీ రీఫండ్​ స్టేటస్​ కనిపిస్తుంది.

ప్రస్తుతం.. ఐటీ రిటర్నులు ఫైల్​ చేసిన 10 రోజులకు రీఫండ్​ స్టేటస్​ను చూసుకునే వెసులుబాటు కల్పిస్తోంది ఆదాయపు పన్నుశాఖ.