IPL 2023 sponsors : ఐపీఎల్ 2023కి స్పాన్సర్ల కొరత.. కారణం ఇదే!
25 March 2023, 11:33 IST
IPL 2023 sponsors : ఐపీఎల్ స్పాన్సర్షిప్స్ కోసం ఒకప్పుడు ఎగబడిన సంస్థలు ఇప్పుడు దూరంగా ఉంటున్నట్టు తెలుస్తోంది. ఇందుకు పలు కారణాలు ఉన్నాయి. అవేంటంటే..
ఐపీఎల్ 2023కి స్పాన్సర్ల కొరత.. కారణం ఇదే!
IPL 2023 sponsors : అంతర్జాతీయంగా టెక్ రంగంలో నెలకొన్న అనిశ్చితి, ఆర్థిక మాంద్యం భయాల ఎఫెక్ట్ ఐపీఎల్ 2023 ఎడిషన్పైనా పడింది! మరికొన్ని రోజుల్లో ప్రారంభంకానున్న ఐపీఎల్ను స్పాన్సర్ల కొరత వెంటాడుతున్నట్టు తెలుస్తోంది. ముఖ్యంగా.. స్పాన్సర్షిప్, అడ్వర్టైజ్మెంట్స్ కోసం గత సీజన్ వరకు భారీగా డబ్బులు కురిపించిన స్టార్టప్ కంపెనీలు.. ఇప్పుడు ఐపీఎల్కు దూరంగా ఉంటున్నాయి. బైజూస్, అన్అకాడమీ, ఫోన్పే, అమెజాన్ ప్రైమ్, పిస్టిన్ కేర్, జెప్టో, ఎథర్ ఎనర్జీ, నియో, స్పాటిఫైతో పాటు మరిన్ని ప్రముఖ సంస్థలు.. ఈ దఫా టోర్నమెంట్ను పట్టించుకోవడం లేదు.
TVS iQube : టీవీఎస్ ఐక్యూబ్ ఎలక్ట్రిక్ స్కూటర్లో కొత్త వేరియంట్లు..
7th Pay Commission : ప్రభుత్వ ఉద్యోగులకు షాక్! గ్రాట్యుటీ పెంపును హోల్డ్లో పెట్టిన ఈపీఎఫ్ఓ..
Tecno Camon 30 launch : ఇండియాలో టెక్నో కామోన్ 30 సిరీస్ లాంచ్- ధర ఎంతంటే..
Upcoming electric cars : మారుతీ సుజుకీ ఈవీఎక్స్ నుంచి టాటా హారియర్ ఈవీ వరకు.. క్రేజీ లైనప్!
వెంచర్ ఇంటెలిజెన్స్ డేటా ప్రకారం.. 2021లో ఇండియన్ స్టార్టప్స్లోకి 35.5 బిలియన్ డాలర్ల వెంచర్ ఫండింగ్ జరగ్గా.. 2022లో అది 23.9 బిలియన్ డాలర్లకు పడిపోయింది. ఫలితంగా స్టార్టప్స్, యూనికార్న్ సంస్థలు కాస్ట్ కటింగ్ ప్రక్రియను చేపట్టాయి.
ఐపీఎల్ 2022లో స్టార్టప్స్ జోరు..
IPL 2023 latest news : ఐపీఎల్ 2022 సమయానికి అంతర్జాతీయంగా పరిస్థితులు కాస్త మెరుగ్గానే ఉన్నాయి. ఫలితంగా అనేక కంపెనీలు స్పాన్సర్షిప్ల కోసం ఎగబడ్డాయి. ముఖ్యంగా స్టార్టప్స్ నుంచి మంచి డిమాండ్ కనిపించింది. స్టార్ స్పోర్ట్స్కు 14 స్పాన్సర్లు దక్కగా.. వాటిల్లో 8 కంపెనీలు అంకుర సంస్థలే. క్రెడ్, ఫోన్పే, స్పాటిఫై, స్విగ్గీ ఇన్స్టామార్ట్, మీషో వంటివి అసోసియేట్ స్పాన్సర్లుగా నిలిచాయి. ఇక డ్రీమ్ 11, టాటా నియో, బైజూస్ వంటి సంస్థలు కో- ప్రెసెంటింగ్ స్పాన్సర్స్ పాత్ర తీసుకున్నాయి.
అదే విధంగా.. డిస్నీ+ హాట్స్టార్కు లభించిన 18 అడ్వర్టైజర్స్లో 12 స్టార్టప్ సంస్థలే ఉన్నాయి. అవి.. డ్రీమ్ 11, క్రెడ్, టాటా నియో, జెప్టో, స్పిన్ని, ప్రిస్టీన్ కేర్, స్విగ్గీ, రూపే, ఎథర్, లైవ్స్పేస్, నియోఎక్స్, స్పాటిఫ్. వీటితో పాటు 40కిపైగా స్టార్టప్ సంస్థలు వివిధ జట్లకు ఫండింగ్ చేశాయి. కొన్ని సంస్థలైతే ఒకటి కన్నా ఎక్కువ టీమ్స్కు ఫండింగ్ చేయడం గమనార్హం.
ఐపీఎల్ 2023లో సీన్ మారింది..!
IPL 2023 schedule : కానీ 2022 చివరి నాటికి ప్రపంచవ్యాప్తంగా పరిస్థితులు పూర్తిగా మారిపోయాయి. టెక్ రంగంలో కాస్ట్ కటింగ్ పేరు తీవ్రంగా వినపడింది. అనేక సంస్థలు భారీ మొత్తంలో ఉద్యోగులను తొలగించాయి. 2023లోనూ ఈ ప్రక్రియ కొనసాగుతోంది. ముఖ్యంగా స్టార్టప్స్పై ఈ ప్రభావం ఎక్కువ పడింది. నిధుల కొరత వాటిని కుదిపేస్తోంది. ఫలితంగా ఐపీఎల్ 2023 స్పాన్సర్షిప్పై సంస్థలు ఆచితూచి వ్యవహరిస్తున్నట్టు తెలుస్తోంది.
IPL 2023 startups sponsorship : నివేదికల ప్రకారం.. ఫుల్-టైమ్ స్పాన్సర్లుగా ఉండకుండా, స్పాట్ యాడ్ డీల్స్ చేసుకునేందుకే బ్రాడ్కాస్టింగ్, స్ట్రీమింగ్ వేదికలతో అనేక సంస్థలు చర్చలు జరుపుతున్నాయి. డిస్నీ సంస్థ ఇప్పటివరకు 11 మంది స్పాన్సర్లను, దాదాపు 60 స్పాడ్ అడ్వర్టైజర్స్ను దక్కించుకున్నట్టు తెలుస్తోంది. వయ్కామ్ 18 సంస్థ.. డ్రీమ్ 11, పార్లే ఆగ్రో, పూమా వంటి సంస్థలతో ఒప్పందం కుదుర్చుకున్నట్టు సమాచారం.