Offers on Honda Activa : పండుగ సీజన్​లో ఈ రెండు హోండా వాహనాలపై భారీ ఆఫర్స్​.. త్వరపడండి!

పండుగ సీజన్​ నేపథ్యంలో హోండా టూ వీలర్స్ ఇండియా.. తన పోర్ట్​ఫోలియోలోని బెస్ట్​ సెల్లింగ్​ వాహనాలైన షైన్ 100, యాక్టివాపై అనేక ఆఫర్స్​ని అందిస్తున్నట్లు ప్రకటించింది. ఈ రెండు 2 వీలర్స్​కి 5 శాతం లేదా రూ.5,000 వరకు క్యాష్ బ్యాక్ లభిస్తోంది. ఈ బ్రాండ్ 1 సంవత్సరం సర్వీస్ మెయింటెనెన్స్ ప్యాకేజీని సైతం ఉచితంగా అందిస్తోంది. వినియోగదారులు యాక్టివాతో 3 సంవత్సరాలు, షైన్ 100తో 7 సంవత్సరాల ఎక్స్​టెండెడ్​ వారంటీని కూడా పొందవచ్చు. ఈ ఆఫర్లు సెప్టెంబర్ చివరి వరకు మాత్రమే చెల్లుబాటు అవుతాయని గమనించాలి. ఈ ఆఫర్ల గురించి మరిన్ని వివరాలను తెలుసుకోవడానికి, వినియోగదారులు సమీపంలోని హోండా డీలర్​షిప్​ షోరూమ్స్​ని సందర్శించాల్సి ఉంటుంది.

హోండా మోటార్ సైకిల్ & స్కూటర్ ఇండియా.. ఆగస్టులో స్థిరమైన వృద్ధిని సాధించింది. మొత్తం డిస్పాచ్​లు 5,38,852 యూనిట్లకు చేరుకున్నాయి. ఇది సంవత్సరానికి 13 శాతం వృద్ధిని సూచిస్తుంది. ఇందులో దేశీయంగా 4,91,678 యూనిట్లు, ఎగుమతులు 47,174 యూనిట్లుగా ఉన్నాయి. ఈ నెలలో దేశీయ అమ్మకాలు ఏడాది ప్రాతిపదికన 9 శాతం పెరగ్గా, ఎగుమతులు గత ఏడాది ఇదే కాలంతో పోలిస్తే 79 శాతం వృద్ధిచెందాయి. 2024 ఏప్రిల్ నుంచి ఆగస్టు వరకు దేశీయ అమ్మకాలు 23,45,028 యూనిట్లు, ఎగుమతులు 2,29,716 యూనిట్లుగా ఉన్నాయని కంపెనీ పేర్కొంది.

ఇదీ చూడండి:- Hero Splendor Plus : కొత్త ఫీచర్లతో హీరో స్ప్లెండర్ బైక్.. డిస్క్ బ్రేక్ కూడా.. ధర ఎంతంటే?

హీరో మోటోకార్ప్ నుంచి హోండా మొదటి స్థానం

సియామ్ తాజా నివేదిక ప్రకారం, హోండా 2024 ఏప్రిల్ నుంచి జులై వరకు 1,853,350 ద్విచక్ర వాహనాలను విక్రయించింది. ఇదే సమయంలో 1,831,697 యూనిట్లను విక్రయించిన హీరో మోటోకార్ప్ ను హోండా అధిగమించింది. హోండా తన సమీప పోటీదారును 21,653 యూనిట్లతో అధిగమించిందని ఇది సూచిస్తోంది. ఎగుమతి గణాంకాలతో కలిపి ఈ వ్యత్యాసం 130,000 యూనిట్లకు పెరిగింది. 2023 ఇదే కాలంలో హోండా అమ్మకాలు 1,263,062 యూనిట్లు కాగా, హీరో మోటోకార్ప్ 1,688,454 ద్విచక్ర వాహనాల అమ్మకాలను సాధించింది.

హోల్ సేల్ గణాంకాలను చూస్తే దేశీయ ద్విచక్ర వాహన లీడర్​గా హోండా నిలిచిందని స్పష్టమవుతోంది. అయినప్పటికీ, హీరో మోటోకార్ప్ తన మాజీ పోటీదారుతో పోలిస్తే రిటైల్ అమ్మకాల్లో ముందంజలో కొనసాగుతోంది. ఫెడరేషన్ ఆఫ్ ఆటోమొబైల్ డీలర్స్ అసోసియేషన్స్ (ఫాడా) గణాంకాల ప్రకారం, హీరో మోటోకార్ప్ ఏప్రిల్ నుంచి జులై వరకు 1.75 మిలియన్లకుపైగా ద్విచక్ర వాహనాలను విక్రయించింది. ఇదే సమయంలో హోండా మోటార్ సైకిల్ అండ్ స్కూటర్ ఇండియా (హెచ్ఎంఎస్ఐ) దాదాపు 250,000 యూనిట్ల రిటైల్ అమ్మకాలను నివేదించింది.

ఇటీవలి నెలల్లో భారత ద్విచక్ర వాహన మార్కెట్​లో గమనించిన మరొక ముఖ్యమైన ధోరణి.. హోండా మార్కెట్ వాటా పెరగడం. హెచ్ఎంఎస్ఐ మార్కెట్ వాటా ఏప్రిల్​లో 20 శాతం కంటే తక్కువగా ఉండగా, జులై 2024 నాటికి 24.3 శాతానికి పెరిగింది. దీనికి విరుద్ధంగా, హీరో మోటోకార్ప్ తన మార్కెట్ వాటాలో క్షీణతను చవిచూసింది. ఏప్రిల్ 2024లో 33 శాతానికిపైగా ఉన్న మార్కెట్​ షేరు ఈ సంవత్సరం జులైలో 29.4 శాతానికి పడిపోయింది.