Hero MotoCorp price hike : బైక్స్​ , స్కూటర్ల ధరలను మళ్లీ పెంచిన హీరో మోటోకార్ప్​!

Hero MotoCorp price hike : కస్టమర్లకు మరోమారు షాక్​ ఇచ్చింది దిగ్గజ 2 వీలర్​ తయారీ సంస్థ హీరో మోటోకార్ప్​. పలు మోడల్స్​ ధరలను భారీగా పెంచింది! పెంచిన ధరలు ఈ నెల 3 నుంచి అమల్లోకి వస్తాయని స్పష్టం చేసింది. ఈసారి సగటున 1.5శాతం ప్రైజ్​ హైక్​ తీసుకున్నట్టు సంస్థ వెల్లడించింది. అయితే ఈ ధరల పెంపు.. మోడల్​, మార్కెట్​ బట్టి ఉంటుందని పేర్కొంది.

ధరల పెంపునకు కారణం ఇదే..!

హీరో మోటోకార్ప్​ వాహనాల ధరలను పెంచి మూడు నెలలు కూడా అవ్వలేదు! ఓబీడీ2 నార్మ్స్​ పేరుతో ఈ ఏడాది ఏప్రిల్​లోనే ఓసారి ప్రైజ్​ హైక్​ తీసుకుంది. మళ్లీ ఇప్పుడు ధరలను పెంచుతూ నిర్ణయం తీసుకుంది. ప్రైజ్​ రివ్యూలో భాగంగా ధరలను పెంచుతున్నట్టు ప్రకటించింది. ప్రైజ్​ పొజీషనింగ్​, ముడిసరకు ఖర్చులతో పాటు ఇతర అంశాలను పరిగణలోకి తీసుకుని ధరలు పెంచినట్టు వివరించింది. అయితే పలు ఆకర్షణీయమైన ఫైనాన్సింగ్​ ప్రొగ్రామ్​ల ద్వారా కస్టమర్లపై తక్కువ ప్రభావం పడే విధంగా చూసుకుంటామని సంస్థ చెప్పింది. అవేంటన్నది ఇంకా వెల్లడించలేదు.

దేశంలో పండుగ సీజన్​ సమీపిస్తోంది. ఈ సీజన్​లో సేల్స్​ మంచిగా జరుగుతాయి. ఈ సమయంలో బైక్స్​, స్కూటర్ల​ ధరలను సంస్థ పెంచడం గమనార్హం. రుతుపవనాలతో పాటు ఇతర ఆర్థిక అంశాలు సానుకూలంగా ఉన్నాయని, ఫలితంగా ఈసారి మంచి వ్యాపారం జరుగుతుందని సంస్థ అభిప్రాయపడింది. రానున్న పండుగ సీజ్​లో ఆటోపరిశ్రమ వాల్యూమ్​లు మెరుగుపడతాయని ఆశాభావం వ్యక్తం చేసింది.

హీరో మోటోకార్ప్​ తాజా నిర్ణయంతో మంచి డిమాండ్​ ఉన్న ఎక్స్​ట్రీమ్​, స్ప్లెండర్​, జూమ్​ వంటి 2 వీలర్ల ధరలు పెరగనున్నాయి.

ఇదీ చూడండి:- Hero Upcoming Two-wheelers: త్వరలో 5 కొత్త టూవీలర్లను తీసుకురానున్న హీరో!: అంచనాలివే

హీరో ప్యాషన్​ ప్లస్​..

Hero Passion Plus : ప్యాషన్ ప్లస్​కు లేటెస్ట్ ఫీచర్స్ యాడ్​ చేసి సరికొత్తగా హీరో సంస్థ మార్కెట్లోకి విడుదల చేసింది. పెద్దగా హంగామా లేకుండా, సైలెంట్​గా భారతీయ మార్కెట్లో ఈ బైక్​ను లాంచ్ చేశారు. ఈ బైక్ ఎక్స్ షోరూమ్ ధర రూ 76,301. ధర పరంగా ఈ బైక్ స్ప్లెండర్ ప్లస్, స్ప్లెండర్ ప్లస్ ఎక్స్ టెక్​ల మధ్య ఉంటుంది.

భారతీయ మధ్య తరగతికి హీరో ప్యాషన్ ప్లస్ చాలా విశ్వసనీయమైన, ఇష్టమైన బైక్. ఈ సెగ్మెంట్లో బజాజ్ ప్లాటినా, హోండా షైన్ మోడల్స్ తో ప్యాషన్ ప్లస్ పోటీ పడుతోంది. పూర్తి వివరాల కోసం ఇక్కడ క్లిక్​ చేయండి.