Electric cars : మిడిల్​ క్లాస్​ ఫ్యామిలీకి కరెక్ట్​గా సూట్​ అయ్యే ఈవీలు ఇవే- ధర తక్కువ, రేంజ్​ ఎక్కువ!

ఇండియా ఆటోమొబైల్​ మార్కెట్​లో ఎలక్ట్రిక్​ వాహనాల సెగ్మెంట్​కి డిమాండ్​తో పాటు పోటీ కూడా పెరుగుతోంది. అందుకే మునుపటి కన్నా ఇప్పుడు చాలా తక్కువ ధరకే మంచి రేంజ్​ ఇచ్చే ఈవీలు అందుబాటులోకి వస్తున్నాయి. ఈ నేపథ్యంలో ఈ 2024 అక్టోబర్​ ఇండియాలో టాప్​-4 బడ్జెట్​ ఫ్రెండ్లీ ఎలక్ట్రిక్​ వెహికిల్స్​ లిస్ట్​ని ఇక్కడ చూసేయండి..

బడ్జెట్​ ఫ్రెండ్లీ- బెస్ట్​ ఈవీలు..

ఎంజీ కామెట్​ ఈవీ- ఇందులో 17.3 కేడబ్ల్యూహెచ్​ బ్యాటరీ ప్యాక్​ ఆప్షన్​ ఉంటుంది. ఇందులో ఎలక్ట్రిక్​ మోటార్​ 42 పీఎస్​ పవర్​, 110 ఎన్​ఎం టార్క్​ని జనరేట్​ చేస్తుంది. ఈ ఈవీని ఒక్కసారి ఛార్జ్​ చేస్తే 230 కిలోమీటర్ల రేంజ్​ని ఇస్తుంది. 7.4 కేడబ్ల్యూ ఛార్జర్​తో ఫుల్​ ఛార్జింగ్​కి 3.5 గంటల సమయం పడుతుంది. పైగా ఎంజీ కామెట్​ ఈవీ సైజు చిన్నగా ఉండటంతో, నగరాల్లో ఇది బాగా ఉపయోగపడుతుంది. ట్రాఫిక్​, పార్కింగ్​ కష్టాలు తగ్గుతాయి. ఎంజీ కామెట్​ ఈవీ ఎక్స్​షోరూం ధర రూ. 6.99లక్షల నుంచి రూ. 9.53లక్షల వరకు ఉంటుంది.

టాటా టియాగో ఈవీ- టాటా మోటార్స్​ బెస్ట్​ సెల్లింగ్​, బడ్జెట్​ ఫ్రెండ్లీ ఎలక్ట్రిక్​ వెహికిల్స్​లో ఈ టియాగో ఈవీ ఒకటి. ఇదొక ఎంట్రీ లెవల్​ ఈవీ. ఇందులో రెండు బ్యాటరీ ప్యాక్​ ఆప్షన్స్​ ఉన్నాయి. అవి.. 19.2 కేడబ్ల్యూహెచ్​, 24 కేడబ్ల్యూహెచ్​. వీటి రేంజ్​ వరుసగా 250కి.మీ, 315కి.మీ. 7.2 కేడబ్ల్యూహెచ్​ ఛార్జర్​తో మొదటి బ్యాటరీని ఫుల్​గా ఛార్జ్​ చేసేందుకు 2.6 గంటల సమయం మాత్రమే పడుతుంది! రెండో బ్యాటరీని ఛార్జ్​ చేసేందుకు 3.6 గంటల సమయం పడుతుంది. టాటా టియాగో ఈవీ ఎక్స్​షోరూం ధరలు రూ. 7.99లక్షలు- రూ. 11.89లక్షల మధ్యలో ఉంటాయి.

టాటా పంచ్​ ఈవీ- టాటా మోటార్స్​ నుంచి మరో సరసమైన, బెస్ట్​ సెల్లింగ్​ ఎలక్ట్రిక్​ వెహికిల్​.. ఈ టాటా పంచ్​ ఈవీ. ఇందులో 25 కేడబ్ల్యూహెచ్​, 35 కేడబ్ల్యూహెచ్​ బ్యాటరీ ఆప్షన్స్​ ఉన్నాయి. 7.2 కేడబ్ల్యూ ఛార్జర్​తో వీటిని పూర్తిగా ఛార్జ్​ చేసేందుకు 3.6 గంటలు, 5 గంటల సమయం పడుతుంది. టాటా పంచ్​ ఈవీ రెంజ్​ వరుసగా 315 కి.మీ, 421 కి.మీ. టాటా పంచ్​ ఈవీ ఎక్స్​షోరూం ధరలు రూ. 10.99 లక్షల నుంచి రూ. 15.49 లక్షల వరకు ఉంటుంది.

సిట్రోయెన్​ ఈసీ3 ఈవీ- సిట్రోయెన్​ సంస్థ ఇండియాలోకి నుంచి వచ్చి తొలి ఎలక్ట్రిక్​ వెహికిల్​ ఈ ఈసీ3. ఇది టాటా పంచ్​ ఈవీకి పోటి! ఇందులో 29.2 కేడబ్ల్యూహెచ్​ బ్యాటరీ ఉంటుంది. ఇది 57 పీఎస్​ పవర్​, 143 ఎన్​ఎం టార్క్​ని జనరేట్​ చేస్తుంది. డీసీ ఫాస్ట్​ ఛార్జర్​తో ఈ బ్యాటరీని ఫుల్​ ఛార్జ్​ చేసేందుకు కేవలం 57 నిమిషాల సమయమే పడుతుంది. దీని రేంజ్​ 320 కి.మీ.