OU Distance Admissions 2024 : ఓయూ దూర విద్యలో డిగ్రీ, పీజీ, డిప్లోమా అడ్మిషన్లు - ఇలా దరఖాస్తు చేసుకోండి

ఉస్మానియా వర్శిటీ దూర విద్యలో అడ్మిషన్ల ప్రక్రియ కొనసాగుతోంది. ఈ విద్యా సంవత్సరాని(2024 -25)కి సంబంధించి ఫస్ట్ ఫేజ్ అడ్మిషన్లకు ఆన్ లైన్ దరఖాస్తులను స్వీకరిస్తున్నారు. ప్రొఫెసర్‌ జి.రాంరెడ్డి సెంటర్‌ ఫర్‌ డిస్టెన్స్‌ ఎడ్యుకేషన్‌ ఆధ్వర్యంలో కోర్సుల నిర్వహణ జరుగుతుంది.

డిగ్రీ, పీజీ, అడ్వాన్స్ డిప్లోమా కోర్సులతో పాటు ఎంబీఏ, ఎంసీఏ కోర్సుల్లో ప్రవేశాలను పొందవచ్చు. ఆగస్టు 16 నుంచి ఆన్ లైన్ దరఖాస్తుల ప్రక్రియ మొదలైంది. ఇంకా దరఖాస్తులను స్వీకరిస్తున్నారు. http://oupgrrcde.com/ వెబ్ సైట్ లోకి వెళ్లి ప్రాసెస్ చేసుకోవాల్సి ఉంటుంది.

డిగ్రీలో చూస్తే బీఏ, బీకాం, బీఎస్సీ కోర్సులు అందుబాటులో ఉన్నాయి. ఇక పీజీలో చూస్తే ఎంఏ, ఎంకాం, ఎమ్మెల్సీ కోర్సులు ఉన్నాయి. వీటితో పాటు డిప్లోమా కోర్సులు, ఎంబీఏ, ఎంసీఏ సీట్లు అందుబాటులో ఉన్నాయి. డిగ్రీ మూడేళ్ల కాలపరితిమితో ఉంటుంది. పీజీ రెండేళ్లు, డిప్లోమా కోర్సులు ఏడాది కాలపరిమితితో ఉంటాయి. కొన్ని కోర్సులు తెలుగు మీడియంలో, మరికొన్ని ఇంగ్లీష్ మీడియాలో ఉన్నాయి. సెమిస్టర్ విధానంలో పరీక్షలు జరుగుతాయి.

ఏంబీఏ, ఎంసీఏ కోర్సుల్లో ప్రవేశాలకు సంబంధించి ప్రత్యేక విధానాలు ఉంటాయి. డిగ్రీ అర్హత మాత్రమే కాకుండా… టీఎస్‌ ఐసెట్‌/ ఏపీఐసెట్‌ ఎంట్రెన్స్ లో ఉత్తీర్ణత సాధించాల్సి ఉంటుంది.వారు మాత్రమే ఇందులో సీట్లు పొందే అవకాశం ఉంటుంది. ఆన్‌లైన్‌ ద్వారా దరఖాస్తు చేసుకోవాలి.

అప్లికేషన్ ప్రాసెస్ ఇదిగో…!

• అభ్యర్థులు మొదటగా http://www.oucde.net/ వెబ్ సైట్ లోకి వెళ్లాలి.
• Click Here Below Link For Online Admission' అనే ఆప్షన్ పై క్లిక్ చేయాలి.
• ఇక్కడ యూజీ, పీజీ, డిప్లోమా, ఎంబీఎం, ఎంసీఏ అనే ఆప్షన్లు కనిపిస్తాయి. మీరు ఏ కోర్సులో చేరాలనుకుంటున్నారో దానిపై క్లిక్ చేయాలి.
• ఇక్కడ మీరు రిజిస్ట్రేషన్ కావాలి. ఈ మెయిల్ ఐడీ, మొబైల్ నెంబర్ తప్పనిసరి.
• ఆ తర్వాత కోర్సు ఎంపిక చేసుకోవటం, ప్రాసెసింగ్ ఫీజు చెల్లించుకోవాలి. ఇక కోర్సుల ఫీజు సెమిస్టర్ల వారీగా కట్టుకోవచ్చు.
• అప్లికేషన్ సబ్మిట్ చేసిన తర్వాత కాపీని డౌన్లోడ్ చేసుకోవాలి.
• అప్లికేషన్ కాపీతో పాటు మీ సర్టిఫికెట్లు(జిరాక్స్)ను ఓయూలోని దూర విద్య కేంద్రంలో సమర్పించాలి.