TS Jobs : నిరుద్యోగులకు గుడ్ న్యూస్, వైద్య ఆరోగ్య శాఖలో 5348 పోస్టుల భర్తీకి ఆర్థికశాఖ గ్రీన్ సిగ్నల్-hyderabad ts govt green signal to recruitment 5348 jobs in medical health department ,తెలంగాణ న్యూస్
తెలుగు న్యూస్  /  Telangana  /  Hyderabad Ts Govt Green Signal To Recruitment 5348 Jobs In Medical Health Department

TS Jobs : నిరుద్యోగులకు గుడ్ న్యూస్, వైద్య ఆరోగ్య శాఖలో 5348 పోస్టుల భర్తీకి ఆర్థికశాఖ గ్రీన్ సిగ్నల్

Bandaru Satyaprasad HT Telugu
Mar 20, 2024 06:44 PM IST

TS Jobs : తెలంగాణ వైద్య ఆరోగ్య కుటుంబ సంక్షేమ శాఖలో 5348 పోస్టుల భర్తీకి ఆర్థిక శాఖ గ్రీన్ సిగ్నల్ ఇచ్చింది.

ఆరోగ్య శాఖలో 5348 పోస్టుల భర్తీకి ఆర్థికశాఖ అనుమతి
ఆరోగ్య శాఖలో 5348 పోస్టుల భర్తీకి ఆర్థికశాఖ అనుమతి

TS Jobs : తెలంగాణ ప్రభుత్వం(TS Govt) నిరుద్యోగులకు గుడ్ న్యూస్ చెప్పింది. వైద్య ఆరోగ్య, కుటుంబ సంక్షేమశాఖలోని(TS Medical Helath Department Jobs) 5,348 పోస్టుల భర్తీకి అనుమతి తెలిపింది. మార్చిన 16వ తేదీనే ఆర్థికశాఖ ప్రత్యేక కార్యదర్శి ఈ పోస్టుల భర్తీకి జీవో విడుదల చేశారు. ప్రజారోగ్యం, ఆయుష్‌, డీసీఏ, ఐపీఎం, డీఎంఈ, వైద్య విధాన పరిషత్‌, ఎంఎన్‌జే క్యాన్సర్ ఆసుపత్రిలో ఖాళీల భర్తీకి ఆర్థిక శాఖ అనుమతులు ఇచ్చింది. రాష్ట్ర వైద్య ఆరోగ్య సర్వీసుల నియామక బోర్డు నేరుగా ఈ ఉద్యోగాలను భర్తీ చేయనుంది. అయితే స్థానికత ఆధారంగా ఉన్న ఖాళీలు, రోస్టర్, అర్హతకు సంబంధించిన వివరాలతో నోటిఫికేషన్‌ జారీచేయనున్నారు.

ట్రెండింగ్ వార్తలు

పోస్టుల వివరాలు ఇలా

  • హెచ్ ఆఫ్ డిపార్ట్మెంట్ -3235
  • వైద్య విధాన పరిషత్ -1255
  • పబ్లిక్ హెల్త్, ఫ్యామిలీ వెల్ఫేర్- 575
  • డ్రగ్ కంట్రోల్ అడ్మినిస్ట్రేషన్- 11
  • ఇనిస్టిట్యూట్ ఆఫ్ ప్రివెంటివ్ మెడిసిన్ -34 పోస్టులు

రాష్ట్రంలో ఉన్న 26 ప్రభుత్వ మెడికల్ కాలేజీలలో 2021 అక్టోబర్ నుంచి ఖాళీగా ఉన్న 4356 పోస్టులను కాంట్రాక్ట్ , ఔట్ సోర్సింగ్ ప్రతిపాదికన భర్తీ చేయాలని ఆర్థిక శాఖ ఆదేశించింది. ఈ పోస్టుల భర్తీకి ఇంకా అధికారిక నోటిఫికేషన్(Jobs Notification) రావాల్సి ఉంది.

సెక్యూరిటీ ప్రింటింగ్ ప్రెస్ ఉద్యోగాలు

హైదరాబాద్ లోని సెక్యూరిటీ ప్రింటింగ్ ప్రెస్(Security Printing Press) నుంచి ఉద్యోగ నోటిఫికేషన్ విడుదలైంది. ఇందులో భాగంగా 96 పోస్టులను భర్తీ చేయనున్నారు. దరఖాస్తుల ప్రక్రియ ప్రారంభమైంది. ఏప్రిల్ 15వ తేదీతో గడువు ముగియనుంది. ప్రభుత్వరంగ సంస్థ అయిన హైదరాబాద్ సెక్యూరిటీ ప్రింటింగ్ ప్రెస్ లో(Security Printing Press Hyderabad Recruitment) పలు ఉద్యోగాలను భర్తీ చేయనున్నారు. అర్హత గల అభ్యర్థుల నుంచి దరఖాస్తులను ఆహ్వనిస్తూ ప్రకటన వెలువడింది. ఈ నోటిఫికేషన్ లో భాగంగా మొత్తం 96 పోస్టులను రిక్రూట్ చేయనున్నారు. ఇందులో అత్యధికంగా జూనియర్ టెక్నిషియన్(ప్రింటింగ్, కంట్రోల్) 68 ఉద్యోగాలు ఉన్నాయి. దరఖాస్తుల ప్రక్రియ మార్చి 15వ తేదీతో ప్రారంభమైంది. ఏప్రిల్ 15వ తేదీతో ఈ గడువు ముగియనుంది. https://spphyderabad.spmcil.com వెబ్ సైట్ లోకి వెళ్లి దరఖాస్తులను సమర్పించవచ్చు.

ఖాళీల వివరాలు

  • ఉద్యోగ ప్రకటన - సెక్యూరిటీ ప్రింటింగ్ ప్రెస్, హైదరాబాద్
  • ఖాళీలు - 96
  • ఉద్యోగాల వివరాలు :
  • సూపర్‌వైజర్ (TO- ప్రింటింగ్) - 02.
  • సూపర్‌వైజర్ (టెక్- కంట్రోల్): 05.
  • సూపర్‌వైజర్ (ఓఎల్‌): 01.
  • జూనియర్ ఆఫీస్ అసిస్టెంట్: 12.
  • జూనియర్ టెక్నీషియన్ (ప్రింటింగ్/ కంట్రోల్): 68.
  • జూనియర్ టెక్నీషియన్ (ఫిట్టర్): 03.
  • జూనియర్ టెక్నీషియన్ (వెల్డర్): 01.
  • జూనియర్ టెక్నీషియన్ (ఎలక్ట్రానిక్స్/ ఇన్‌స్ట్రుమెంటేషన్): 03.
  • ఫైర్‌మ్యాన్: 01.
  • అర్హతలు - ఆయా పోస్టులను అనుసరించి అర్హతలు ఇచ్చారు. కొన్ని పోస్టులకు పదో తరగతి అర్హతతోనే భర్తీ చేయనున్నారు. పని అనుభవం కూడా ఉండాలి. నోటిఫికేషన్ లో ఈ వివరాలను చూడొచ్చు.
  • దరఖాస్తులు - ఆన్ లైన్ లో దరఖాస్తులు చేసుకోవాలి.
  • దరఖాస్తు రుసుం - ఓబీసీ రూ. 600 చెల్లించాలి. ఎస్సీ, ఎస్టీ, దివ్యాంగ అభ్యర్థులు రూ. 200 చెల్లించాలి.
  • దరఖాస్తులు ప్రారంభం - మార్చి 15, 2024.
  • దరఖాస్తులకు తుది గడువు - ఏప్రిల్ 15,2024.
  • ఆన్ లైన్ దరఖాస్తులకు లింక్ - https://ibpsonline.ibps.in/
  • దరఖాస్తు ప్రక్రియను పూర్తి చేయాలంటే ముందుగా రిజిస్ట్రేషన్ చేసుకోవాల్సి ఉంటుంది. ఆ వివరాలతో లాగిన్ కావాలి.

WhatsApp channel

సంబంధిత కథనం