TS Elections Results 2023 : కారు దిగి కాంగ్రెస్ కు పట్టం కట్టిన ప్రజలు, తెలంగాణ తుది ఫలితాలు ఇవే!

paragraph

<p>TS Elections Results 2023 : తెలంగాణలోని 119 అసెంబ్లీ స్థానాల్లో ఫైనల్ రిజెల్ట్స్ దాదాపుగా ఖరారు అయ్యాయి. కాంగ్రెస్‌ 64 సీట్లలో విజయం సాధించగా, బీఆర్ఎస్‌ 39 సీట్లకే పరిమితమైంది. బీజేపీ 8 సీట్లు గెలుచుకోగా, ఎంఐఎం 7, సీపీఐ 1 స్థానంలో విజయం సాధించింది. కాంగ్రెస్, బీఆర్ఎస్ మధ్య కేవలం రెండు శాతం ఓట్ల తేడా కనిపిస్తుంది. కానీ ఈ రెండు శాతం ఓట్ల తేడాతో కాంగ్రెస్ పలు చోట్ల విజయం సాధించింది. 12 చోట్ల స్వల్ప తేడాతో బీఆర్ఎస్ అభ్యర్థు ఓటమి పాలయ్యారని కేటీఆర్ కూడా తెలిపారు.</p>

<h2>ఓట్ల శాతం(తాజా లెక్కల ప్రకారం)</h2><ul><li>కాంగ్రెస్ - 39.40 శాతం</li><li>బీఆర్ఎస్-37.35 శాతం</li><li>బీజేపీ - 13.90 శాతం</li><li>ఎంఐఎం -2.22 శాతం</li></ul><h2>నియోజకవర్గం - గెలుపొందిన కాంగ్రెస్ అభ్యర్థులు(64)</h2><ul><li>చెన్నూరు- గడ్డం వివేకానంద్</li><li>బెల్లంపల్లి-గడ్డం వినోద్</li><li>మంచిర్యాల-కొక్కిరాల ప్రేంసాగర్ రావు</li><li>ఖానాపూర్-వేదమ భోజ్జు</li><li>బోధన్-పి. సుదర్శన్ రెడ్డి</li><li>జుక్కల్-లక్ష్మీకాంతరావు తోట</li><li>ఎల్లారెడ్డి-మదన్ మోహన్ రావు. కె</li><li>నిజామాబాద్ (రూరల్)-భూపతి రెడ్డి రేకులపల్లి</li><li>ధర్మపురి-అడ్లూరి లక్ష్మణ్ కుమార్</li><li>రామగుండం-మక్కన్ సింగ్ రాజ్ ఠాకూర్</li><li>మంథని-దుద్దిళ్ల శ్రీధర్ బాబు</li><li>పెద్దపల్లె-చింతకుంట విజయ రమణారావు</li><li>చొప్పదండి-మేడిపల్లి సత్యం</li><li>వేములవాడ-ఆది శ్రీనివాస్</li><li>మానకొండూర్-డిఆర్. కవ్వంపల్లి సత్యనారాయణ</li><li>హుస్నాబాద్-పొన్నం ప్రభాకర్</li><li>మెదక్ -మైనంపల్లి రోహిత్</li><li>నారాయణఖేడ్-పట్లోళ్ల సంజీవ రెడ్డి</li><li>ఆందోల్-సి. దామోదర్ రాజనర్సింహ</li><li>ఇబ్రహీంపట్నం-మల్రెడ్డి రంగారెడ్డి</li><li>పరిగి- తమ్మన్నగారి రామ్ మోహన్ రెడ్డి</li><li>వికారాబాద్-గడ్డం ప్రసాద్ కుమార్</li><li>తాండూరు-బి. మనోహర్ రెడ్డి</li><li>కొడంగల్-అనుముల రేవంత్ రెడ్డి</li><li>నారాయణపేట-చిట్టెం పర్ణికా రెడ్డి</li><li>మహబూబ్ నగర్-యెన్నం శ్రీనివాస్ రెడ్డి</li><li>జడ్చర్ల-అనిరుధ్ రెడ్డి జానంపల్లి</li><li>దేవరకద్ర-గావినోళ్ల మధుసూదన్ రెడ్డి (జీఎంఆర్)</li><li>మక్తల్-వాకిటి శ్రీహరి</li><li>వనపర్తి-మేఘా రెడ్డి తుడి</li><li>నాగర్ కర్నూల్- డా. కుచుకుల రాజేష్ రెడ్డి</li><li>అచ్చంపేటృ-చిక్కుడు వంశీ కృష్ణ</li><li>కల్వకుర్తి-నారాయణరెడ్డి కసిరెడ్డి</li><li>షాద్‌నగర్-కె శంకరయ్య</li><li>కొల్లాపూర్-జూపల్లి కృష్ణరావు</li><li>దేవరకొండ-బాలు నాయక్ నేనావత్</li><li>నాగార్జున సాగర్-కుందూరు జయవీర్</li><li>మిర్యాలగూడ-బత్తుల లక్ష్మారెడ్డి</li><li>హుజూర్‌నగర్-ఉత్తమ్ కుమార్ రెడ్డి నలమాడ</li><li>కోదాడ-నలమడ పద్మావతి రెడ్డి</li><li>నల్గొండ-కోమటి రెడ్డి వెంకట్ రెడ్డి</li><li>మునుగోడు-కోమటిరెడ్డి రాజ్ గోపాల్ రెడ్డి</li><li>భువనగిరి-కుంభం అనిల్ కుమార్ రెడ్డి</li><li>నక్రేకల్-వేముల వీరేశం</li><li>తుంగతుర్తి-మందుల సామేలు</li><li>ఆలేరు-ఐలయ్య బీర్ల</li><li>పాలకుర్తి-యశస్విని మామిడాల</li><li>డోర్నకల్-జాటోత్ రామ్ చందర్ నాయక్</li><li>మహబూబాబాద్-డా. మురళీ నాయక్ భుక్యా</li><li>నర్సంపేట- దొంతి మాధవ రెడ్డి</li><li>పరకాల-రేవూరి ప్రకాష్ రెడ్డి</li><li>వరంగల్ వెస్ట్-నాయిని రాజేందర్ రెడ్డి</li><li>వరంగల్ తూర్పు-కొండా సురేఖ</li><li>వారధనపేట-కె.ఆర్.నాగరాజ్.కె</li><li>భూపాలపల్లె-గండ్ర సత్యనారాయణరావు</li><li>ములుగు-దనసరి అనసూయ సీతక్క</li><li>పినపాక-పాయం వెంకటేశ్వర్లు</li><li>ఇల్లందు-కోరం కనకయ్య</li><li>ఖమ్మం-తుమ్మల నాగేశ్వరరావు</li><li>పాలేరు-పొంగులేటి శ్రీనివాస రెడ్డి</li><li>మధిర-భట్టి విక్రమార్క మల్లు</li><li>వైరా-రామదాస్ మలోత్</li><li>సత్తుపల్లె-మట్ట రాగమయి</li><li>అశ్వారావుపేట-ఆదినారాయణ</li></ul><h2>నియోజకవర్గం- గెలుపొందిన బీఆర్ఎస్ అభ్యర్థులు(39)</h2><ul><li>ఆసిఫాబాద్- కోవా లక్ష్మి</li><li>బోథ్- అనిల్ జాదవ్</li><li>బాన్సువాడ-శ్రీనివాస్ రెడ్డి (పోచారం)</li><li>బాల్కొండ-ప్రశాంత్ రెడ్డి వేముల</li><li>కోరుట్ల-కల్వకుంట్ల సంజయ్</li><li>జగిత్యాల-డా. సంజయ్</li><li>కరీంనగర్ - గంగుల కమలాకర్</li><li>సిరిసిల్ల-కల్వకుంట్ల తారక రామరావు (K.T.R)</li><li>హుజూరాబాద్-కౌశిక్ రెడ్డి పాడి</li><li>సిద్దిపేట-తన్నీరు హరీష్ రావు</li><li>నర్సాపూర్-వాకిటి సునీత లక్ష్మారెడ్డి</li><li>జహీరాబాద్-కొనింటి మాణిక్ రావు</li><li>సంగారెడ్డి-చింతా ప్రభాకర్</li><li>పటాన్చెరు-గూడెం మహిపాల్ రెడ్డి</li><li>దుబ్బాక-కొత్త ప్రభాకర్ రెడ్డి</li><li>గజ్వేల్-కల్వకుంట్ల చంద్రశేఖర్ రావు</li><li>మేడ్చల్-చామకూర మల్లా రెడ్డి</li><li>మల్కాజిగిరి-మర్రి రాజశేఖర్ రెడ్డి</li><li>కుత్బుల్లాపూర్-కె.పి. వివేకానందుడు</li><li>కూకట్‌పల్లె-మాధవరం కృష్ణారావు</li><li>ఉప్పల్-బండారి లక్ష్మారెడ్డి</li><li>లాల్ బహదూర్ నగర్-దేవిరెడ్డి సుధీర్ రెడ్డి</li><li>మహేశ్వరం-పట్లోళ్ల సబితా ఇంద్రారెడ్డి</li><li>రాజేంద్రనగర్-టి. ప్రకాష్ గౌడ్</li><li>శేరిలింగంపల్లి-అరెకపూడి గాంధీ</li><li>చేవెళ్ల-కాలే యాదయ్య</li><li>ముషీరాబాద్-ముటా గోపాల్</li><li>అంబర్‌పేట్ -కాలేరు వెంకటేష్</li><li>ఖైరతాబాద్-దానం నాగేందర్</li><li>సనత్‌నగర్-తలసాని శ్రీనివాస్ యాదవ్</li><li>సికింద్రాబాద్- పద్మారావు.టి</li><li>సికింద్రాబాద్ కంటోన్మెంట్-లాస్య నందిత సయన్న</li><li>గద్వాల్-బండ్ల కృష్ణ మోహన్ రెడ్డి</li><li>అలంపూర్-విజయుడు</li><li>సూర్యాపేట-గుంటకండ్ల జగదీష్ రెడ్డి</li><li>జంగోన్-పల్లా రాజేశ్వర్ రెడ్డి</li><li>ఘన్‌పూర్ (స్టేషన్)-కడియం శ్రీహరి</li><li>భద్రాచలం - డా. తెల్లం వెంకటరావు</li></ul><h2>గెలుపొందిన బీజేపీ అభ్యర్థులు(8)</h2><ul><li>సిర్పూర్ -డా.పాల్వాయి హరీష్ బాబు</li><li>ఆదిలాబాద్-పాయల్ శంకర్</li><li>నిర్మల్-అల్లేటి మహేశ్వర్ రెడ్డి</li><li>ముధోల్-రామ్ రావు పవార్</li><li>ఆర్మూర్-పైడి రాకేష్ రెడ్డి</li><li>కామారెడ్డి-కాటిపల్లి వెంకట రమణ రెడ్డి</li><li>నిజామాబాద్ (అర్బన్)-ధనపాల్ సూర్యనారాయణ</li><li>గోషామహల్-టి. రాజా సింగ్</li></ul><h2>గెలుపొందిన ఏఐఎంఐఎం అభ్యర్థులు(7)</h2><ul><li>మలక్‌పేట్ -అహ్మద్ బిన్ అబ్దుల్లా బలాలా</li><li>నాంపల్లి- మహమ్మద్ మజీద్ హుస్సేన్</li><li>కార్వాన్ -కౌసర్ మొహియుద్దీన్</li><li>చార్మినార్-మీర్ జుల్ఫెకర్ అలీ</li><li>చాంద్రాయణగుట్ట -అక్బర్ ఉద్దీన్ ఒవైసీ</li><li>యాకుత్‌పురా -జాఫర్ హుస్సేన్</li><li>బహదూర్‌పురా -మొహమ్మద్ ముబీన్</li></ul><h2>సీపీఐ</h2><ul><li>కొత్తగూడెం-కూనంనేని సాంబశివరావు</li></ul></p>

Pocharam Srinivas: `స్పీక‌ర్ ఓట‌మి` సెంటిమెంట్‌కు మంగ‌ళం..మూడోసారి పోచారం గెలుపు

<ul><li>Pocharam Srinivas: కామారెడ్డి జిల్లా బాన్సువాడ నియోజ‌క‌వ‌ర్గం నుంచి వ‌రుస‌గా మూడోసారి స్పీక‌ర్ పోచారం శ్రీ‌నివాస‌రెడ్డి విజ‌యం సాధించారు. అయితే పోచారం శ్రీ‌నివాస‌రెడ్డి విజ‌యం సాధించారు అనేకంటే.. విప‌క్షాలు ఓడిపోయాయి అన‌డం స‌బ‌బుగా ఉంటుందని స్థానికంగా ప్రచారంలో ఉంది.</li></ul>

Errabelli brothers: వరంగల్‌లో ఓటమి పాలైన ఎర్రబెల్లి బ్రదర్స్

<ul><li>Errabelli brothers: అసెంబ్లీ ఎన్నికల బరిలో నిలిచిన ఎర్రబెల్లి బ్రదర్స్ ఇద్దరూ ఓటమిపాలయ్యారు. పాలకుర్తి నియోజకవర్గంలో అధికార బీఆర్ఎస్ పార్టీ నుంచి పోటీ చేసిన మంత్రి ఎర్రబెల్లి దయాకర్రావు, వరంగల్ తూర్పులో పోటీ చేసిన ప్రదీప్ రావు ఓడిపోయారు.&nbsp;</li></ul>

warangal Revenge: వరంగల్‌లో 2018 రిజల్ట్స్ రివర్స్ చేసిన హస్తం పార్టీ

<ul><li>warangal Revenge: ఓరుగల్లులో కాంగ్రెస్ పార్టీ బీఆర్ఎస్ పై రివేంజ్ తీసుకుందనే సంకేతాలు కనిపిస్తున్నాయి. 2018లో కాంగ్రెస్ పార్టీని కొట్టిన దెబ్బకు ఇప్పుడు ప్రతీకారం తీర్చుకుందనే అభిప్రాయాలు వ్యక్తమవుతున్నాయి.</li></ul>

Revanth Reddy : తెలంగాణ సీఎంగా రేవంత్ రెడ్డి- డిప్యూటీ సీఎంలు భట్టి, సీతక్క-రేపే ప్రమాణ స్వీకారం?

<ul><li>Revanth Reddy : కాంగ్రెస్ ఎమ్మెల్యేలు సీఎల్పీ నేతగా రేవంత్ రెడ్డిని ఎంపిక చేయనున్నారు. రేపు సాయంత్రం సీఎంగా రేవంత్ రెడ్డి ప్రమాణ స్వీకారం చేసే అవకాశం ఉంది.</li></ul>

<ul><li>TS Elections Results 2023 : తెలంగాణ అసెంబ్లీ ఎన్నికల ఫలితాల్లో కాంగ్రెస్ 64 స్థానాలు, బీఆర్ఎస్ 39, బీజేపీ 8, ఎంఐఎం 7, సీపీఐ 1 స్థానంలో విజయం సాధించాయి.</li></ul>

<p>Revanth Reddy : రేపు తెలంగాణ సీఎంగా రేవంత్ రెడ్డి ప్రమాణ స్వీకారం చేయనున్నారు. డిప్యూటీ సీఎంగా భట్టి విక్రమార్క ప్రమాణ స్వీకారం చేయనున్నారని తెలుస్తోంది. సీఎం, డిప్యూటీ సీఎంలను రాజ్‌భవన్‌లో గవర్నర్ తమిళి సై ప్రమాణ స్వీకారం చేయించనున్నారు. ఈ ప్రమాణ స్వీకారానికి రాహుల్‌గాంధీ హాజరు కానున్నారు. సీఎల్పీ నేతగా రేవంత్‌రెడ్డిని కాంగ్రెస్ ఎమ్మెల్యేలు ఎన్నుకోనున్నారు. ఈనెల 9న కేబినెట్ విస్తరణకు ముహూర్తం ఖరారు చేసినట్లు సమాచారం. పరేడ్ గ్రౌండ్స్‌లో భారీ బహిరంగసభకు ఏర్పాట్లు చేయనున్నారు. సోనియా, రాహుల్, ప్రియాంక, మల్లికార్జున ఖర్గే సహా కీలక నేతలు హాజరుకానున్నారు.</p>

<h2>ఇద్దరు డిప్యూటీ సీఎంలు?</h2><p>రేపు హైదరాబాద్ లోని హోటల్ ఎల్లాలో సీఎల్పీ మీటింగ్ జరుగనుంది. సీఎల్పీ నేతగా రేవంత్ రెడ్డి ఎంపిక చేయనున్నారు. సాయంత్రం రాజ్ భవన్ లో ప్రమాణస్వీకారం ఉంటుంది. రేవంత్ ప్రమాణ స్వీకారానికి సోనియా, రాహుల్, ప్రియంక గాంధీ హాజరయ్యే అవకాశం ఉంది. ముఖ్యమంత్రి పదవికోసం గ్రూపులు కట్టకుండా కాంగ్రెస్ అధిష్టానం వ్యూహం రచించింది. వీలైనంత త్వరగా రేవంత్ రెడ్డిని సీఎల్పీ నేతగా ప్రకటించి ముఖ్యమంత్రిగా ప్రమాణస్వీకారం చేయించాలని కాంగ్రెస్ అధిష్టానం భావిస్తుంది. టైం గడిస్తే చిక్కులు తప్పవనే యోచనలో కాంగ్రెస్ అధిష్టానం ఈ నిర్ణయం తీసుకున్నట్లు తెలుస్తోంది. కాంగ్రెస్ ఎమ్మెల్యేలు గ్రూపులు కట్టకుండా ఇవాళ రాత్రి హోటల్ లోనే బస ఏర్పాటు చేశారు. రేపు బ్రేక్ ఫాస్ట్ మీటింగ్ లో ఎల్పీ నేత ఎంపిక చేయనున్నారు. తెలంగాణ నూతన సీఎం గా రేవంత్ రెడ్డి, డిప్యూటీ సీఎంలుగా భట్టి విక్రమార్క, సీతక్కను ఎన్నుకోనున్నారు. ఎన్నికల్లో ఓడిపోయిన షబ్బీర్ అలీకి మంత్రిగా అవకాశం కల్పించనున్నారు. </p>

<h2>గవర్నర్ ను కలిసిన కాంగ్రెస్ బృందం</h2><p>కాంగ్రెస్‌ నేతల బృందం గవర్నర్‌ తమిళి సైతో భేటీ అయ్యారు. కాంగ్రెస్ ప్రభుత్వ ఏర్పాటుకు ఆహ్వానించాలని కోరుతూ గవర్నర్ కు లేఖ అందజేశారు. సోమవారం శాసనసభాపక్ష సమావేశం అనంతరం సీఎల్పీ నేత పేరును ప్రకటిస్తామని కాంగ్రెస్ నేతలు చెప్పినట్టు సమాచారం. గవర్నర్‌ను కలిసిన వారిలో టీపీసీసీ చీఫ్‌ రేవంత్‌ రెడ్డితో పాటు ముఖ్య నేతలు డీకే శివకుమార్‌, మాణిక్‌రావ్‌ ఠాక్రే, ఉత్తమ్‌కుమార్‌ రెడ్డి, మల్లు రవి తదితరులు గవర్నర్ కలిసిన వారిలో ఉన్నారు. సోమవారం సాయంత్రం ప్రమాణస్వీకారోత్సవానికి సిద్ధంగా ఉండాలని రాష్ట్ర ప్రభుత్వ అధికారులకు ఆదేశాలు అందినట్టు తెలుస్తోంది.</p>

Nalgonda Election Results 2023 : నల్గొండలో హస్తం హవా, 11 చోట్ల ఘన విజయం

<ul><li>Nalgonda Election Results 2023 : నల్గొండ జిల్లాలో కాంగ్రెస్ పార్టీ తిరుగులేని విజయం సాధించింది. 12 నియోజకవర్గాలకు 11 చోట్ల ఘన విజయం సాధించింది.</li></ul>

Telangana DGP : తెలంగాణ కొత్త డీజీపీగా రవిగుప్తా నియామకం

<p>Telangana DGP : తెలంగాణ కొత్త డీజీపీగా రవిగుప్తాను కేంద్రం ఎన్నికల సంఘం నియమించింది. ఎన్నికల నిబంధనలు ఉల్లంఘించినందుకు డీజీపీ అంజనీ కుమార్‌ను ఈసీ సస్పెండ్‌ చేసింది. ఈ క్రమంలో కొత్త డీజీపీ ఎంపిక చేపట్టాలని ప్రభుత్వాన్ని ఆదేశించింది. దీంతో ముగ్గురు సీనియర్ అధికారుల పేర్లను సీఎస్ శాంతి కుమారి ఈసీకి సిఫార్సు చేశారు. ఇందులో రవిగుప్తాను కొత్త డీజీపీగా ఈసీ ఉత్తర్వులు జారీ చేసింది. 1990 బ్యాచ్‌కు చెందిన ఐపీఎస్ అధికారి, రవిగుప్తా డిసెంబర్ 2022లో అవినీతి నిరోధక బ్యూరో (ACB) డైరెక్టర్ జనరల్‌గా బాధ్యతలు నిర్వర్తించారు. ఆయన డైరెక్టర్ జనరల్ (విజిలెన్స్ అండ్ ఎన్‌ఫోర్స్‌మెంట్) అదనపు బాధ్యతలను నిర్వహిస్తున్నారు.</p>

<h2>డీజీపీ అంజనీ కుమార్ పై వేటు</h2><p>తెలంగాణ డీజీపీ అంజనీకుమార్ పై ఎన్నికల సంఘం సస్పెన్షన్ వేటు వేసింది. ఎన్నికల నిబంధనలు ఉల్లంఘించారని ఈసీ డీజీపీపై వేటు వేసింది. డీజీపీ అంజనీకుమార్, ఇతర పోలీస్ అధికారులు టీపీసీసీ అధ్యక్షుడు రేవంత్ రెడ్డిని కలిసి శుభాకాంక్షలు తెలిపారు. ఈ విషయాన్ని ఎన్నికల సంఘం సీరియస్ తీసుకుని డీజీపీపై వేటు వేసింది. మరో ఇద్దరు పోలీసు అధికారులు మహేశ్ భగవత్, సందీప్ కుమార్ జైన్ కు నోటీసులు జారీ చేసింది. కాంగ్రెస్‌ నుంచి పోటీలో ఉన్న అభ్యర్థి, స్టార్ క్యాంపెయినర్ రేవంత్ రెడ్డి నివాసానికి వెళ్లిన డీజీపీ పూలగుత్తితో అభినందించడం మోడల్ కోడ్ ఆఫ్ కాండక్ట్‌ను ఉల్లంఘించడమే అని ఈసీ అభిప్రాయపడింది. అందుకే డీజీపీని సస్పెండ్ చేసినట్లు తెలిపారు. తదుపరి సీనియర్‌గా అర్హత ఉన్న పోలీసు అధికారికి వెంటనే తెలంగాణ డీజీపీగా బాధ్యతలు అప్పగించాలని ఈసీ ఆదేశించింది.</p>

<h2>రేవంత్ రెడ్డిని కలిసిన అధికారులు</h2><p>ఎన్నికల మోడల్ కోడ్, సంబంధిత ప్రవర్తనా నియమాలను ఉల్లంఘించినందుకు భారత ఎన్నికల సంఘం తెలంగాణ పోలీసు డైరెక్టర్ జనరల్ అంజనీ కుమార్‌ను సస్పెండ్ చేసిందని ఏఎన్ఐ వార్త సంస్థ తెలిపింది. తెలంగాణ రాష్ట్ర పోలీస్ నోడల్ అధికారి సంజయ్ జైన్, మరో అధికారి మహేశ్ భగవత్‌తో కలిసి శాసనసభకు జరుగుతున్న సార్వత్రిక ఎన్నికల్లో పోటీ చేసిన అభ్యర్థి అనుముల రేవంత్ రెడ్డిని హైదరాబాద్‌లో కలిసి పుష్పగుచ్ఛం ఇచ్చారు. దీంతో పోలీసులు ఉన్నతాధికారులు ఎన్నికల నిబంధనలు ఉల్లంఘించారని ఈసీ చర్యలు తీసుకుంది.</p>

<ul><li>Telangana DGP : తెలంగాణ నూతన డీజీపీగా రవిగుప్తాను ఎన్నికల సంఘం నియమించింది. ఈ మేరకు ఉత్తర్వులు జారీ అయ్యాయి.</li></ul>

Michaung Cyclone : రేపు కోస్తా తీరానికి సమాంతరంగా తుపాను- మూడ్రోజులు ఏపీలో భారీ వర్షాలు

<p>Michaung Cyclone : మిచౌంగ్ తుపాను నైరుతి బంగాళాఖాతంలో వాయవ్య దిశగా కదులుతున్నట్లు ఆంధ్రప్రదేశ్ రాష్ట్ర విపత్తుల నిర్వహణ సంస్థ ప్రకటించింది. తుపాను రేపు(సోమవారం) కోస్తా తీరానికి సమాంతరంగా పయనించనుందని తెలిపింది. ఎల్లుండి మధ్యాహ్నం నెల్లూరు-మచిలీపట్నం మధ్య మిచౌంగ్ తీవ్ర తుపానుగా మారి తీరం దాటనుంది. తుపాను ప్రభావంతో రేపు, ఎల్లుండి కూడా కోస్తాంధ్రలో చాలా చోట్ల తేలికపాటి నుంచి మోస్తరు వర్షాలు కురవనున్నాయి. కొన్నిచోట్ల భారీ నుంచి అతిభారీ వర్షాలు, అక్కడక్కడ అతి తీవ్ర భారీ వర్షాలు కురుస్తాయని రాష్ట్ర విపత్తుల నిర్వహణ సంస్థ తెలిపింది. రాయలసీమలో అక్కడక్కడ మోస్తరు వర్షాలు పడనున్నాయి. బుధవారం ఉత్తరాంధ్రలో అక్కడక్కడ భారీ వర్షాలు పడే అవకాశం ఉందని వాతావరణ శాఖ తెలిపింది.</p>

<h2>మత్స్యకారులు వేటకు వెళ్లొద్దు</h2><p>రేపు ఉదయం తీరం వెంబడి గంటకు 80 -100 కిమీ, సాయంత్రం నుంచి గంటకు 90-110 కిమీ వేగంతో గాలులు వీస్తాయని ఏపీ రాష్ట్ర విపత్తుల నిర్వహణ సంస్థ తెలిపింది. మత్స్యకారులు సముద్రంలోకి వేటకు వెళ్లరాదని సూచించింది. రెవెన్యూ (విపత్తుల నిర్వహణ) స్పెషల్ సీఎస్ జి.సాయిప్రసాద్, విపత్తుల సంస్థ ఎండీ బీఆర్ అంబేడ్కర్ నిరంతరం తుఫాను గమనాన్ని పర్యవేక్షిస్తున్నారు. విపత్తుల సంస్థ స్టేట్ కంట్రోల్ రూమ్ నుంచి ఎప్పటికప్పుడు టెలికాన్ఫరెన్స్ ద్వారా కలెక్టర్లకు సూచనలు చేస్తున్నారు. విపత్కర పరిస్థితులు వస్తే ఎదుర్కోడానికి సిద్ధంగా యంత్రాంగం సంయమనం చేస్తున్నారు. ప్రభావిత జిల్లాల్లో సహాయక చర్యల కోసం 4 ఎన్డీఆర్ఎఫ్ , 6 ఎస్డీఆర్ఎఫ్ బృందాలు సిద్ధం చేసింది.</p>

<h2>తుపాను హెచ్చరిక మేసేజ్ లు</h2><p>క్షేత్రస్థాయిలో ప్రజలకు తుపాను హెచ్చరిక మేసేజ్ లను పంపించారు. ప్రజలు అత్యవసర సహాయం, సమాచారం కోసం కంట్రోల్ రూమ్ నెంబర్లు 1070, 112, 18004250101 సంప్రదించాలని అధికారులు తెలిపారు. ప్రజలు అప్రమత్తంగా ఉండాలని, రైతులు తగిన జాగ్రత్తలు తీసుకోవాలన్నారు.</p>

CM Jagan Review On Cyclone : సహాయక చర్యల్లో ఎలాంటి లోటు రాకూడదు, తుపాను దృష్ట్యా అధికారులకు సీఎం జగన్ ఆదేశాలు

<ul><li>CM Jagan Review On Cyclone : మిచౌంగ్ తుపాను పరిస్థితులపై సీఎం జగన్ సమీక్ష నిర్వహించారు. అధికారులు అప్రమత్తంగా ఉండాలని, అన్ని రకాల సహాయ, పునరావాస చర్యలు తీసుకోవాలని ఆదేశిచారు.</li></ul>

Nara Lokesh Padayatra : డిసెంబర్ 17న లోకేశ్ యువగళం పాదయాత్ర ముగింపు-భీమిలిలో పవన్, చంద్రబాబుతో భారీ బహిరంగ సభ!

<ul><li>Nara Lokesh Padayatra : నారా లోకేశ్ యువగళం పాదయాత్ర డిసెంబర్ 17న భీమిలిలో ముగియనుంది. ఎన్నికల నేపథ్యంలో ముందుగానే పాదయాత్ర ముగించనున్నట్లు తెలుస్తోంది.</li></ul>

Michaung Cyclone: ఏపీపై మిచౌంగ్ తుపాను ప్రభావం, ఈ జిల్లాల్లో భారీ వర్షాలు-అధికారులను అప్రమత్తం చేసిన సీఎస్

<ul><li>Michaung Cyclone : నెల్లూరు-మచిలీపట్నం మధ్య సోమవారం మిచౌంగ్ తుపాను తీరం దాటే అవకాశం ఉందని సీఎస్ తెలిపారు. తుపాను ప్రభావిత జిల్లాల్లో అధికారులు అప్రమత్తంగా ఉండాలని ఆదేశించారు.</li></ul>

Chandrababu : ఎన్ని దుష్ట శక్తులనైనా ప్రతిఘటిస్తూ ముందుకెళ్తా- చంద్రబాబు

<ul><li>Chandrababu : టీడీపీ అధినేత చంద్రబాబు సతీసమేతంగా విజయవాడ కనకదుర్గమ్మను దర్శించుకున్నారు. తెలుగు ప్రజానీకానికి సేవ చేసి రాష్ట్రానికి పూర్వవైభవం తెచ్చే శక్తి ప్రసాదించాలని కనకదుర్గమ్మను వేడుకున్నట్లు చంద్రబాబు తెలిపారు.</li></ul>

<ul><li>Michaung Cyclone : మిచౌంగ్ తుపాను రేపు కోస్తా తీరానికి సమాంతరంగా పయనిస్తుందని, ఎల్లుండి మధ్యాహ్నం తీరం దాటనుందని విపత్తుల నిర్వహణ సంస్థ ప్రకటించింది. తుపాను ప్రభావంతో కోస్తాంధ్రలో భారీ వర్షాలు కురుస్తాయని తెలిపింది.</li></ul>

KCR : సీఎం పదవికి కేసీఆర్ రాజీనామా, గవర్నర్ ఆమోదం

<p>KCR :ముఖ్యమంత్రి పదవికి కేసీఆర్ రాజీనామా చేశారు. ఆదివారం సాయంత్రం తన రాజీనామా లేఖను కేసీఆర్ రాజ్ భవన్ కు పంపారు. తెలంగాణ అసెంబ్లీ ఎన్నికల్లో బీఆర్ఎస్ ఓటమి పాలైంది. దీంతో కేసీఆర్ సీఎం పదవికి రాజీనామా చేశారు. కేసీఆర్ రాజీనామాను గవర్నర్ ఆమోదించారు. ఎన్నికల ఫలితాల్లో కాంగ్రెస్ 64 సీట్లు సాధించి అధికారాన్ని కైవసం చేసుకుంది. రేపు కాంగ్రెస్ ప్రభుత్వం ఏర్పాటు చేయనుంది. సోమవారం ఉదయం కాంగ్రెస్ నేతలు గవర్నర్ ను కలిసి ప్రభుత్వ ఏర్పాటుకు ఆహ్వానించాలని కోరనున్నారు.</p>

<h2>రెండు సార్లు సీఎం</h2><p>తెలంగాణ రాష్ట్ర సాధించిన ఉద్యమనేత కేసీఆర్. తెలంగాణ ఏర్పాటు తర్వాత తిరుగులేని స్థాయిలో కేసీఆర్ రాజకీయం చేశారు. 2014 ఎన్నికల్లో ఘన విజయం సాధించి తెలంగాణకు మొదటి సీఎంగా కేసీఆర్ రికార్డులకెక్కారు. 2018లో ముందస్తు ఎన్నికలకు వెళ్లి ఏకంగా 88 స్థానాల్లో విజయం సాధించారు. వరుసగా రెండోసారి కేసీఆర్ సీఎం అయ్యారు. 2014 నుంచి ఇప్పటి వరకూ దాదాపు తొమ్మిదిన్నరేళ్లు కేసీఆర్ సీఎంగా సేవలు అందించారు.</p>

<h2>గజ్వేల్ లో విజయం, కామారెడ్డిలో ఓటమి</h2><p>గజ్వేల్ లో పోటీ చేసిన కేసీఆర్ విజయం సాధించగా, కామారెడ్డిలో గట్టి ఎదురుదెబ్బ తగిలింది. కామారెడ్డిలో కేసీఆర్ ఓటమి పాలైయ్యారు. గజ్వేల్ లో తన సమీప ప్రత్యర్థి, బీజేపీ అభ్యర్థి ఈటల రాజేందర్‌పై 45,174 ఓట్ల తేడాతో కేసీఆర్ గెలిచారు. కాంగ్రెస్‌ అభ్యర్థి తూమ్‌కుంట నర్సారెడ్డి మూడో స్థానంలో నిలిచారు. కామారెడ్డిలో సీఎం కేసీఆర్‌ ఓడిపోయారు. బీజేపీ అభ్యర్థి వెంకటరమణారెడ్డి కామారెడ్డిలో సంచలన విజయం సాధించారు. టీపీసీసీ అధ్యక్షుడు రేవంత్ రెడ్డి మూడో స్థానంలో నిలవగా, కేసీఆర్ రెండో స్థానానికి పరిమితం అయ్యారు. </p>

<p>రాష్ట్రంలోనే వీవీఐపీ నేతలు కామారెడ్డి నియోజకవర్గం నుంచి పోటీ చేశారు. ఇక్కడి ఫలితంపై నరాలు తెగే ఉత్కంఠ నెలకొంది. కేసీఆర్, రేవంత్ రెడ్డి లాంటి దిగ్గజాలను ఢీకొట్టిన బీజేపీ అభ్యర్థి వెంకటరమణారెడ్డి కామారెడ్డి కింగ్‌ అయ్యారు.</p>

<ul><li>KCR : కేసీఆర్ ముఖ్యమంత్రి పదవికి రాజీనామా చేశారు. గవర్నర్ కు రాజీనామా లేఖ పంపించారు. కేసీఆర్ గజ్వేల్ లో విజయం సాధించగా, కామారెడ్డి ఓటమి చెందారు.</li></ul>

TS DGP Suspended : తెలంగాణ డీజీపీ అంజనీకుమార్ పై ఎన్నికల సంఘం సస్పెన్షన్ వేటు

<p>TS DGP Suspended : తెలంగాణ డీజీపీ అంజనీకుమార్ పై ఎన్నికల సంఘం సస్పెన్షన్ వేటు వేసింది. ఎన్నికల నిబంధనలు ఉల్లంఘించారని ఈసీ డీజీపీపై వేటు వేసింది. డీజీపీ అంజనీకుమార్, ఇతర పోలీస్ అధికారులు టీపీసీసీ అధ్యక్షుడు రేవంత్ రెడ్డిని కలిసి శుభాకాంక్షలు తెలిపారు. ఈ విషయాన్ని ఎన్నికల సంఘం సీరియస్ తీసుకుని డీజీపీపై వేటు వేసింది. మరో ఇద్దరు పోలీసు అధికారులు మహేశ్ భగవత్, సందీప్ కుమార్ జైన్ కు నోటీసులు జారీ చేసింది.</p>

<p>కాంగ్రెస్‌ నుంచి పోటీలో ఉన్న అభ్యర్థి, స్టార్ క్యాంపెయినర్ రేవంత్ రెడ్డి నివాసానికి వెళ్లిన డీజీపీ పూలగుత్తితో అభినందించడం మోడల్ కోడ్ ఆఫ్ కాండక్ట్‌ను ఉల్లంఘించడమే అని ఈసీ అభిప్రాయపడింది. అందుకే డీజీపీని సస్పెండ్ చేసినట్లు తెలిపారు. తదుపరి సీనియర్‌గా అర్హత ఉన్న పోలీసు అధికారికి వెంటనే తెలంగాణ డీజీపీగా బాధ్యతలు అప్పగించాలని ఈసీ ఆదేశించింది.</p>

<h2>రేవంత్ రెడ్డిని కలిసి అధికారులు</h2><p>ఎన్నికల మోడల్ కోడ్, సంబంధిత ప్రవర్తనా నియమాలను ఉల్లంఘించినందుకు భారత ఎన్నికల సంఘం తెలంగాణ పోలీసు డైరెక్టర్ జనరల్ అంజనీ కుమార్‌ను సస్పెండ్ చేసిందని ఏఎన్ఐ వార్త సంస్థ తెలిపింది. తెలంగాణ రాష్ట్ర పోలీస్ నోడల్ అధికారి సంజయ్ జైన్, మరో అధికారి మహేశ్ భగవత్‌తో కలిసి శాసనసభకు జరుగుతున్న సార్వత్రిక ఎన్నికల్లో పోటీ చేసిన అభ్యర్థి అనుముల రేవంత్ రెడ్డిని హైదరాబాద్‌లో కలిసి పుష్పగుచ్ఛం ఇచ్చారు. దీంతో పోలీసులు ఉన్నతాధికారులు ఎన్నికల నిబంధనలు ఉల్లంఘించారని ఈసీ చర్యలు తీసుకుంది.</p>

<blockquote class="twitter-tweet"><p lang="en" dir="ltr"><a href="https://twitter.com/hashtag/UPDATE?src=hash&amp;ref_src=twsrc%5Etfw">#UPDATE</a> | The Election Commission of India has suspended Anjani Kumar, Director General of Police Telangana for violation of the Model Code of Conduct and relevant conduct rules: Sources<br><br>The Director General of Police Telangana along with Sanjay Jain, State Police Nodal Officer,… <a href="https://t.co/FGltWV2Bxe">https://t.co/FGltWV2Bxe</a> <a href="https://t.co/2m7XpbjBqj">pic.twitter.com/2m7XpbjBqj</a></p>&mdash; ANI (@ANI) <a href="https://twitter.com/ANI/status/1731281450199363998?ref_src=twsrc%5Etfw">December 3, 2023</a></blockquote> <script async src="https://platform.twitter.com/widgets.js" charset="utf-8"></script>

<ul><li>TS DGP Suspended : తెలంగాణ డీజీపీ అంజనీకుమార్ ను కేంద్రం ఎన్నికల సంఘం సస్పెండ్ చేసింది. ఎన్నికల నిబంధనలు ఉల్లంఘించారని ఆయనపై చర్యలు తీసుకుంది.</li></ul>

TS Congress Govt : రేపే కాంగ్రెస్ సీఎం ప్రమాణ స్వీకారం, ప్రభుత్వ ఏర్పాటుకు సన్నాహాలు!

<p>TS Congress Govt : రేపు(సోమవారం) తెలంగాణలో కాంగ్రెస్ ప్రభుత్వం ఏర్పాడనుంది. కాంగ్రెస్ ముఖ్యమంత్రి ప్రమాణ స్వీకారం చేయనున్నారు. ఆదివారం రాత్రి సీఎల్పీ సమావేశం జరిగే అవకాశం ఉంది. హైదరాబాద్ ఎల్బీ స్టేడియంలో కాంగ్రెస్ సీఎం ప్రమాణ స్వీకారం చేయనున్నారు. రేపు ఉదయం కాంగ్రెస్ నేతలు గవర్నర్ ను కలవనున్నారు. సీఎం ఎంపికపై కాంగ్రెస్ ఎమ్మెల్యేల అభిప్రాయాలను ఏఐసీసీ నేతలు సేకరించనున్నారు. కాంగ్రెస్ ఎమ్మెల్యేలు ఇప్పటికే హైదరాబాద్ లోని తాజ్ కృష్ణకు చేరుకుంటున్నారు. </p>

<p>తెలంగాణ ఎన్నికల ఫలితాల్లో కాంగ్రెస్‌ ఆధిక్యంలో నిలిచింది. 64 స్థానాల్లో కాంగ్రెస్ అభ్యర్థులు గెలుపొందారు. ఈ నేపథ్యంలో ఆ పార్టీ సీనియర్‌ నేత, కర్ణాటక ఉప ముఖ్యమంత్రి డీకే శివకుమార్‌ మీడియాతో మాట్లాడుతూ.. తదుపరి కార్యాచరణపై ఏఐసీసీ నిర్ణయం తీసుకుంటుందన్నారు.</p>

<ul><li>TS Congress Govt : రేపు కాంగ్రెస్ ముఖ్యమంత్రి ప్రమాణ స్వీకారం చేయనున్నారు. ఆదివారం రాత్రికి సీఎల్పీ సమావేశం జరిగే అవకాశం ఉంది.</li></ul>

Revanth Reddy : తెలంగాణ రాజకీయాల్లో పడిలేచిన కెరటం-జడ్పీటీసీ స్థాయి నుంచి సీఎం అభ్యర్థి వరకు రేవంత్ రెడ్డి ప్రస్థానం

<p>Revanth Reddy : రేవంత్ రెడ్డి తెలంగాణ రాజకీయాల్లో పడిలేచిన కెరటం. తెలంగాణలో కాంగ్రెస్ పనైపోయిందన్న వారికి గట్టి సమాధానం చెబుతూ హస్తం పార్టీకి అధికారం సాధించే స్థాయికి తీసుకొచ్చారు. టీపీసీసీ అధ్యక్షుడిగా సవాళ్లు ఎదుర్కొంటూ కాంగ్రెస్ పార్టీ అధికారంలోకి రావడానికి కీలక పాత్ర పోషించారు. 2021లో కాంగ్రెస్ పార్టీ రాష్ట్ర అధ్యక్షుడిగా రేవంత్ రెడ్డి... సుదీర్ఘ కాలంగా పాటు పనిచేసిన ఉత్తమ్ కుమార్ రెడ్డి నుంచి బాధ్యతలు స్వీకరించారు. జీహెచ్ఎంసీ ఎన్నికల్లో ఓటమితో కుంగిపోయిన కాంగ్రెస్ కు ఆ తర్వాత ఉపఎన్నికల్లో గట్టి ఎదురుదెబ్బలు తగిలాయి. ఆ సమయంలో పార్టీ బాధ్యతలు చేపట్టిన రేవంత్ రెడ్డి...సీనియర్లను సమన్వయం చేసుకుంటూ... ప్రత్యర్థులపై విరుచుకుపడ్డారు.</p>

<p>అనుముల రేవంత్ రెడ్డి కొడంగల్ శాసనసభ్యుడిగా, తెలంగాణ ప్రదేశ్ కాంగ్రెస్ కమిటీ అధ్యక్షుడిగా ఉన్నాడు. 2009-2014 మధ్య ఉమ్మడి ఆంధ్రప్రదేశ్ అసెంబ్లీలో, 2014-2018 మధ్య తెలంగాణ అసెంబ్లీలో తెలుగుదేశం పార్టీ (TDP) నుంచి కొడంగల్(Kodangal) నియోజకవర్గానికి ప్రాతినిధ్యం వహించారు. కొడంగల్ నియోజకవర్గానికి రెండుసార్లు శాసనసభ సభ్యుడిగా ఎన్నికయ్యారు. అక్టోబర్ 2017లో రేవంత్ రెడ్డి కాంగ్రెస్‌లో చేరారు. జూన్ 2021లో తెలంగాణ ప్రదేశ్ కాంగ్రెస్ కమిటీ అధ్యక్షుడి(TPCC President)గా నియమితులయ్యారు.</p>

<h2>కుటుంబ నేపథ్యం</h2><p>అనుముల రేవంత్ రెడ్డి..1969 ఆగస్టు 8న మహబూబ్ నగర్ జిల్లా కొండారెడ్డి పల్లెలో దివంగత నరసింహారెడ్డి, రామచంద్రమ్మ దంపతులకు జన్మించారు. రేవంత్ రెడ్డికి మొత్తం ఆరుగురు సోదరులు, ఒక సోదరి ఉన్నారు. పదో తరగతి వరకు ప్రభుత్వ పాఠశాలలో చదివిన రేవంత్ రెడ్డి... ఇంటర్ ఓ ప్రైవేట్ కాలేజీలో పూర్తి చేశారు. అనంతరం డిగ్గీ చేసేందుకు హైదరాబాద్(Hyderabad) వచ్చారు. 1992లో ఉస్మానియా అనుబంధంగా ఉన్న ఏవీ కాలేజీ నుంచి డిగ్రీ(ఫైన్ ఆర్ట్స్) పూర్తి చేశారు. చిన్ననాటి నుంచి నాయకత్వ లక్షణాలున్న రేవంత్... పాఠశాలలో చదివే రోజుల్లోనే స్టూడెంట్ లీడర్ ఉన్నారు. ఏబీవీపీ స్టూడెంట్ యూనియన్ లో మెంబర్ గా చేశారు. డిగ్రీ పూర్తి చేసిన తర్వాత పెయింటర్ గా కొంతకాలం పనిచేశారు. ఆ తర్వాత సోదరుడితో కలిసి ప్రిటింగ్ ప్రెస్ స్టార్ట్ చేశారు. అది విజయవంతం అవ్వడంతో...రియల్ ఎస్టేట్ రంగంలోకి ఎంట్రీ ఇచ్చారు. ఆర్థికంగా నిలదొక్కుకున్న రేవంత్ రెడ్డి.. ఎన్నో సేవాకార్యక్రమాలు చేశారు. 1992లో కాంగ్రెస్ సీనియర్ నేత, కేంద్ర మాజీమంత్రి జైపాల్ రెడ్డి సోదరుడి కుమార్తె గీతారెడ్డిని ప్రేమవివాహం చేసుకున్నారు రేవంత్ రెడ్డి. వీరికి ఒక కుమార్తె ఉన్నారు.</p>

<h2>రేవంత్ రాజకీయ ప్రస్థానం</h2><p>టీడీపీ నుంచి బయటకు వచ్చి కేసీఆర్ స్థాపించిన టీఆర్ఎస్ పార్టీ వైపు మొగ్గుచూపారు రేవంత్ రెడ్డి. 2001-02 మధ్య టీఆర్ఎస్ కార్యకర్తగా పనిచేశారు. ఆ తర్వాత 2004లో కల్వకుర్తి టికెట్ ఆశించినా.. కూటమి పొత్తు్ల్లో భాగంగా ఆ సీటు రేవంత్ కు రాలేదు. 2006లో మిడ్జిల్ మండలం జెడ్పీటీసీ ఎన్నికల్లో కేసీఆర్ టికెట్ ఇస్తారని భావించినా మళ్లీ నిరాశే ఎదురైంది. దీంతో టీఆర్ఎస్(TRS) నుంచి బయటకు వచ్చిన రేవంత్ రెడ్డి...2008లో జరిగిన స్థానిక సంస్థల ఎమ్మెల్సీ ఎన్నికల్లో స్వతంత్ర అభ్యర్థిగా గెలుపొందారు. అప్పుడే రేవంత్ రెడ్డి పేరు రాష్ట్ర వ్యాప్తంగా మారుమోగింది. ఎమ్మెల్సీగా గెలిచిన రేవంత్ రెడ్డి చంద్రబాబు ఆహ్వానం మేరకు టీడీపీలో చేరారు. టీడీపీలో యాక్టివ్ గా పనిచేసిన రేవంత్ రెడ్డికి చంద్రబాబు 2009 అసెంబ్లీ ఎన్నికల్లో కొడంగల్ టికెట్ కేటాయించారు. 2009 అసెంబ్లీ ఎన్నికల్లో టీడీపీ ఓటమి పాలైనా.. కొడంగల్ నుంచి రేవంత్ రెడ్డి... కాంగ్రెస్(Congress) పార్టీ సీనియర్ సభ్యుడు రావులపల్లి గుర్నాథరెడ్డిపై విజయం సాధించారు. అసెంబ్లీలో ప్రతిపక్షంగా ఉన్న టీడీపీ తరపున రేవంత్ బలంగా గొంతు వినిపించేవారు. రేవంత్ రెడ్డి 2014లో రెండోసారి ఎమ్మెల్యేగా గెలిచారు. రేవంత్‌ రెడ్డి 2014-17 మధ్య టీడీఎల్పీ ఫ్లోర్‌ లీడర్‌గా పనిచేశారు. అనంతరం 2017 అక్టోబర్‌లో టీడీపీ(TDP) రాజీనామా చేసి కాంగ్రెస్‌ పార్టీలో చేరారు. రేవంత్‌ రెడ్డి 2018లో టీపీసీసీ వర్కింగ్‌ ప్రెసిడెంట్‌గా నియమితులయ్యారు. 2018 డిసెంబర్‌లో జరిగిన తెలంగాణ అసెంబ్లీ ఎన్నికల్లో కొడంగల్ నుంచి పోటీ చేసి ఓడిపోయారు. 2019 మే నెలలో జరిగిన లోక్‌సభ ఎన్నికల్లో కాంగ్రెస్ తరపున మల్కాజిగిరి పార్లమెంట్ నియోజకవర్గం నుంచి పోటీ చేసి ఎంపీగా గెలిచారు. 26 జూన్ 2021లో రేవంత్ రెడ్డిని జాతీయ కాంగ్రెస్ పార్టీ టీపీసీసీ అధ్యక్షుడిగా నియమించింది.</p>

<h2>మూడు సార్లు ఎమ్మెల్యే, ఒకసారి ఎంపీ</h2><ul><li>2006- స్థానిక సంస్థల ఎన్నికల్లో పోటీ చేసి, మహబూబ్‌నగర్ జిల్లాలోని మిడ్జిల్ నుంచి ZPTC సభ్యుడు</li><li>2009లో కొడంగల్ నియోజకవర్గం నుంచి టీడీపీ అభ్యర్థిగా రేవంత్ రెడ్డి 46.45 శాతం ఓట్లతో ఉమ్మడి ఆంధ్రప్రదేశ్ అసెంబ్లీకి ఎన్నికయ్యారు . కాంగ్రెస్ అభ్యర్థి, ఐదుసార్లు ఎమ్మెల్యే గురునాథ్ రెడ్డిపై గెలిచారు.</li><li>2014 ఉమ్మడి ఆంధ్రప్రదేశ్ ఎన్నికల్లో కొడంగల్ నుంచి పోటీ చేసిన రేవంత్ రెడ్డి.. కాంగ్రెస్ అభ్యర్థి గురునాథ్ రెడ్డిపై 14,614 ఓట్ల మెజారిటీతో గెలిచి తెలంగాణ అసెంబ్లీకి ఎన్నికయ్యారు. తెలంగాణ శాసనసభలో తెలుగుదేశం పార్టీ ఫ్లోర్ లీడర్‌గా పనిచేశారు.</li><li>2018 తెలంగాణ అసెంబ్లీ ఎన్నికల్లో కొడంగల్ నుంచి కాంగ్రెస్ అభ్యర్థిగా పోటీ చేసిన రేవంత్ రెడ్డి.. టీఆర్‌ఎస్ అభ్యర్థి పట్నం నరేందర్ రెడ్డి చేతిలో ఓడిపోయారు.</li><li>2019 లోక్‌సభ ఎన్నికల్లో మల్కాజ్ గిరి నుంచి పోటీ చేసిన రేవంత్ రెడ్డి.. టీఆర్ఎస్ అభ్యర్థి మర్రి రాజశేఖర్ రెడ్డిపై 10,919 ఓట్ల తేడాతో గెలుపొంది మొదటిసారి పార్లమెంట్‌లో అడుగుపెట్టారు.</li><li>2023 అసెంబ్లీ ఎన్నికల్లో కొండగల్ నుంచి కాంగ్రెస్ అభ్యర్తిగా పోటీ చేసి విజయం సాధించారు.</li></ul><h2>కాంగ్రెస్ లో కీలకంగా</h2><p>టీడీపీలో ఉన్నా.. తెలంగాణ ఉద్యమ సమయంలో కీలక భూమిక పోషించారు రేవంత్ రెడ్డి. తెలంగాణ ఏర్పాటు తర్వాత 2014లో జరిగిన ఎన్నికల్లో టీడీపీ నుంచే కొడంగల్ లో రెండోసారి ఎమ్మెల్యేగా గెలిచారు. ఆ ఎన్నికల్లో 14,614 ఓట్ల మెజారిటీతో రేవంత్ గెలిచారు. 2017లో రేవంత్ రెడ్డిని తెలంగాణ టీడీపీ వర్కింగ్ ప్రెసిడెంట్ గా నియమించారు చంద్రబాబు. అయితే తెలంగాణ(Telangana)లో మారిన రాజకీయ పరిస్థితులతో రేవంత్ రెడ్డి 2017 అక్టోబర్ లో కాంగ్రెస్ తీర్థం పుచ్చుకున్నారు. 2018 అసెంబ్లీ ఎన్నికల్లో మళ్లీ కొడంగల్ నుంచి బరిలోకి దిగిన రేవంత్ రెడ్డి ఓటమిపాలైయ్యారు. అయితే రేవంత్ రెడ్డికి ఉన్న మాస్ ఫాలోయింగ్ చూసిన కాంగ్రెస్ అధిష్ఠానం టీపీసీసీ వర్కింగ్ ప్రెసిటెండ్ గా నియమించింది. 2019 లోక్‌సభ ఎన్నికల్లో మల్కాజ్ గిరి నుంచి పోటీ చేసిన రేవంత్ రెడ్డి.. టీఆర్ఎస్ అభ్యర్థి మర్రి రాజశేఖర్ రెడ్డిపై 10,919 ఓట్ల తేడాతో గెలుపొంది మొదటిసారి పార్లమెంట్‌లో అడుగుపెట్టారు.</p>

<ul><li>Revanth Reddy : జడ్పీటీసీ సభ్యుడి స్థాయి నుంచి రేవంత్ రెడ్డి సీఎం అభ్యర్థి స్థాయికి చేరుకున్నారు. తెలంగాణ ఎన్నికల్లో కాంగ్రెస్ పార్టీ తిరుగులేని విజయంలో రేవంత్ రెడ్డి కీలక పాత్ర పోషించారు.</li></ul>

Barrelakka : కొల్లాపూర్ లో బర్రెలక్క ఓటమి, ఎన్నిఓట్లు వచ్చాయంటే?

<p>Barrelakka : తెలంగాణ ఎన్నికల ఫలితాలు వెలువడుతున్నాయి. అత్యధిక సీట్లతో కాంగ్రెస్ ప్రభుత్వ ఏర్పాటు దిశగా దూసుకుపోతుంది. అయితే కొల్లాపూర్ లో గట్టి పోటీ ఇచ్చిన స్వతంత్ర అభ్యర్థి బర్రెలక్క ఓటమి పాలయ్యారు. కొల్లాపూర్ లో కాంగ్రెస్ అభ్యర్థి జూపల్లి కృష్ణారావు విజయం సాధించారు. బీఆర్ఎస్ అభ్యర్థి బీరం హర్షవర్ధన్ రెడ్డిపై జూపల్లి గెలుపొందారు. తెలంగాణ అసెంబ్లీ ఎన్నికల్లో బర్రెలక్క (శిరీష) అందరి దృష్టిని ఆకర్షించారు. బర్రెలు కాస్తున్న ఫ్రెండ్స్‌ అంటూ సామాజిక మాధ్యమాల్లో ట్రెండ్‌ అయిన శిరీష తెలంగాణ ఎన్నికల్లో పోటీ చేశారు. నిరుద్యోగుల తరఫున పోరాడుతున్నానని చెప్పిన బర్రెలక్కకు... పెద్ద ఎత్తున మద్దతు లభించింది. తొలుత పోస్టల్‌ బ్యాలెట్‌లో కాంగ్రెస్, బీఆర్ఎస్ కన్నా బర్రెలక్కకు ఎక్కువ ఓట్లు వచ్చాయి. దీంతో నియోజకవర్గంలోని ఉద్యోగులు బర్రెలక్క వెంటే నిలిచినట్లు తెలుస్తోంది. విజిల్‌ గుర్తుతో ఎన్నికలో బరిలో నిలిచిన బర్రెలక్కకు తొలి రౌండ్‌లో 473 ఓట్లు రాగా రెండో రౌండ్‌లో 262 ఓట్లు పోలైయ్యాయి. బర్రెలక్కకు మొత్తానికి 5658 ఓట్లు వచ్చాయి.</p>

<h2>ఓట్లగా మారని సోషల్ మీడియా ప్రచారం</h2><p>బర్రెలక్క ఎన్నికలలో విజయం సాధించకపోయినా కనీసం 15 వేలు నుంచి 20 వేల ఓట్లు వ‌స్తాయని ఎగ్జిట్ పోల్స్ చెప్పాయి. అయితే ఈ అంచనాలు తారుమారయ్యాయి. సోషల్ మీడియాలో విపరీతంగా ట్రెండ్ అయిన బర్రెలక్కకు పెద్ద ఎత్తున మద్దతు లభించింది. ప్రచారంలో దూసుకుపోయిన బర్రెలక్కకు కొల్లాపూర్ ప్రజలు అంతతా మద్దతు తెలపలేదు. ఈసారి బర్రెలక్క కొల్లాపూర్ నియోజకవర్గంలో గెలిస్తే చరిత్ర సృష్టిస్తుందని రాజకీయ విశ్లేషకులు భావించారు. ఏది ఏమైనా సోషల్ మీడియాలో ప్రచారం మోత మోగించినా, అది ఓటు బ్యాంకుగా మారలేదని పలువురు అంటున్నారు. అయితే నిరుద్యోగుల పక్షాన పోటీ చేసిన బర్రెలక్క... సాధారణ వ్యక్తులు కూడా ఎన్నికల్లో పోటీ చేయొచ్చు అనే సూర్ఫిని నిరూపించారని విశ్లేషకులు అంటున్నారు.</p>

<ul><li>Barrelakka : కొల్లాపూర్ లో ప్రధాన పార్టీ అభ్యర్థులకు ప్రచారంలో గట్టిపోటీ ఇచ్చిన స్వతంత్ర అభ్యర్థి బర్రెలక్క ఓటమి చెందారు. కొల్లాపూర్ లో కాంగ్రెస్ అభ్యర్థి జూపల్లి కృష్ణారావు విజయం సాధించారు.</li></ul>

TS Election Results 2023 : కొడంగల్ లో రేవంత్ రెడ్డి ఘనవిజయం, కాంగ్రెస్ గెలిచిన స్థానాలివే!

<p>TS Election Results 2023 : తెలంగాణ అసెంబ్లీ ఎన్నికల ఫలితాల్లో కాంగ్రెస్ దూసుకెళ్తోంది. తాజాగా అందిన సమాచారం మేరకు ఇప్పటి వరకు 20 స్థానాల్లో కాంగ్రెస్ విజయం సాధించి, 44 స్థానాల్లో ఆధిక్యంలో ఉంది. కొడంగల్ లో టీపీసీసీ అధ్యక్షుడు రేవంత్ రెడ్డి గెలుపొందారు. కొడంగల్ లో బీఆర్ఎస్ అభ్యర్థి పట్నం నరేందర్ రెడ్డిపై రేవంత్ రెడ్డి విజయం సాధించారు. రేవంత్ రెడ్డి 30 వేల పైచిలుకు మెజార్టీ వచ్చింది.</p>

<h2>కాంగ్రెస్ గెలిచిన స్థానాలు</h2><ul><li>అశ్వరావుపేట</li><li>ఇల్లందు</li><li>రామగుండం</li><li>జుక్కల్</li><li>ఆందోల్</li><li>నల్గొండ</li><li>బెల్లంపల్లి</li><li>నారాయణపేట</li><li>కొడంగల్</li><li>పాలకుర్తి</li><li>వేములాడ</li><li>మునుగోడు</li><li>హుజూర్ నగర్</li><li>ములుగు</li><li>నకిరేకల్</li><li>నాగార్జున సాగర్</li><li>మంథని</li><li>చెన్నూర్</li><li>మధిర</li></ul></p>

<ul><li>TS Election Results 2023 : తెలంగాణ అసెంబ్లీ ఎన్నికల ఫలితాల్లో కాంగ్రెస్ ఆధిక్యంలో దూసుకుపోతుంది. కొడంగల్ లో రేవంత్ రెడ్డి ఘన విజయం సాధించారు.</li></ul>

Bandaru Satyaprasad