TS Ekalavya Model Schools: ఏకలవ్య మోడల్‌ స్కూల్స్‌లో ప్రవేశాలకు నోటిఫికేషన్...నేటి నుంచి ఆన్‌లైన్‌లో దరఖాస్తులు

TS Ekalavya Model Schools: గిరిజన విద్యార్ధులకు మెరుగైన విద్యా, ఉపాధి కల్పించే లక్ష్యంతో ఏర్పాటైన ఏకలవ్య గురుకుల పాఠశాలల్లో ప్రవేశాలకు నోటిఫికేషన్ విడుదల అయ్యింది. తెలంగాణ రాష్ట్రంలోని పలు జిల్లాల్లో ఉన్న ఏకలవ్య గురుకుల విద్యా సంస్థల్లో ప్రవేశాల కోసం అడ్మిషన్ నోటిఫికేషన్ విడుదలైంది. 2024-25 విద్యా సంవత్సరంలో ఆరో తరగతి ప్రవేశాల కోసం ఆన్‌లైన్‌లో దరఖాస్తులు స్వీకరిస్తున్నారు.

ఏకలవ్య మోడల్ రెసిడెన్షియల్ స్కూల్స్‌లో మొత్తం 1380 సీట్లు అందుబాటులో ఉన్నాయి. ఈ స్కూళ్లలో ప్రవేశాల కోసం ఉమ్మడి ప్రవేశ పరీక్ష నిర్వహించనున్నారు. ఫిబ్రవరి 22వ తేదీ నుంచి మార్చి 22వ తేదీ వరకు దరఖాస్తులు స్వీకరిస్తారు. ప్రవేశ పరీక్షలో వచ్చిన మార్కుల ఆధారంగా రిజర్వేషన్ల వారీగా సీట్లను కేటాయిస్తారు.

పూర్తి వివరాలను ఏకలవ్య గురుకుల విద్యాలయాల సంస్థ అధికారిక వెబ్‌సైట్‌లో అందుబాటులో ఉంటాయి. ఆన్‌లైన్‌లో https://tserms.telangana.gov.in లో లభిస్తాయని గురుకుల విద్యాలయాల సంస్థ డైరెక్టర్ సీతాలక్ష్మీ పేర్కొన్నారు.గిరిజన విద్యార్ధులకు మెరుగైన విద్యా అవకాశాలను కల్పించే లక్ష్యంతో కేంద్ర ప్రభుత్వ భాగస్వామ్యంతో ఏకలవ్య గురుకుల విద్యా సంస్థలు ఏర్పాటయ్యాయి.

EMRS ద్వారా గిరిజన యువతకు స్వతంత్రంగా ఎదిగే అవకాశాలు కల్పించడం, గా గ్లోబల్ నైపుణ్యాలతో వారిని తీర్చి దిద్దడం తద్వారా వారు స్వశక్తితో ఎదిగేందుకు కృషి చేస్తారు. సమాజంలోని ప్రధాన స్రవంతిలోకి గిరిజన యువత వచ్చేలా వీలు కల్పించాలని లక్ష్యంగా పెట్టుకున్నారు. సొసైటీ శాస్త్రీయ ఆలోచన స్ఫూర్తిని ముందుకు తీసుకెళ్లడంతో పాటు సమాజానికి విలువైన వనరుగా యువతను తీర్చిదిద్దడం లక్ష్యంగా పెట్టుకుంది.

నేషనల్ ఎడ్యుకేషన్ సొసైటీ ఫర్ ట్రైబల్ స్టూడెంట్స్ (NESTS) ద్వారా ఈ మోడల్ స్కూల్స్ నిర్వహిస్తున్నారు. కేంద్ర గిరిజన వ్యవహారాల మంత్రిత్వ శాఖ ఆధ్వర్యంలో పాఠశాలలను స్థాపించి వాటిని నిర్వహిస్తున్నారు. వాటిపై పూర్తి నియంత్రణ కేంద్ర ప్రభుత్వానికి ఉంటుంది.

ఏకలవ్య మోడల్ రెసిడెన్షియల్ స్కూల్స్ (EMRS), ఏకలవ్య మోడల్ డే బోర్డింగ్ స్కూల్స్ (EMDBS) సెంటర్ ఆఫ్ ఎక్సలెన్స్ ఫర్ స్పోర్ట్స్ ద్వారా గిరిజన విద్యార్ధులకు మెరుగైన అవకాశాలు కల్పిస్తారు. కుటుంబ సామాజిక-ఆర్థిక స్థితిగతులతో సంబంధం లేకుండా గ్రామీణ ప్రాంతాలకు చెందిన ప్రతిభావంతులైన గిరిజన పిల్లలకు విలువలు, పర్యావరణంపై అవగాహన, సాహస కార్యకలాపాలు మరియు శారీరక విద్య వంటి బలమైన అంశాలతో సహా నాణ్యమైన ఆధునిక విద్యను అందించడం లక్ష్యంగా పెట్టుకున్నారు. దేశమంతటా ఉమ్మడి మాధ్యమం ద్వారా బోధన కోసం తగిన సౌకర్యాలు కల్పిస్తారు.

గిరిజన ప్రజల వారసత్వాన్ని సులభతరం చేయడానికి మరియు అర్థం చేసుకోవడానికి ఉమ్మడి కోర్-పాఠ్యాంశాలను డిజైన్ చేస్తారు. జాతీయ సమగ్రతను ప్రోత్సహించడానికి మరియు సామాజిక కంటెంట్‌ను మెరుగుపరచడానికి ప్రతి పాఠశాలలో దేశంలోని ఒక ప్రాంతం నుండి మరొక ప్రాంతానికి విద్యార్థులను క్రమంగా తీసుకు వెళుతుంటారు. క్రీడలు మొదలైన వాటిలో సెంటర్ ఆఫ్ ఎక్సలెన్స్ వైపు వెళ్లే విద్యార్థులకు పాఠ్యేతర కార్యకలాపాలకు అవకాశాలను అందిస్తారు.

విద్యార్థులు జాతీయ సంస్కృతిపై గర్వాన్ని పెంపొందించుకోవడం, గిరిజన వారసత్వం, గిరిజన సంస్కృతి, సంగీతం, నృత్యం మరియు ఇతర కళలను నేర్చుకునేలా ప్రోత్సహిస్తారు. స్వయం ఉపాధితో సహా ఉపాధికి సంబంధించిన నైపుణ్యాలను పొందడంలో విద్యార్థులకు సహాయం చేస్తారు. అత్యుత్తమ విద్యా ప్రమాణాలతో బోధన, క్రీడలతో పాటు అన్ని రంగాల్లో నైపుణ్యం సాధించేలా ఏకలవ్య స్కూళ్లలో బోధన ఉంటుంది. గిరిజన ఆధిపత్య ప్రాంతాల్లోని ST విద్యార్థులకు నాణ్యమైన అప్పర్ ప్రైమరీ, సెకండరీ మరియు సీనియర్ సెకండరీ స్థాయి విద్యను అందించడంతోపాటు వారి సర్వతోముఖాభివృద్ధికి కార్యక్రమాలు ఉంటాయి.