AIMIM Candidates Telangana : ఎంఐఎం అభ్యర్థుల జాబితా విడుదల - పోటీ చేసే స్థానాలివే

Telangana Assembly Elections 2023: తెలంగాణ ఎన్నికల కోసం అభ్యర్థుల లిస్టును విడుదల చేసింది ఎంఐఎం. ఇందులో తొమ్మిది స్థానాలను ప్రకటించింది. ఇందులో 7 సిట్టింగ్ స్థానాలు ఉండగా… మరో రెండు స్థానాలను కూడా పేర్కొంది.

1. చార్మినార్ - జుల్ఫేఖర్ అహ్మద్

2. చాంద్రాయణ గుట్ట - అక్బరుద్దీన్ ఓవైసీ

3. మలక్ పేట్ - అహ్మద్ బలాల

4. నాంపల్లి - మాజిద్ హుస్సేన్

5. కార్వాన్ - కౌజర్ మోహినుద్దిన్

6. యాకత్ పుర - జాఫర్ హుస్సేన్ మీరజ్

బహదూర్ పుర, రాజేంద్రనగర్, జూబ్లీహిల్స్ నియోజకవర్గాల్లో పోటీ చేస్తామని అసదుద్దీన్ ఓవైసీ వెల్లడించారు. ఈ స్థానాలకు పోటీ చేసే అభ్యర్థుల పేర్లను కూడా త్వరలోనే ప్రకటిస్తామని చెప్పారు.

ఈ అసెంబ్లీ ఎన్నికల్లో కూడా బీఆర్ఎస్, ఎంఐఎం మిత్రపక్ష వైఖరితోనే ముందుకెళ్తున్నాయి. అయితే గతంలో మాదిరిగా రాజేంద్రనగర్ విషయంలో ఎంఐఎం వెనక్కి తగ్గలేదు. 2018 ఎన్నికల్లో ఈ స్థానం నుంచి పోటీ చేసిన ఎంఐఎం…. ఈసారి కూడా పోటీ చేస్తామని తెలిపింది. ఈ స్థానం నుంచి ప్రస్తుతం బీఆర్ఎస్ ఎమ్మెల్యే ప్రకాశ్ గౌడ్ ఉన్నారు. బీఆర్ఎస్ సిట్టింగ్ స్థానం అయినప్పటికీ… ఇక్కడ్నుంచి మరోసారి పోటీలో ఉండటం ఆసక్తికరంగా మారింది. ఇక జూబ్లీహిల్స్ విషయంలోనూ వెనక్కి తగ్గలేదు ఎంఐఎం.