Sun transit: రాశి మారబోతున్న గ్రహాల రాజు.. ఈ రాశులకి అదృష్టం పట్టబోతుంది

Sun transit: జ్యోతిష్య శాస్త్రంలో సూర్య భగవానుడికి ప్రత్యేక స్థానం ఉంటుంది. గ్రహాల అధిపతి సూర్యుడు నెలకి ఒకసారి రాశి చక్రం మారుతూ ఉంటాడు. ప్రస్తుతం మకర రాశిలోకి ప్రవేశించిన సూర్యుడు ఫిబ్రవరి 13న కుంభ రాశిలోకి ప్రవేశిస్తాడు.

సూర్య భగవానుడు శుభప్రదంగా ఉన్నప్పుడు ఒక వ్యక్తి అదృష్టం పెరుగుతుంది. నెలకి ఒకసారి సూర్య సంచారం జరగడం వల్ల కొన్ని రాశుల వారికి శుభ ఫలితాలు కలిగితే మరికొన్ని రాశుల వారికి అశుభ ఫలితాలు ఇస్తాడు. కర్మఫల దాత శని దేవుడు ఉన్న కుంభ రాశిలోకి సూర్యుడు ప్రవేశించబోతున్నాడు. దీని వల్ల ఏయే రాశుల వారికి ఎలాంటి ఫలితం ఉండబోతుందో తెలుసుకుందాం.

మేష రాశి

సూర్యుడు కుంభ రాశిలోకి ప్రవేశించడం వల్ల మేష రాశి వారిని అదృష్టం వరించబోతుంది. వీరిలో ఆత్మవిశ్వాసం పెరుగుతుంది. తల్లి నుంచి ధనలాభం పొందే అవకాశాలు ఉన్నాయి. దాంపత్య సుఖం పెరుగుతుంది. మిత్రుల సహాయంతో ఉద్యోగ అవకాశాలు లభిస్తాయి. ఈ రాశి వారి ఆదాయం పెరుగుతుంది. కుటుంబ బాధ్యతలు పెరుగుతాయి. ఉద్యోగంలో పదోన్నతి పొందే అవకాశాలు ఉన్నాయి. మీకు గౌరవ మర్యాదలు దక్కుతాయి.

మిథున రాశి

సూర్య రాశి మార్పు మిథున రాశి వారికి శుభప్రదంగా మారబోతుంది. కుటుంబంలో ధార్మిక కార్యక్రమాలు జరుగుతాయి. సంతానం వల్ల మీరు సంతోషంగా ఉంటారు. ఉన్నత విద్య, పరిశోధన మొదలైన వాటి కోసం విదేశాలు వెళ్లాల్సి వస్తుంది. ఉద్యోగం మారాలని అనుకునే వారికి ఇది అనుకూల సమయం. ఉద్యోగస్థులకి ట్రాన్స్ ఫర్ అయ్యే అవకాశం ఉంది. మనసుకి ప్రశాంతత, ఆనందం కలుగుతాయి. పూర్తి ఆత్మవిశ్వాసంతో పని చేస్తారు. కుటుంబ సభ్యుల ననుంచి ధనం పొందే అవకాశం ఉంది. ఉద్యోగంలో అధికారుల నుంచి సహాయ సహకారాలు లభిస్తాయి.

కన్యా రాశి

సూర్య సంచారం కన్యా రాశి వారికి కలిసి వస్తుంది. తల్లిదండ్రుల నుంచి మద్దతు లభిస్తుంది. వస్త్రాలపై ఆసక్తి పెరుగుతుంది. విద్యార్థులు చదువు మీద ఆసక్తి కలిగి ఉంటారు. విద్యాపరమైన పనులు ఆహ్లాదకరమైన ఫలితాల్ని ఇస్తాయి. మీ పిల్లల వల్ల ఆనందంగా ఉంటారు. ఉద్యోగంలో పురోగతి సాధించే అవకాశాలు ఉన్నాయి. దైవిక కార్యక్రమాల్లో పాల్గొంటారు. పుణ్య క్షేత్రాలు దర్శించుకునే అవకాశాలు కూడా ఉన్నాయి.

వృశ్చిక రాశి

వృశ్చిక రాశి వాళ్ళు ఆనందంగా గడుపుతారు. విద్యాపరమైన విషయాల్లో విజయం సాధిస్తారు. రీసెర్చ్ కోసం వేరే ప్రాంతానికి వెళ్లాల్సి వస్తుంది. కెరీర్ పురోగతికి మార్గాలు కనిపిస్తాయి. మీ ఆదాయం పెరుగుతుంది. ఉద్యోగంలో ఉన్నతాధికారుల నుంచి సహకారం లభిస్తుంది. సంపద పెరుగుతుంది. మిత్రులు మీకు అండగా నిలుస్తారు.

ధనుస్సు రాశి

సూర్య సంచారం వల్ల ధనుస్సు రాశి వారు ధనవంతులు అవుతారు. ఆస్తి ద్వారా ఆదాయం పెరుగుతుంది. కళలు, సంగీతం పట్ల ఆసక్తి పెరుగుతుంది. ఉద్యోగం చేసే వారికి ట్రాన్స్ ఫర్ అవుతుంది. శ్రమ అధికంగా ఉంటుంది కానీ ఆదాయం పెరుగుతుంది. కుటుంబ జీవితం ఆనందదాయకంగా మారుతుంది. సంతానం వైపు నుంచి శుభవార్తలు వింటారు. వాహన సౌలభ్యం విస్తరించే అవకాశం ఉంది.