Lord shiva: శ్రావణ మాసంలో శివలింగానికి ఈ వస్తువులు సమర్పించండి.. సంపదల వర్షం కురుస్తుంది

Lord shiva: శివునికి అంకితం చేయబడిన శ్రావణ మాసం దగ్గర పడుతోంది. ఈ మాసంలో పరమేశ్వరుడి కరుణా కటాక్షాలు పొందటం కోసం ఎలాంటి పనులు చేయాలి. శివలింగానికి ఎలాంటివి సమర్పించాలి అనే దాని గురించి తెలుసుకుందాం. 

పురాణాల ప్రకారం ఈ మాసం శివునికి అత్యంత ప్రీతికరమైనదిగా పరిగణిస్తారు.  కావున ఈ మాసమంతా పరమశివుడిని, పార్వతీమాతను నిష్టతో పూజించడం ద్వారా అన్ని కష్టాలు తొలగిపోతాయని భక్తుల విశ్వాసం. ప్రతి శ్రావణ సోమవారం ఉపవాసం ఆచరించి శివుడిని పూజిస్తారు. శివలింగానికి అభిషేకం జరిపిస్తారు. అయితే ఈ శ్రావణ మాసంలో శివలింగానికి కొన్ని వస్తువులు సమర్పించడం వల్ల మహాదేవుడి అనుగ్రహం పొందవచ్చు. మీరు కూడా శ్రావణ మాసంలో భోలేనాథ్ ఆశీస్సులు మీపై ఉంచుకోవాలనుకుంటే రాబోయే నెల రోజులు శివలింగంపై ఈ 7 వస్తువులలో దేనినైనా సమర్పించండి. నెలలో మీ జీవితం మారిపోతుంది. 

శమీ ఆకు

శ్రావణ మాసంలో శివుని ఆరాధన సమయంలో శమీ ఆకులను ఉపయోగించండి. శివలింగంపై శమీ ఆకులు సమర్పించడం శని కోపాన్ని నివారించడానికి సహాయపడుతుందని నమ్ముతారు. మీ రాశి కర్కాటకం, వృశ్చికం, కుంభం, మకరం లేదా మీన రాశులైతే మీరు తప్పనిసరిగా శివలింగంపై శమీ ఆకులను సమర్పించాలి. దీని వలన ఏలినాటి శని, అర్థాష్టమ శని ప్రభావం ప్రభావం తగ్గుతుంది. ఎందుకంటే శివుని ఆశీర్వాదం ఉంటే శని ఆశీస్సులు లభించినట్టే అవుతుంది. 

బిల్వ పత్రాలు 

బిల్వ దళాలు శివునికి చాలా ప్రీతికరమైనది. పురాణాల ప్రకారం బిల్వ వృక్షం  పార్వతీ దేవి చెమట చుక్క నుండి ఉద్భవించింది. మందార పర్వతం మీద ఉన్న పార్వతి తల్లి చెమట నుండి బేల్ చెట్టు ఉద్భవించిందని నమ్ముతారు. అందుకే పూజ సమయంలో శివలింగంపై బిల్వ పత్రాన్ని సమర్పించండి. అన్నింటి కంటే ఈ దళాలు చాలా ప్రత్యేకంగా ఉంటాయి. మూడు ఆకులు శివుని మూడు కన్నులుగా భావిస్తారు. 

నల్ల నువ్వులు 

శివలింగంపై నల్ల నువ్వులను సమర్పించడం కూడా శుభప్రదంగా భావిస్తారు. శివలింగానికి నల్ల నువ్వులను నైవేద్యంగా పెట్టడం వల్ల శనిదేవుడి దుష్ఫలితాలు తగ్గుతాయని నమ్మకం. కావున శని సడే సతితో బాధపడేవారు శ్రావణ మాసమంతా శివలింగంపై నల్ల నువ్వులను సమర్పించాలి.

మూంగ్ పప్పు 

మీరు శ్రావణ మాసం శివారాధనలో పచ్చి మూంగ్ పప్పును కూడా ఉపయోగించవచ్చు. మీకు ఏదైనా కోరిక ఉంటే 108 పచ్చి పెసరపప్పును లెక్కించి కడిగి శివలింగానికి సమర్పించవచ్చు. 

అక్షతలు 

శివుని పూజలో అక్షతలు ఉపయోగిస్తారు. మత విశ్వాసాల ప్రకారం శివలింగానికి అక్షతలు సమర్పించడం వల్ల సంపద పెరుగుతుంది. అక్షత నైవేద్యంగా పెట్టేటప్పుడు బియ్యం గింజలు చెడిపోయినవి, విరిగిపోయినవి లేకుండా చూసుకోవాలి.

కనేర్ పువ్వు

శివుడికి కనేరు పువ్వు అంటే ఇష్టం. శివుడిని ప్రసన్నం చేసుకోవడానికి శ్రావణ మాసం అంతా శివలింగంపై కనేర్ పువ్వును సమర్పించండి.

గంగా జలం 

శివుడికి చెంబు మంచి నీళ్ళు పోసినా చాలు సంతోషిస్తాడని అంటారు. అందుచేత మీ దగ్గర ఏమీ లేకుంటే గంగా జలాన్ని నీళ్లలో కలుపుకుని శివునికి పూర్ణ భక్తితో అభిషేకం చేయండి. శివుడు కూడా గంగాజల ప్రతిష్టతో సంతోషిస్తాడు. 

నిరాకరణ: ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వివరణాత్మక మరియు మరింత సమాచారం కోసం, దయచేసి సంబంధిత రంగంలో నిపుణుడిని సంప్రదించండి.