కార్తీక పౌర్ణమి రోజు అద్భుతమైన రాజయోగం- ఈ రాశుల వారి జీవితం మలుపు తిరగబోతుంది

అత్యంత పవిత్రమైన కార్తీక పౌర్ణమి రోజు గ్రహాల సంచారం అద్భుతంగా ఉండబోతుంది. ఒక గ్రహం మరొక గ్రహంతో కలిసినప్పుడు అరుదైన రాజయోగాలు, కొన్ని అశుభ యోగాలు ఏర్పడతాయి. ఆ విధంగా కార్తీక పౌర్ణమి రోజు వృషభ రాశిలో బృహస్పతి, చంద్రుడు కలిసి గజకేసరి యోగాన్ని ఇస్తున్నారు.

నవగ్రహాలలో అత్యంత వేగంగా రాశిని మార్చుకోగలిగే గ్రహం చంద్రుడు. ఒక రాశిలో కేవలం రెండున్నర రోజులు మాత్రమే ఉంటుంది. ప్రస్తుతం మేష రాశిలో సంచరిస్తున్నాడు. పౌర్ణమి తిథి ప్రారంభమయ్యే సమయానికి చంద్రుడు వృషభ రాశిలోకి వెళతాడు. అలా గురు, చంద్రుల కలయిక గజకేసరి యోగం ఇస్తుంది. అలాగే శని తన మూల త్రికోణ రాశిలో ఉండటం వల్ల శశ రాజయోగం ఏర్పడుతుంది. సుమారు 30 ఏళ్ల తర్వాత కార్తీక పౌర్ణమి రోజు ఈ యోగం ఉంది. దీని ప్రభావంతో ఈ పౌర్ణమి కొన్ని రాశుల వారికి అదృష్టాన్ని ఇవ్వబోతుంది. వారి జీవితాన్ని మలుపు తిప్పబోతుంది. ఆ అదృష్ట రాశులు ఏవో చూసేయండి.

వృషభ రాశి

వృషభ రాశిలోనే గజకేసరి యోగం ఏర్పడబోతుంది. దీని ప్రభావం ఈ రాశి వారికి శుభ ఫలితాలు ఇస్తుంది. కెరీర్ పుంజుకుంటుంది. ఆగిపోయిన పనులు ప్రారంభించే అవకాశం, అదృష్టం లభిస్తాయి. వృత్తిపరంగా అనుకోని శుభవార్తలు అందుతాయి. అకస్మాత్తుగా డబ్బు చేతికి అందుతుంది. వ్యాపారంలో లాభాలు గడిస్తారు. ఆరోగ్య సమస్యలు తొలగిపోతాయి. ఉద్యోగులకు పదోన్నతి లభించే అవకాశం ఉంది.

తులా రాశి

గజకేసరి యోగం తులా రాశి వారికి చాలా మంచి సమయంగా నిలిచిపోతుంది. పెట్టుబడులు పెట్టేందుకు అనుకూలమైన సమయం. ఉద్యోగంలో పదోన్నతి లభించే అవకాశం ఉంది. నూతన ఆదాయ మార్గాల ద్వారా మీ సంపద పెరుగుతుంది. శత్రు బాధలు తొలగిపోతాయి. కుటుంబ సమస్యల నుంచి విముక్తి కలుగుతుంది. ఆర్థిక నష్టాల నుంచి బయట పడతారు.

ధనుస్సు రాశి

కార్తీక పౌర్ణమి ధనుస్సు రాశి వారికి శుభ కాలం కాబోతుంది. కుటుంబ సభ్యులతో మీ బంధం మరింత మెరుగుపడుతుంది. జీవితంలో పురోగతికి మంచి అవకాశాలు దొరుకుంటాయి. నిరుద్యోగులకు మంచి ఉద్యోగ ఆఫర్లు అందుతాయి. అవివాహితులకు పెళ్లి కుదిరే అవకాశం ఉంది. పూర్వీకుల నుంచి ఆస్తి లభిస్తుంది.

మకర రాశి

మకర రాశి పదో స్థానంలో గజకేసరి యోగం ఏర్పడుతుంది. అనేక మార్గాలలో ఆదాయం లభిస్తుంది. వ్యాపార విస్తరణకు మంచి అవకాశం ఉంటుంది. లక్ష్మీదేవి ఆశీస్సులు మెండుగా ఉంటాయి. ప్రత్యేకమైన వ్యక్తిని కలుసుకుంటారు. వారి వల్ల మీకు సంతోషం కలుగుతుంది. నిరుద్యోగులకు ఉద్యోగ ఆఫర్ లభిస్తుంది. సమాజంలో గుర్తింపు ఉంటుంది. వృత్తిలో ఉన్నతాధికారులు ఇచ్చే సలహాలు పాటించడం వల్ల లబ్ధి చేకూరుతుంది.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.