Kartika Purnima: కార్తీక పూర్ణిమ రోజు ఈ పరిహారాలు పాటించండి- లక్ష్మీదేవి ఆశీస్సులు సమృద్ధిగా ఉంటాయి
Kartika Purnima: కార్తీక పూర్ణిమ రోజున కొన్ని నివారణలు చేయడం వల్ల ఇంట్లో పాజిటివ్ ఎనర్జీ వస్తుంది. ఈ చర్యలు ఇంటికి సంపద, శ్రేయస్సు, అదృష్టాన్ని తీసుకొస్తాయని నమ్ముతారు. ఈ ఏడాది కార్తీక పౌర్ణమి నవంబర్ 15న వచ్చింది.
హిందూ మతంలో కార్తీక పౌర్ణమికి ప్రత్యేక ప్రాముఖ్యత ఉంది. ఈ రోజు స్నానం చేయడం, దానం చేయడంతో పాటు లక్ష్మీ దేవిని పూజించే సంప్రదాయం కూడా ఉంది.
కార్తీక పౌర్ణమి రోజు దీపాలు వెలిగించడం, దీపం దానం చేయడం చాలా పుణ్యఫలమని అగ్నిపురాణంలో పేర్కొన్నారు. కార్తీక మాసంలో దీపం వెలిగించని వాళ్ళు పౌర్ణమి రోజు 365 వత్తులతో దీపం వెలిగిస్తారు. ఈరోజు చేసే దీపారాధనకు విశేషమైన ప్రాముఖ్యత ఉంటుంది. ఈరోజు శివుడు త్రిపురాసురుడు అనే రాక్షసుడిని సంహరించాడు. అందుకే దీన్ని త్రిపురారి పూర్ణిమ అని కూడా పిలుస్తారు. కార్తీక పౌర్ణమి రోజు పుణ్య నదిలో స్నానం చేయడం వల్ల జీవితంలో సంతోషం, శాంతి, శ్రేయస్సు కలుగుతాయని భక్తుల విశ్వాసం.
కార్తీక పూర్ణిమ రోజున లక్ష్మీదేవి అనుగ్రహం కోసం ప్రజలు అనేక చర్యలు తీసుకుంటారు. లక్ష్మీదేవిని ప్రసన్నం చేసుకోవడానికి పూర్ణిమ తేదీని అత్యంత అనుకూలమైనదిగా భావిస్తారు. లక్ష్మీదేవి సంతోషంగా ఉన్నప్పుడు, ఆమె తన భక్తులకు కోరుకున్న వరాలను ప్రసాదిస్తుందని, జీవితంలో ఆర్థిక శ్రేయస్సును తెస్తుందని నమ్ముతారు. కార్తీక పూర్ణిమ నాడు లక్ష్మీదేవిని ప్రసన్నం చేసుకునే మార్గాలు తెలుసుకోండి.
1. హిందూ మత విశ్వాసాల ప్రకారం కార్తీక పూర్ణిమ రోజున లక్ష్మీదేవి రావి చెట్టు మీద నివసిస్తుందని నమ్ముతారు. ఈ రోజున స్నానం మొదలైన తరువాత పీపుల్ చెట్టుకు చక్కెర కలిపిన పాలను నైవేద్యంగా పెట్టాలి. ఇలా చేయడం వల్ల లక్ష్మీదేవి సంతుష్టులై ఆమె అనుగ్రహాన్ని పొందుతారని నమ్ముతారు.
2. కార్తీక పూర్ణిమ రోజున లక్ష్మీదేవికి ఖీర్ నైవేద్యంగా పెట్టాలి. పూజ సమయంలో, లక్ష్మీ దేవికి కొబ్బరికాయ పసుపు, కుంకుమలు సమర్పించండి. మరుసటి రోజు ఈ వాటిని డబ్బు ఉంచిన ప్రదేశంలో ఉంచాలి. ఇలా చేయడం వల్ల లక్ష్మీదేవి ప్రసన్నురాలవుతుందని నమ్ముతారు.
3. చంద్రదేవుని ఆరాధించడానికి పూర్ణిమ తిథి ఉత్తమంగా పరిగణించబడుతుంది. కార్తీక పూర్ణిమ రోజున చంద్రునికి అర్ఘ్యం సమర్పించడం ద్వారా లక్ష్మీదేవి ప్రసన్నురాలు అవుతుందని నమ్ముతారు. ఇలా చేయడం వల్ల వ్యక్తి జాతకంలో చంద్రుని స్థానం బలపడుతుందని నమ్ముతారు. చంద్ర దోషాలు తొలగిపోతాయి.
4. కార్తీక పూర్ణిమ నాడు ఇంటి ప్రధాన ద్వారం వద్ద తోరణం ఉంచి పూలతో అలంకరించండి. తలుపు కుడి, ఎడమ వైపున దీపం వెలిగించండి. ప్రధాన ద్వారం వద్ద మామిడి ఆకుల తోరణాన్ని కట్టడం చాలా శుభప్రదంగా భావిస్తారు. ఇలా చేయడం వల్ల జీవితంలో ఆర్థిక శ్రేయస్సు కలుగుతుందని నమ్ముతారు.
5. కార్తీక పూర్ణిమ రోజున పవిత్ర నదిలో దీప దానం చేయడం చాలా శుభప్రదంగా పరిగణిస్తారు. ఇలా చేయడం వల్ల అప్పుల బాధ నుంచి విముక్తి లభిస్తుందని నమ్మకం. దీపాన్ని దానం చేయడం ద్వారా లక్ష్మీదేవి, విష్ణువు అనుగ్రహం లభిస్తుందని విశ్వసిస్తారు.
గమనిక: ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.
