JEE Advanced Admit Card : జేఈఈ అడ్వాన్స్​డ్​ అడ్మిట్​ కార్డు విడుదల- ఇలా డౌన్​లోడ్​ చేసుకోండి..-jee advanced admit card 2024 released direct link to download here ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Jee Advanced Admit Card : జేఈఈ అడ్వాన్స్​డ్​ అడ్మిట్​ కార్డు విడుదల- ఇలా డౌన్​లోడ్​ చేసుకోండి..

JEE Advanced Admit Card : జేఈఈ అడ్వాన్స్​డ్​ అడ్మిట్​ కార్డు విడుదల- ఇలా డౌన్​లోడ్​ చేసుకోండి..

Sharath Chitturi HT Telugu
May 17, 2024 10:54 AM IST

JEE Advanced Admit Card release date : జేఈఈ అడ్వాన్స్​డ్​ 2024 అడ్మిట్ కార్డు విడుదలైంది. డౌన్​లోడ్​ ఎలా చేసుకోవాలో ఇక్కడ తెలుసుకోండి..

జేఈఈ అడ్వాన్స్​డ్​ అడ్మిట్​ కార్డు విడుదల..
జేఈఈ అడ్వాన్స్​డ్​ అడ్మిట్​ కార్డు విడుదల..

JEE Advanced Admit Card 2024 : జేఈఈ అడ్వాన్స్​డ్​ 2024 అడ్మిట్ కార్డును.. మే 17, 2024న విడుదల చేసింది ఐఐటీ, మద్రాస్. జాయింట్ ఎంట్రన్స్ ఎగ్జామినేషన్ అడ్వాన్స్ డ్ హాల్ టికెట్లను jeeadv.ac.in ఐఐటీ జేఈఈ అధికారిక వెబ్​సైట్ నుంచి డౌన్​లోడ్ చేసుకోవచ్చు.

జేఈఈ అడ్వాన్స్​డ్​ 2024..

ఐఐటీ జేఈఈ అడ్మిట్ కార్డు లింక్​ను మే 26, 2024 మధ్యాహ్నం 2.30 గంటల వరకు అధికారిక వెబ్​సైట్​లో నుంచి డౌన్లోడ్ చేసుకోవచ్చు. జేఈఈ అడ్వాన్స్​డ్​ 2024 పరీక్షను మే 26, 2024న నిర్వహించనున్నారు. పరీక్షలో మూడు గంటల వ్యవధి గల రెండు పేపర్లు (పేపర్ 1, పేపర్ 2) ఉంటాయి. రెండు పేపర్లలో హాజరుకావడం తప్పనిసరి. ఉదయం 9 గంటల నుంచి మధ్యాహ్నం 12 గంటల వరకు మొదటి షిఫ్టులో పేపర్-1, మధ్యాహ్నం 2.30 గంటల నుంచి సాయంత్రం 5.30 గంటల వరకు రెండో షిఫ్టులో పేపర్-2 నిర్వహిస్తారు.

జేఈఈ అడ్వాన్స్​డ్​ అడ్మిట్ కార్డులో.. అభ్యర్థి పేరు, జేఈఈ అడ్వాన్స్​డ్​ 2024 రోల్ నంబర్, ఫొటో, సంతకం, పుట్టిన తేదీ, కరస్పాండెన్స్ చిరునామా, కేటగిరీ వంటి వివరాలు ఉంటాయి. అంతేకాకుండా అడ్మిట్ కార్డులో అభ్యర్థికి కేటాయించిన పరీక్ష కేంద్రం పేరు, చిరునామా ఉంటుంది. అడ్మిట్​ కార్డు తీసుకున్న వెంటనే.. అన్ని వివరాలు సరిగ్గా ఉన్నాయో లేదో చూసుకుని జాగ్రత్తపడాలి.

How to download JEE Advanced Admit Card : జేఈఈ అడ్వాన్స్​డ్​ 2024 అడ్మిట్​ కార్డును డౌన్​లోడ్​ చేసుకునేందుకు డైరక్ట్​ లింక్​ కోసం ఇక్కడ క్లిక్​ చేయండి.

జేఈఈ అడ్వాన్స్​డ్​ 2024 అడ్మిట్ కార్డును ఇలా డౌన్​లోడ్ చేసుకోండి..

  • స్టెప్​ 1:- jeeadv.ac.in ఐఐటీ జేఈఈ అధికారిక వెబ్​సైట్​ని సందర్శించండి.
  • స్టెప్​ 2:- హోమ్ పేజీలో అందుబాటులో ఉన్న జేఈఈ అడ్వాన్స్​డ్​ 2024 అడ్మిట్ కార్డు లింక్​పై క్లిక్ చేయండి.
  • స్టెప్​ 3:- కొత్త పేజీ ఓపెన్ అవుతుంది. అక్కడ అభ్యర్థులు లాగిన్ వివరాలను నమోదు చేయవచ్చు.
  • స్టెప్​ 4:- సబ్మిట్ బటన్​పై క్లిక్ చేసి పేజీని డౌన్​లోడ్ చేసుకోండి.
  • స్టెప్​ 5:- తదుపరి అవసరాల కోసం జేఈఈ అడ్వాన్స్​డ్​ అడ్మిట్​ కార్డు హార్డ్ కాపీని జాగ్రత్తపరుచుకోండి.

JEE Advanced exam 2024 : అధికారిక వెబ్​సైట్​ ప్రకారం.. అభ్యర్థుల సమాధానాల కాపీ 2024 మే 31 న వెబ్​సైట్​లో అందుబాటులో ఉంటుంది. ప్రొవిజనల్ ఆన్సర్ కీని 2024 జూన్ 2న ఆన్​లైన్​లో ప్రదర్శిస్తారు. 2024 జూన్ 3 వరకు అభ్యంతర విండో తెరిచి ఉంటుంది. ఫలితాలు, ఫైనల్ ఆన్సర్ కీ 2024 జూన్ 9న అందుబాటులో ఉంటాయి. మరిన్ని వివరాలు తెలుసుకోవడం కోసం అభ్యర్థులు.. ఐఐటీ జేఈఈ అధికారిక వెబ్​సైట్​ని చూడవచ్చు.

ఐఐటీలో అడ్మిషన్​ కోసం ఈ పరీక్షను నిర్వహిస్తారు. ముందు.. జేఈఈ మెయిన్స్​ పరీక్ష ఉంటుంది. అందులో క్వాలిఫై అయ్యి, కటాఫ్​ మార్కు దాటిన వారికి.. ఐఐటీ జేఈఈ అడ్వాన్స్​డ్​ పరీక్షకు అర్హత లభిస్తుంది. ఈ రెండు పరీక్షల కోసం లక్షలాది మంది అభ్యర్థులు ప్రతియేటా తీవ్రంగా కృషిచేస్తూ ఉంటారు.

టీ20 వరల్డ్ కప్ 2024

సంబంధిత కథనం