ICAI CA: ఐసీఏఐ సీఏ నవంబర్ ఎగ్జామ్ టైమ్ టేబుల్ వచ్చేసింది.. ఎగ్జామ్ డేట్స్ కోసం ఇక్కడ చూడండి

సీఏ (CA) నవంబర్ ఎగ్జామ్ 2024 తేదీలను ఇన్స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ICAI) శుక్రవారం విడుదల చేసింది. చార్టర్డ్ అకౌంటెంట్ నవంబర్ పరీక్ష టైంటేబుల్ icai.org ఐసీఏఐ అధికారిక వెబ్సైట్లో అభ్యర్థులకు అందుబాటులో ఉంది. 2024 నవంబర్ 1, 3, 5 తేదీల్లో గ్రూప్-1 ఫైనల్, 2024 నవంబర్ 7, 9, 11 తేదీల్లో గ్రూప్-2 పరీక్షలు నిర్వహించనున్నారు.

సబ్జెక్టుల వారీ పరీక్ష తేదీలు

ఇంటర్నేషనల్ టాక్సేషన్- అసెస్మెంట్ టెస్ట్ ను 2024 నవంబర్ 9, 11 తేదీల్లో నిర్వహించనున్నారు. ఇన్సూరెన్స్ అండ్ రిస్క్ మేనేజ్మెంట్ (IRM) టెక్నికల్ పరీక్ష 2024 నవంబర్ 5, 7, 9, 11 తేదీల్లో జరుగుతుంది. ఫైనల్ ఎగ్జామ్ పేపర్ 1 నుండి 5 వరకు, అలాగే పోస్ట్ క్వాలిఫికేషన్ కోర్సు పరీక్ష 3 గంటల వ్యవధిలో ఉంటుంది. ఫైనల్ ఎగ్జామినేషన్ పేపర్ - 6, ఇంటర్నేషనల్ టాక్సేషన్ - అసెస్‌మెంట్ టెస్ట్ అన్ని పేపర్లు 4 గంటల వ్యవధిలో ఉంటాయి. పోస్ట్ క్వాలిఫికేషన్ కోర్స్ ఎగ్జామినేషన్ విషయంలో ఎలాంటి అడ్వాన్స్ రీడింగ్ టైమ్ ఉండదు. అయితే పైన పేర్కొన్న అన్ని ఇతర పేపర్‌లు / పరీక్షలలో, 1.45 PM నుండి 2 PM వరకు 15 నిమిషాల అడ్వాన్స్ రీడింగ్ సమయం ఇవ్వబడుతుంది. పరీక్ష షెడ్యూల్లో ఏదైనా రోజును కేంద్ర ప్రభుత్వం లేదా ఏదైనా రాష్ట్ర ప్రభుత్వం / స్థానిక సంస్థలు పబ్లిక్ హాలిడేగా ప్రకటించినట్లయితే పరీక్ష షెడ్యూల్లో ఎటువంటి మార్పు ఉండదని, ఆ రోజు కూడా పరీక్ష జరుగుతుందని ఐసీఏఐ స్పష్టం చేసింది.

టైమ్ టేబుల్ ను ఇలా డౌన్లోడ్ చేసుకోండి..

ఐసీఏఐ సీఏ నవంబర్ ఎగ్జామ్ టైమ్ టేబుల్ ను డౌన్లోడ్ చేసుకోవడానికి విద్యార్థులు ఈ కింది స్టెప్స్ ఫాలో అవ్వొచ్చు.

• ముందుగా ఐసీఏఐ అధికారిక వెబ్సైట్ icai.org ను ఓపెన్ చేయండి.
• ఐసీఏఐ సీఏ నవంబర్ ఎగ్జామ్ 2024 తేదీల ప్రకటనపై క్లిక్ చేయండి.
• కొత్త పీడీఎఫ్ ఫైల్ ఓపెన్ అవుతుంది. అక్కడ అభ్యర్థులు టైంటేబుల్ చెక్ చేసుకోవచ్చు.
• టైమ్ టేబుల్ పేజీని డౌన్ లోడ్ చేసుకోండి.
• తదుపరి అవసరానికి దాని హార్డ్ కాపీని ఉంచండి.
• మరిన్ని వివరాలకు అభ్యర్థులు ఐసీఏఐ అధికారిక వెబ్సైట్ను చూడవచ్చు.