Oppo Pad Air । రూ. 20 వేల బడ్జెట్ ధరలో లభించే ఒప్పొ తొలి అండ్రాయిడ్ టాబ్లెట్!
ఒప్పో కంపెనీ ఇటీవలే భారత మార్కెట్లో Oppo Pad Air అనే సరికొత్త టాబ్లెట్ ఫోన్‌ విడుదల చేసింది. దీని కొనుగోళ్లు ప్రారంభమైనాయి. ఫీచర్లు, ధర, ఇతర వివరాలు ఇక్కడ తెలుసుకోండి.
స్మార్ట్‌ఫోన్ మేకర్ Oppo గత వారం భారతీయ మార్కెట్లో తన మొట్టమొదటి ఆండ్రాయిడ్ టాబ్లెట్‌ను లాంచ్ చేసిన విషయం తెలిసిందే. Oppo Pad Air పేరుతో విడుదలైన ఈ మిడ్-రేంజ్ టాబ్లెట్ ఫోన్‌ ఇప్పుడు Flipkartలో కొనుగోలుదారులకు అందుబాటులోకి వచ్చింది.
ఈ ఒప్పో ప్యాడ్ ఎయిర్ టాబ్లెట్ ఒక మల్టీమీడియా-ఫోకస్డ్ పరికరం. ఇందులో ప్రధాన అంశాలు పరిశీలిస్తే 2K రిజల్యూషన్ డిస్‌ప్లే, డాల్బీ అట్మోస్‌తో క్వాడ్ స్టీరియో స్పీకర్ సెటప్‌ని కలిగి ఉంది. ఈ టాబ్లెట్లో Qualcomm Snapdragon 680 ప్రాసెసర్, 4GB RAM అలాగే 7100mAh బ్యాటరీ వంటి మెరుగైన ఫీచర్లు ఉన్నాయి. Oppo ప్యాడ్ ఎయిర్ ఛార్జింగ్, డేటా బదిలీ కోసం టైప్-సి పోర్ట్‌ను కలిగి ఉంది. ఇది రివర్స్ ఛార్జింగ్‌కు కూడా మద్దతు ఇస్తుంది కాబట్టి, మీరు మీ టాబ్లెట్ సహాయంతో మీ స్మార్ట్‌ఫోన్, ఇతర పరికరాలను ఛార్జ్ చేయవచ్చు.
స్క్రీన్ పైన ఒత్తిడిపడకుండా ఇది Oppo Stylusకు కూడా సపోర్ట్ చేస్తుంది. ఈ టాబ్లెట్లో మైక్రో-SD కార్డ్ స్లాట్ కూడా ఉంది, కాబట్టి అదనంగా 512GB వరకు స్టోరేజ్ సామర్థ్యాన్ని విస్తరించుకోవచ్చు.
ఇంకా Oppo Pad Airకి సంబంధించి మరిన్ని ఫీచర్లు, స్పెసిఫికేషన్లు ఏమున్నాయి? ధర ఎంత? తదితర వివరాలు ఈ క్రింద తెలుసుకోండి.
Oppo Pad Air టాబ్లెట్ ఫీచర్స్, స్పెసిఫికేషన్స్
- 120Hz రిఫ్రెష్ రేట్ కలిగిన 10.36 -అంగుళాల IPS LCD 2K డిస్‌ప్లే
- 4 GB RAM, 64GB/ 128 GB స్టోరేజ్ సామర్థ్యం, మైక్రో SD కార్డ్ స్లాట్
- Qualcomm Snapdragon 680 ప్రాసెసర్
- వెనకవైపు 8MP కెమెరా, ముందు భాగంలో 5MP సెల్ఫీ కెమెరా
- ఆండ్రాయిడ్ 12 ఆపరేటింగ్ సిస్టమ్
- 7100 mAh బ్యాటరీ సామర్థ్యం, 18W ఛార్జింగ్
Oppo ప్యాడ్ ఎయిర్ ధర 4GB + 64GB కాన్ఫిగరేషన్ కోసం రూ. 16,999/-.
అలాగే 4GB + 128GB వేరియంట్ కోసం ధర రూ. 19,999/-
కనెక్టివిటీ పరంగా ఈ టాబ్లెట్ PCలో బ్లూటూత్ 5.1తో పాటు ప్రామాణిక సెన్సార్లు, Wi-Fi 5 ఆప్షన్స్, టైప్-సి పోర్ట్‌ ఉన్నాయి.
సంబంధిత కథనం