6 foods to cut prostate cancer risk: ప్రొస్టేట్ క్యాన్సర్ నివారణకు 6 ఆహారాలు
6 foods to cut prostate cancer risk: ప్రొస్టేట్ క్యాన్సర్ నివారణకు 6 ఆహారాలు తీసుకోవాలని వైద్య నిపుణులు సూచిస్తున్నారు.
వృద్ధాప్యం, జాతి, జన్యువులు వంటి కారకాలతో ప్రోస్టేట్ క్యాన్సర్ వచ్చే అవకాశాలు పెరుగుతాయి. అంటే క్యాన్సర్ ప్రోస్టేట్లో ప్రారంభమవుతుంది. ఇది సెమినల్ ద్రవాన్ని ఉత్పత్తి చేసే చిన్న వాల్నట్ ఆకారపు గ్రంథి. కొన్ని రకాల ప్రోస్టేట్ క్యాన్సర్లు నెమ్మదిగా పెరుగుతాయి. మరికొన్ని వేగంగా అభివృద్ధి చెందుతాయి. ఇతర అవయవాలకు వ్యాపించకుండా ముందుగానే గుర్తించడం క్యాన్సర్ను విజయవంతంగా నయం చేయడంలో సహాయపడుతుంది. ప్రోస్టేట్ క్యాన్సర్లో మూత్రవిసర్జనలో ఇబ్బంది, మూత్రం లేదా వీర్యంలో రక్తం, ఎముకల్లో నొప్పి, అంగస్తంభన లోపం వంటి సంకేతాలు, లక్షణాలు కనిపిస్తాయి.
ఈ ప్రాణాంతక క్యాన్సర్ ప్రమాదాన్ని తొలగించడానికి నివారణ చర్యలు తీసుకోవడం చాలా ముఖ్యం. ఆహారపు అలవాట్లను మెరుగుపరచడం, రోజువారీ ఆహారంలో ఎక్కువ తాజా కూరగాయలు, పండ్లను చేర్చడం సాధారణంగా ఈ వ్యాధి ముప్పును తగ్గిస్తుంది. కొవ్వు గల చేపలు, గుడ్లు, సోయా, గుమ్మడి గింజలు ఈ క్యాన్సర్ వచ్చే అవకాశాలను తగ్గిస్తాయి.
‘పురుషుల పునరుత్పత్తి వ్యవస్థలో ప్రోస్టేట్ ఉంటుంది. మూత్రాశయం చుట్టూ వాల్నట్ పరిమాణంలో గ్రంధి ఉంటుంది. ఇది మూత్రాశయం నుండి బయటికి మూత్రాన్ని ప్రవహింపజేస్తుంది. మూత్రాశయం దిగువన, పురీషనాళం ముందు భాగంలో ప్రోస్టేట్ ఉంటుంది. వయస్సు పెరుగుతున్న కొద్దీ ప్రోస్టేట్ మెజారిటీ పురుషులకు ఆందోళన కలిగిస్తుంది. మధుమేహం, అధిక రక్తపోటు, కొలెస్ట్రాల్ వంటి సాధారణ అనారోగ్యాల కంటే ప్రోస్టేట్ సమస్యలు తక్కువగా వెలుగులోకి వస్తాయి. పురుషుల ప్రోస్టేట్ ఆరోగ్యం గురించి ప్రజలకు అవగాహన పెంచడం చాలా కీలకం. రోజూ 30 నుండి 45 నిమిషాల వ్యాయామాలు చేయడం, సాధారణ ఆహారాన్ని తీసుకోవడం ద్వారా ప్రోస్టేట్ క్యాన్సర్ వచ్చే ప్రమాదాన్ని తగ్గించుకోవచ్చు’ అని విటాబయోటిక్స్లో ఫిట్నెస్ అండ్ న్యూట్రిషన్ ఎక్స్పర్ట్ రోహిత్ షెలట్కర్ చెప్పారు.
ప్రొస్టేట్ క్యాన్సర్ ముప్పు తగ్గించే ఆహారాల జాబితా
1. Beetroots: బీట్రూట్
స్టామినా పెంచేందుకు, బ్లడ్ ప్రెషర్ తగ్గించేందుకు, అలాగే గుండెకు రక్షణ ఇచ్చేందుకు కావాల్సిన నైట్రేట్లు బీట్రూట్లలో పుష్కలంగా ఉంటాయి. దీనికి తోడు బీట్రూట్లో పొటాషియం ఉంటుంది. ఇది బ్లడ్ ప్రెషర్ను కంట్రోల్లో ఉంచుతుంది. ఉప్పు అధికంగా ఉన్నప్పుడు బయటకు పంపడంలో సాయపడుతుంది.
2. Pumpkin Seeds: గుమ్మడి గింజలు
మగ వారిలో సంతాన సామర్థ్యాన్ని మెరుగుపరచడంలో, అలాగే ప్రొస్టేట్ సంబంధిత సమస్యలను నివారించడంలో జింక్ తోడ్పడుతుంది. ప్రొస్టేట్ విధులకు తగినంత జింక్ అవసరం. గుమ్మడి గింజల్లో జింక్ బాగా లభిస్తుంది. అలాగే దీనిలో ఉండే ఫైబర్ ప్రొస్టేట్ ఆరోగ్యానికి సాయపడుతుంది.
3. Berries: బెర్రీ పండ్లు
స్ట్రాబెర్రీ, బ్లాక్ బెర్రీ, బ్లూబెర్రీ, రాస్ప్బెర్రీ వంటి బెర్రీ జాతి పండ్లలో విటమిన్ సీ పుష్కలంగా ఉంటుంది. ఇది బినైన్ ప్రొస్టేటిక్ హైపర్ప్లాజియా (బీపీహెచ్) లక్షణాలను తగ్గిస్తుంది. మూత్రవిసర్జనను, వాపును తగ్గిస్తుంది. బెర్రీ పండ్లలో యాంటీఆక్సిడంట్లు పుష్కలంగా ఉంటాయి. అవి శరీరం వ్యాధులతో, వాపుతో పోరాడేందుకు తోడ్పడుతాయి.
4. Fatty Fish: చేపలు
ప్రొస్టేట్ ఆరోగ్యాన్ని మెరుగుపరచడంలో ఒమెగా-3 ఫ్యాటీ యాసిడ్స్ చాలా మేలు చేస్తాయి. ట్యూనా, సాల్మన్, ట్రౌట్ వంటి కొవ్వు గల చేపల్లో ఒమెగా-3 ఫ్యాటీ యాసిడ్స్ పుష్కలంగా ఉంటాయి. ఒమెగా-3 ఫ్యాటీ యాసిడ్స్ ఇన్ఫ్లమేషన్ తగ్గిస్తాయి.
5. Eggs: గుడ్లు
పురుషుల వయస్సు పెరుగుతున్న కొద్దీ వారి మజిల్ మాస్ తగ్గుతుంది. కండర పటుత్వాన్ని నిలుపుకోవడంలో సహాయపడే ప్రోటీన్ గుడ్డులో లభిస్తుంది. ఇందులో విటమిన్ డి, ఒమేగా-3 ఫ్యాటీ యాసిడ్స్ వంటి ఇతర పోషకాలు కూడా ఉన్నాయి. ఈ ప్రోటీన్లో కోలిన్ కూడా ఉంటుంది. ఇది అధిక పొత్తికడుపు కొవ్వు నిల్వకు కారణమయ్యే జన్యువులను నియంత్రించడంలో సహాయపడే సమ్మేళనం.
6. Soya: సోయా
సోయా ఆహారాలు ప్రోస్టేట్ క్యాన్సర్ ప్రమాదాన్ని తగ్గించడంలో అనుకూలమైన ప్రభావాన్ని చూపించాయి. ఐసోఫ్లేవోన్స్ యొక్క బలహీనమైన ఈస్ట్రోజెనిక్ చర్యకు సంబంధించిన హార్మోన్ల ప్రభావాలు పూర్తిగా నిర్ధారణ కాలేదు. అయితే సోయా ఆహారాలలో యాంటీఆక్సిడెంట్ ప్రభావం ప్రొస్టేట్ క్యాన్సర్ ముప్పు తగ్గడానికి కారణమై ఉండొచ్చు.
‘చాలా మంది పురుషులు నిశ్శబ్దంగా బాధపడతారు. వృద్ధాప్యం వల్లేనని ఈ సమస్యను నిర్లక్ష్యం చేస్తారు. అయితే వారు క్రమం తప్పకుండా ఆరోగ్య పరీక్షలు చేయించుకోవడం, ధూమపానం మానేయడం, మద్యం సేవించడం, సరైన జీవనశైలిని అనుసరించడం వంటివి ప్రోస్టేట్ క్యాన్సర్ ముప్పు తగ్గించడంలో సహాయపడతాయి. వ్యాధి," అని షెలత్కర్ చెప్పారు.
సంబంధిత కథనం