Green Coffee : ఇప్పుడు గ్రీన్ టీ కాదు.. గ్రీన్​ కాఫీదే ట్రెండ్ అంతా..

Green Coffee Benefits : సాధారణంగా కాఫీ గింజలను కాల్చడం ద్వారా అత్యంత ప్రజాదరణ పొందిన కాఫీని తయారు చేస్తారు. బీన్స్ గ్రైండ్ చేయడం ద్వారా బ్లాక్ కాఫీ పౌడర్ వస్తుంది. అదేవిధంగా కాఫీ గింజలను వేయించడానికి ముందు.. పచ్చి గింజలను పొడి చేస్తే.. గ్రీన్​ కాఫీ పొడి లభిస్తుంది. దానితో గ్రీన్ కాఫీ తయారు చేస్తారు. అయితే ఇది ఆరోగ్యానికి చాలా మంచిది అంటున్నారు నిపుణులు. మరి దాని గుణాలు ఏమిటో ఇప్పుడు తెలుసుకుందాం.

* బరువు తగ్గడానికి ఈ కాఫీ అంత మంచిది కాదు. కానీ సాధారణ కప్పులతో ఈ కాఫీ తాగితే బరువు అదుపులో ఉంటుంది.

* గ్రీన్ కాఫీలోని అనేక పదార్థాలు చర్మాన్ని ఆరోగ్యంగా ఉంచడంలో సహాయపడతాయి. రెగ్యులర్​గా గ్రీన్ కాఫీ తాగేవారిలో మొటిమలు, ఇతర చర్మ ఇన్ఫెక్షన్లు తగ్గుతాయి. కాబట్టి ఈ కాఫీ తాగడం వల్ల చర్మానికి కూడా మేలు జరుగుతుంది.

* ఇందులో యాంటీ ఆక్సిడెంట్లు పుష్కలంగా ఉంటాయి. ఇది జీవక్రియ రేటును పెంచడంలో సహాయపడుతుంది. దీనితో పాటు మెదడు శక్తిని పెంచడంలో ఇది చాలా ఉపయోగకరంగా ఉంటుంది.

* శరీరాన్ని టాక్సిన్ రహితంగా లేదా కాలుష్య రహితంగా మార్చేందుకు ఈ కాఫీ గ్రేట్​గా సహాయపడుతుంది. ఫలితంగా వివిధ వ్యాధులబారిన పడే ప్రమాదం తగ్గుతుంది.

* ఉదయాన్నే ఈ కాఫీ తాగడం వల్ల చాలా సేపు కడుపు నిండిన ఫీల్ వస్తుంది. ఫలితంగా త్వరగా ఆకలి తీరదు. అతిగా తినకపోవడం వల్ల బరువు కూడా అదుపులో ఉంటుంది.

* గ్రీన్ కాఫీలో మిమ్మల్ని రిఫ్రెష్ చేసే కొన్ని పదార్థాలు ఉన్నాయి. దీంతో మీరు రోజంతా పని చేసే సామర్థ్యం పెరుగుతుంది. అలసట కూడా తగ్గుతుంది.

* ముఖం ముడుతలను తగ్గించుకోవడానికి కూడా ఈ కాఫీ ఉపయోగపడుతుంది. రెగ్యులర్​గా గ్రీన్ కాఫీ తాగే వారి ముఖాల్లో వయసు ముద్ర తక్కువగా ఉంటుందని చాలా అధ్యయనాలు చెబుతున్నాయి.

* ఈ కాఫీ మధుమేహం సమస్యను కూడా తగ్గిస్తుంది. రక్తంలోని చక్కెర స్థాయిలను కంట్రోల్​లో ఉంచుతాయి. మీకు డయాబెటిస్ సమస్యలు ఉంటే.. మీరు ఈ కాఫీ నుంచి ప్రయోజనం పొందుతారు.