Samantha Yashoda Sequel: య‌శోద‌కు సీక్వెల్ వ‌చ్చేస్తోంది - ఈ సారి ఖాకీ డ్రెస్‌లో స‌మంత

Samantha Yashoda Sequel: స‌మంత య‌శోద సినిమాకు సీక్వెల్ రాబోతున్న‌ది. య‌శోద సీక్వెల్ పై స‌క్సెస్‌మీట్‌లో డైరెక్ట‌ర్స్ క్లారిటీ ఇచ్చారు. న‌వంబ‌ర్ 11న ప్రేక్ష‌కుల ముందుకొచ్చిన య‌శోద‌ సినిమా మూడు రోజుల్లోనే ఇర‌వై కోట్ల క‌లెక్ష‌న్స్ సొంతం చేసుకుంది. ఓవ‌ర్‌సీస్‌లో ఐదు రోజుల్లోనే మిలియ‌న్ మార్క్‌ను అందుకున్న‌ది. గ‌త మూడు నెల‌లుగా స‌రైన హిట్ లేక చ‌తికిల‌ప‌డిన టాలీవుడ్‌లో య‌శోద స‌క్సెస్ జోష్‌ను నింపింది.

ఇటీవ‌ల ఈ సినిమా స‌క్సెస్ మీట్‌ను చిత్ర యూనిట్ నిర్వ‌హించింది. ఈ స‌క్సెస్‌మీట్‌లో య‌శోద సినిమాకు సీక్వెల్ చేయ‌బోతున్న‌ట్లు ద‌ర్శ‌కులు హ‌రీ, హ‌రీష్ ప్ర‌క‌టించారు. సీక్వెల్‌కు సంబంధించిన ఐడియాను సిద్ధం చేసిన‌ట్లు పేర్కొన్నాయి. ఫ్రాంచైజ్ మాదిరిగా య‌శోద సినిమాను తెర‌కెక్కించాల‌నే ఆలోచ‌న ఉన్న‌ట్లు పేర్కొన్నారు.

సీక్వెల్‌లో పోలీస్ గా స‌మంత‌?

య‌శోద సీక్వెల్‌లో స‌మంత పోలీస్ ఆఫీస‌ర్‌గా న‌టించ‌బోతున్న‌ట్లు స‌మాచారం. య‌శోద సినిమాలో పోలీస్ ట్రైనింగ్‌ను పూర్తిచేసుకున్న అనివార్య కార‌ణాల జాబ్‌లో జాయిన్ కాలేక‌పోయిన‌ట్లుగా స‌మంత క్యారెక్ట‌ర్‌ను చూపించారు. సీక్వెల్‌లో మాత్రం ఫుల్ ఖాకీ డ్రెస్‌లో స‌మంత క‌నిపించ‌బోతున్న‌ట్లు తెలుస్తోంది.

పోలీస్ డ్యూటీలో జాయిన్ అయిన త‌ర్వాత ఆమెకు ఎదుర‌య్యే స‌వాళ్ల‌తో సీక్వెల్ క‌థ సాగుతుంద‌ని తెలుస్తోంది. ఫ‌స్ట్ పార్ట్‌లో వ‌ర‌ల‌క్ష్మి శ‌ర‌త్‌కుమార్ చ‌నిపోయిన‌ట్లుగా అందుకే చూపించ‌లేద‌ని ప్ర‌చారం జ‌రుగుతోంది. ఉన్నిముకుంద‌న్‌, వ‌ర‌ల‌క్ష్మి శ‌ర‌త్‌కుమార్ క‌లిసి స‌మంత‌పై రివేంజ్ తీర్చుకోవ‌డానికి చేపే ప్ర‌య‌త్నాల‌ను సీక్వెల్‌లో చూపించే అవ‌కాశం ఉన్న‌ట్లు చెబుతున్నారు.

అయితే ఈ సీక్వెల్‌కు స‌మంత ఇప్ప‌టివ‌ర‌కు గ్రీన్ సిగ్న‌ల్ ఇవ్వ‌లేద‌ని స‌మాచారం. ప్ర‌స్తుతం బాలీవుడ్ వెబ్‌సిరీస్‌తో పాటు తెలుగులో వ‌రుస ఆఫ‌ర్ల‌తో స‌మంత బిజీగా ఉంది. అందుకే సీక్వెల్ ప్ర‌స్తుతం హోల్డ్‌లో పెట్టిన‌ట్లు చెబుతున్నారు. ఆమె డేట్స్ అడ్జెస్ట్‌మెంట్‌, డెసిష‌న్‌పైనే సీక్వెల్ ఎప్పుడు సెట్స్‌పైకి వ‌చ్చేది డిసైడ్ అవుతోంద‌ని అంటున్నారు.