Bigg Boss 7 Telugu: అలాంటప్పుడు ఎందుకొచ్చావ్: యావర్ - అశ్విని మధ్య ఫైట్: వీడియో

Bigg Boss 7 Telugu Day 58 Promo 2: బిగ్‍బాస్ తెలుగు 7వ సీజన్‍ 9వ వారం నామినేషన్ల ప్రక్రియ సుదీర్ఘంగా సాగింది. నామినేట్ చేసుకునే సమయంలో కొందరు కంటెస్టెంట్లు ఒకరిపై ఒకరు మాటల దాడికి దిగుతున్నారు. దీంతో నామినేషన్ల సందర్భంగా హీట్ పెరుగుతోంది. దీంతో 9వ వారం నామినేషన్ల ప్రక్రియ మంగళవారం ఎపిసోడ్ (అక్టోబర్ 31)లోనూ కొనసాగనుంది. నామినేషన్ల సమయంలో ప్రిన్స్ యావర్, అశ్విని శ్రీ మధ్య గొడవ తీవ్రంగా జరిగింది. ఇందుకు సంబంధించిన ప్రోమో వచ్చింది.

ఈ ప్రోమోలో ముందుగా రతికను గౌతమ్ కృష్ణ నామినేట్ చేశారు. హౌస్‍లోని వాళ్లతో కలిసిపోవడం లేదని కారణం చెప్పారు. ఒక సైడ్ గాలి ఎక్కువ మళ్లింది అని గౌతమ్ అన్నారు. ఆ సమయంలో రతిక, యావర్ సిగ్గుపడ్డారు. దీంతో గుమ్మడికాయల దొంగ ఎవరంటే భుజాలు తడుముకున్నట్టే ఉందని గౌతమ్ సరదాగా అన్నారు.

ఇక, ఆ తర్వాత ప్రిన్స్ యావర్, అశ్వినీ శ్రీ మధ్య వాగ్వాదం జరిగింది. అర్థమవుతోందా తెలుగు అని అశ్విని అంటే.. లేదు అన్నట్టుగా అడ్డంగా తలఊపారు యావర్. దీంతో ఎందుకొచ్చావ్ మరి అని అశ్విని అన్నారు. అయితే, ఎందుకొచ్చావ్ అంటే అర్థమేంటి అంటూ ఆగ్రహం వ్యక్తం చేశారు యావర్. “నువ్వు ఎందుకు వచ్చావని అనడం కరెక్టా” అని యావర్ ప్రశ్నించారు. అయితే, తాను బిగ్‍బాస్ అని ప్రస్తావించలేదు కదా అని కవర్ చేసుకోబోయారు అశ్విని. “ఒక ఆడపిల్లను చేసి నన్ను ఇక్కడ ఆడుకుంటున్నావ్. అది కూడా నాకు అర్థమవుతోంది” అని అశ్విని అన్నారు.

“నువ్వు నన్ను గెలికావ్.. నేను నిన్ను గెలికాను” అని అశ్విని వెటకారంగా అన్నారు. దీంతో “నాకు ఇష్టమది చెయ్” అని యావర్ అన్నారు. దీంతో వెటకారంగా డ్యాన్స్ చేశారు అశ్విని. రివేంజ్ కోసమే నామినేట్ చేశావా అని యావర్ అడిగితే.. అవును రివేంజ్ అని కోపంగా అరిచారు అశ్విని. ఇలా ఇద్దరి మధ్య గొడవ సాగింది.

సంచాలక్‍గా ఉన్న తనను తప్పుదోవ పట్టించేందుకు ప్రయత్నించావని అమర్‌దీప్‍ను గౌతమ్ ప్రశ్నించారు. సంచాలక్‍గా ఎన్నుకున్నదే తామని అమర్ బదులిచ్చారు. అయితే, అవకతవకలు చేసి గేమ్ గెలిపించాలా అని గౌతమ్ దీటుగా ఆన్సర్ చెప్పారు. అంతకు ముందు అమర్ దీప్, భోలే షావలి మధ్య కూడా వార్ జరిగింది. శోభా శెట్టి, రతిక కూడా గొడవ పడ్డారు. ఆ ప్రోమోలు ఇక్కడ చూడండి.