Teja Sajja: తేజా సజ్జా, ప్రశాంత్ వర్మ మూవీ అర్థం కాలేదన్న నెటిజన్ - హ‌నుమాన్ హీరో కౌంట‌ర్‌

Teja Sajja: హ‌నుమాన్‌తో పాన్ ఇండియ‌న్ లెవెల్‌లో పెద్ద హిట్ అందుకున్నాడు యంగ్ హీరో తేజా స‌జ్జా. డివోష‌న‌ల్ ట‌చ్‌తో దాదాపు న‌ల‌భై కోట్ల బ‌డ్జెట్‌తో తెర‌కెక్కిన ఈ సూప‌ర్ హీరో మూవీ వ‌ర‌ల్డ్ వైడ్‌గా 350 కోట్ల‌కుపైగా వ‌సూళ్ల‌ను రాబ‌ట్టింది. ప్ర‌శాంత్ ద‌ర్శ‌క‌త్వం వ‌హించిన ఈ మూవీ క‌ల్కి త‌ర్వాత 2024 ఏడాదిలో తెలుగులో అత్య‌ధిక వ‌సూళ్ల‌ను రాబ‌ట్టిన మూవీగా రికార్డ్ క్రియేట్ చేసింది.

మ‌హేష్‌బాబుతో పాటు ప‌లువురు స్టార్ హీరోల సినిమాల‌ను దాటేసింది. హ‌నుమాన్ (Hanuman) మూవీలో అమృతా అయ్య‌ర్ హీరోయిన్‌గా న‌టించ‌గా...విన‌య్ రాయ్‌, వ‌ర‌ల‌క్ష్మి శ‌ర‌త్‌కుమార్ కీల‌క పాత్ర‌లు పోషించారు.

రెండు సినిమాలు...

హ‌నుమాన్ కంటే ముందు తేజా స‌జ్జా (Teja Sajja), డైరెక్ట‌ర్ ప్ర‌శాంత్ వ‌ర్మ కాంబోలో జాంబీరెడ్డి, అద్భుతం సినిమాలొచ్చాయి. ఇందులో జాంబీరెడ్డికి ప్ర‌శాంత్ వ‌ర్మ ద‌ర్శ‌క‌త్వం వ‌హించ‌గా...అద్భుతం సినిమాకు కేవ‌లం క‌థ‌ను మాత్రమే అందించారు.

ఇప్ప‌టికీ అర్థం కాలేదు...

అద్భుతం మూవీ డైరెక్ట్‌గా ఓటీటీలోనే రిలీజైంది. సైన్స్ ఫిక్ష‌న్ ల‌వ్‌స్టోరీగా తెర‌కెక్కిన ఈ మూవీలో శివాని రాజ‌శేఖ‌ర్ హీరోయిన్‌గా న‌టించింది. ఓ కొరియ‌న్ మూవీ ఆధారంగా తెర‌కెక్కిన అద్భుతం ఓటీటీలో మిక్స్‌డ్ రెస్పాన్స్‌ను సొంతం చేసుకున్న‌ది. కాగా అద్భుతం మూవీపై ఓ నెటిజ‌న్ ఇటీవ‌ల కామెంట్ చేశాడు. తేజ స‌జ్జాను ట్యాగ్ చేస్తూ ఇప్ప‌టికీ ఈ సినిమా అర్థం కాదు అంటూ ట్వీట్ చేశాడు. నెటిజ‌న్ ట్వీట్‌కు తేజా స‌జ్జా గ‌ట్టిగానే కౌంట‌ర్ ఇచ్చాడు. అద్భుతం సినిమా అర్థం కావాలంటే మినిమం డిగ్రీ చ‌దివి ఉండాలి అంటూ రిప్లై ఇచ్చాడు. అత‌డి ఆన్స‌ర్ సోష‌ల్ మీడియాలో వైర‌ల్‌గా మారింది.

ఓటీటీలోనే రిలీజ్‌...

అద్భుతం మూవీకి మ‌ల్లిక్ రామ్ ద‌ర్శ‌క‌త్వం వ‌హించాడు. ల‌క్ష్మీభూపాల్ స్క్రీన్‌ప్లే మాట‌లు అందించాడు. చాలా రోజుల క్రిత‌మే షూటింగ్ పూర్త‌యిన ఈ మూవీ అనివార్య కార‌ణాల డైరెక్ట్‌గా ఓటీటీలో రిలీజైంది. టైమ్ ట్రావెల్ కాన్సెప్ట్‌తో ప్ర‌శాంత్ వ‌ర్మ అద్భుతం మూవీ క‌థ‌ను రాశాడు. సూర్య‌, వెన్నెల అనే ప్రేమ జంట ఆత్మ‌హ‌త్య చేసుకోవాల‌ని అనుకుంటారు. క్రాస్ టైమ్ అనే కొత్త పాయింట్‌ను ట‌చ్ చేశాడు. అయితే ఈ పాయింట్‌ను అర్థ‌వంతంగా స్క్రీన్‌పై ప్ర‌జెంట్ చేయ‌లేక‌పోయాడు డైరెక్ట‌ర్‌.

మిరాయ్‌...

హ‌నుమాన్ త‌ర్వాత మిరాయ్ పేరుతో మ‌రో యాక్ష‌న్ సూప‌ర్ హీరో మూవీ చేస్తోన్నాడు తేజా స‌జ్జా. కార్తిక్ ఘ‌ట్ట‌మ‌నేని ద‌ర్శ‌క‌త్వం వ‌హిస్తోన్న ఈ సినిమాలో మంచు మ‌నోజ్ విల‌న్‌గా న‌టిస్తోన్నాడు. వ‌చ్చే ఏడాది ఏప్రిల్ 18న తెలుగు, త‌మిళం, మ‌ల‌యాళం, క‌న్న‌డ‌, హిందీ భాష‌ల‌తో పాటు బెంగాళీ, చైనీస్ భాష‌ల్లో మిరాయ్ రిలీజ్ కానుంది.

మిరాయ్ మూవీని పీపుల్ మీడియా ఫ్యాక్ట‌రీ ప్రొడ్యూస్ చేస్తోంది. మిరాయ్ మూవీలో రితికా నాయ‌క్ హీరోయిన్‌గా న‌టిస్తోంది.హ‌నుమాన్ త‌ర్వాత జై హ‌నుమాన్ పేరుతో ప్ర‌శాంత్ వ‌ర్మ సీక్వెల్ రూపొందిస్తోన్నాడు. ఈ సీక్వెల్‌లో తేజా స‌జ్జా ఓ కీల‌క పాత్ర పోషిస్తోన్నాడు. తేజా స‌జ్జా హీరోగా న‌టిస్తోన్న మ‌రికొన్ని సినిమాలు చ‌ర్చ‌ల ద‌శ‌లో ఉన్నాయి.