Pushpa- 2: పుష్ప -2 స్క్రిప్ట్ వ‌ర్క్ పూర్తి చేసిన సుకుమార్‌.. షూటింగ్ కు రెడీ

టాలీవుడ్ తో పాటు వివిధ భాష‌ల‌కు చెందిన సినీ అభిమానులు ఆస‌క్తిగా ఎదురుచూస్తున్న సీక్వెల్స్ లో పుష్ప- 2(pushpa 2) ఒక‌టి. అల్లు అర్జున్ హీరోగా సుకుమార్ ద‌ర్శ‌క‌త్వంలో రూపొందిన పుష్ప కు కొన‌సాగింపుగా ఈ సీక్వెల్ తెర‌కెక్కుతోంది. తొలి భాగం వ‌ర‌ల్డ్ వైడ్ గా అద్భుత‌మైన వ‌సూళ్ల‌ను సాధించింది. దాదాపు 400 కోట్ల క‌లెక్ష‌న్స్ వ‌చ్చాయి. 

 తెలుగుతో పాటు బాలీవుడ్‌లో క‌మ‌ర్షియ‌ల్‌గా పెద్ద విజ‌యాన్ని అందుకున్న‌ది. ఈ నేప‌థ్యంలో సీక్వెల్ పై భారీగా అంచ‌నాలు ఏర్ప‌డ్డాయి. ఈ సీక్వెల్ ను సుకుమార్ ఎలా తెర‌కెక్కిస్తారు? ఇందులో బ‌న్నీ మేన‌రిజ‌మ్స్ ఎ లా ఉండ‌నున్నాయోన‌ని ఫ్యాన్స్ ఉత్కంఠ‌గా ఎదురుచూస్తున్నారు. పాన్ ఇండియ‌న్ స్థాయిలో రూపొందుతున్న ఈ సీక్వెల్ పుష్ప తొలి భాగానికి రెట్టింపు వ‌సూళ్ల‌ను సాధించే అవ‌కాశం ఉంద‌ని అంటున్నారు. అన్ని భాష‌ల‌ను అల‌రించేలా సుకుమార్ సీక్వెల్ క‌థ‌ను సిద్ధం చేస్తున్నారు. 

దాదాపు ఐదారు నెల‌లుగా త‌న టీమ్ తో క‌లిసి క‌థ‌పై క‌స‌ర‌త్తులు చేస్తున్నారు. తాజా స‌మాచారం ప్ర‌కారం పుష్ప పార్ట్ 2కు సంబంధించి సుకుమార్ స్క్రిప్ట్ వ‌ర్క్ ను పూర్తి చేసిన‌ట్లు తెలిసింది. బ‌న్నీకి(allu arjun) ఫైన‌ల్ వెర్ష‌న్ ను వినిపించిన‌ట్లు చెబుతున్నారు. సుకుమార్ చెప్పిన క‌థ విని అత‌డు ఎగ్జైటింగ్ గా ఫీల‌యిన‌ట్లు తెలిసింది. నాలుగు వంద‌ల కోట్ల బ‌డ్జెట్‌తో పుష్ప‌-2 రూపొందుతోంది. 

జూలై నెలాఖ‌రు నుంచి రెగ్యుల‌ర్ షూటింగ్‌ను మొద‌లుపెట్ట‌బోతున్నారు. తొలి భాగానికి భిన్నంగా పుష్ప‌రాజ్ ఫ్యామిలీ కోణంలో ఈ సీక్వెల్ క‌థ సాగ‌నున్న‌ట్లు స‌మాచారం. ఫ‌హాద్ ఫాజిల్ ను ఎదురిస్తూ త‌న సామ్రాజ్యాన్ని పుష్ప‌రాజ్ ఎలా కాపాడుకున్నాడు? కుటుంబ ప‌రంగా ఎదురైన స‌వాళ్ల‌ను ఎలా అధిగ‌మించాడ‌నే అంశాల‌ను మాస్‌, హీరోయిజం హంగుల‌ను మేళ‌విస్తూ సీక్వెల్‌లో సుకుమార్ ఆవిష్క‌రించ‌బోతున్న‌ట్లు స‌మాచారం. 

ర‌ష్మిక మంద‌న్నా క‌థానాయిక‌గా న‌టిస్తోంది. ఫ‌హాద్ ఫాజిల్ విల‌న్ గా క‌నిపించ‌నున్నారు. తొలి భాగంలో క‌నిపించ‌ని కొన్ని కొత్త పాత్ర‌ల‌ను సీక్వెల్ చూపించి ద‌ర్శ‌కుడు సుకుమార్ అభిమానుల‌ను స‌ర్‌ప్రైజ్ చేయ‌బోతున్న‌ట్లు స‌మాచారం.