Salaar FDFS: సలార్ ఫస్ట్ డే ఫస్ట్ షో ఆ రోజు అర్ధరాత్రి నుంచే.. ఫ్యాన్స్‌కు పండగే

Salaar FDFS: రెబల్ స్టార్ ప్రభాస్ నటించిన పాన్ ఇండియా మూవీ సలార్ ఫస్ట్ డే ఫస్ట్ షోపై ఓ ఇంట్రెస్టింగ్ అప్డేట్ అభిమానులను ఆకర్షిస్తోంది. సాధారణంగా అన్ని సినిమాల ఫస్ట్ డే ఫస్ట్ షో రిలీజ్ రోజు ఉదయం లేదంటే తెల్లవారుఝామున ఉంటుంది. కానీ సలార్ మూవీ మాత్రం అర్ధరాత్రి 1.230 గంటలకే అభిమానులను పలకరించనుంది.

ప్రభాస్ సలార్ మూవీ డిసెంబర్ 22న రిలీజ్ కానున్న విషయం తెలిసిందే. దీంతో డిసెంబర్ 21న అర్థరాత్రి దాటిన వెంటనే సలార్ షోలు మొదలవుతాయి. అంటే మరుసటి రోజు అందరూ నిద్రలేచేలోపే సలార్ రివ్యూలు వచ్చేయనున్నాయి. సలార్ పార్ట్ 1 సీజ్‌ఫైర్ మూవీ ఇండియాతోపాటు ప్రపంచవ్యాప్తంగా ఎంతో ఆసక్తి రేపుతోంది.

ఇద్దరు ప్రాణ స్నేహితులు తర్వాత ఎలా శత్రువులుగా మారతారన్న స్టోరీతో ఈ సలార్ మూవీ తెరకెక్కింది. ఈ మూవీ ట్రైలర్ సినిమాపై అంచనాలను మరింత పెంచేసింది. మూడు నిమిషాలకుపైగా ఉన్న ట్రైలర్ లో కాస్త ఆలస్యంగానే వచ్చే ప్రభాస్.. సుమారు నిమిషంన్నర పాటు అభిమానులను మెస్మరైజ్ చేశాడు. ఈ సినిమాలో ప్రభాస్ స్నేహితుడిగా ఉండి తర్వాత ప్రత్యర్థిగా మారిన పాత్రలో మలయాళ నటుడు పృథ్వీరాజ్ సుకుమారన్ నటించాడు.

అతడే కేరళలో ఈ సినిమా డిస్ట్రిబ్యూటర్ గా వ్యవహరిస్తున్నాడు. సలార్ మూవీ ప్రమోషన్లు కేరళలోనే మొదట ప్రారంభం కానున్నట్లు తెలుస్తోంది. షారుక్ ఖాన్ డంకీ మూవీతో పోటీ పడాల్సి వస్తుండటంతో సలార్ ప్రమోషన్లు ఓ రేంజ్ లో ఉండాలని ఫ్యాన్స్ ఎక్స్‌పెక్ట్ చేస్తున్నారు. అందుకు తగినట్లే మేకర్స్ భారీ ఎత్తున ప్లాన్ చేస్తున్నారు.

షారుక్ ఖాన్ నటించిన డంకీ మూవీ డిసెంబర్ 21న రిలీజ్ కానుండగా.. సలార్ డిసెంబర్ 22న వస్తోంది. దీంతో ఈ రెండు సినిమాల మధ్య బాక్సాఫీస్ దగ్గర గట్టి పోటీ ఖాయంగా కనిపిస్తోంది. ఈ ఇద్దరు పాన్ ఇండియా స్టార్లలో ఎవరు పైచేయి సాధిస్తారన్నది చూడాలి. రెండు సినిమాల ట్రైలర్లూ ఆకట్టుకునేలానే ఉన్నాయి. అయితే మొదట సలార్ క్రియేట్ చేసిన రికార్డును ఆ వెంటనే డంకీ బ్రేక్ చేసింది.