K Drama Pairs: రీల్ నుంచి రియల్ లైఫ్ భార్యాభర్తలుగా మారిన కొరియన్ డ్రామా హీరో హీరోయిన్స్- ఒక్కొక్కరిదీ ఒక్కో లవ్ స్టోరీ!

Reel To Real Life K Drama Actors: కొరియన్ డ్రామా వెబ్ సిరీసులు అంటే ప్రపంచవ్యాప్తంగా ఫుల్ క్రేజ్ ఉంది. ఓటీటీలో హవా పెరగడంతో ఈ కే డ్రామ్ సిరీస్‌లు పాపులారిటీ మరింత పెరిగింది. దాంతో అందులో నటించే హీరో హీరోయిన్లు కూడా ఎంతోమంది హార్ట్ ఫేవరెట్‌గా నిలిచారు. మరి అలాంటి వారిలో సిరీసుల నుంచి రియల్ లైఫ్‌లోకి జంటలుగా మారిన పాపులర్ కే డ్రామా కపుల్స్ ఎవరో తెలుసుకుందాం.

1. సాంగ్ జుంగ్ కి-సాంగ్ హైసక్యో:

ఆన్-స్క్రీన్: గ్లోబల్‌గా పాపులర్ అయిన డిసెండెంట్స్ ఆఫ్ ది సన్‌లో సాంగ్ జుంగ్ కి- సాంగ్ హై క్యో కెమిస్ట్రీ ప్రేక్షకులను చాలా అట్రాక్ట్ చేసింది. సైనికుడుగా సాంగ్ జుంగ్, వైద్యురాలిగా హై క్యో నటనతోపాటు వారి యాక్టింగ్‌తో ఈ పెయిర్ చాలా పాపులర్ అయింది.

ఆఫ్-స్క్రీన్: ఆన్-స్క్రీన్‌లో ఎంతో అట్రాక్ట్ చేసిన ఈ జంట నిజజీవింతలో రొమాన్స్‌కు దారితీసింది. వీరిద్దరు 2017లో ఘనంగా పెళ్లి చేసుకున్నారు. కానీ, అనుకోని కారణాల వల్ల రెండేళ్లకే అంటే 2019లో ఈ జంట విడిపోయింది.

2. హ్యూన్ బిన్ అండ్ సన్ యే-జిన్:

ఆన్-స్క్రీన్: క్రాష్ ల్యాండింగ్ ఆన్ యు సీరుసులో ఉత్తర కొరియా గూఢచారిగా, దక్షిణ కొరియా వారసురాలిగా వీరిద్దరు పరిచయం అవుతారు. అక్కడి నుంచి వారి జీవితం రొమాంటిక్ ట్రాక్‌లోకి తీసుకుంటాయి. కామెడీ రొమాంటిక్ జోనర్‌లో వచ్చిన ఈ సిరీస్‌లో హ్యన్ బిన్, సన్ యే చాలా పాపులర్ అయ్యారు.

ఆఫ్-స్క్రీన్: ఈ జంట 2021లో తాము రిలేషన్‌షిప్‌లో ఉన్నట్లు అధికారికరంగా వెల్లడించారు. ఆ సంవత్సరం తర్వాత అంటే 2022లో పెళ్లి చేసుకున్నారు. కొరియన్ ఎంటర్‌టైన్‌మెంట్ ఇండస్ట్రీలో వీరి పెళ్లి కోసం ఎంతోమంది ఎదురుచూశారు.

3. లీ సీయుంగ్-గి అండ్ లీ డా-ఇన్:

పలు కే డ్రామా సిరీస్‌లతో పాపులర్ అయిన ఈ జంట తమ సంబంధాన్ని ప్రైవేట్‌గా ఉంచుకుంటూ 2021లో డేటింగ్ ప్రారంభించారు. అనంతరం 2023 ఫిబ్రవరిలో వీరు నిశ్చితార్థం చేసుకున్నట్లు అధికారికంగా ప్రకటించారు. అదే సంవత్సరం ఏప్రిల్‌లో వారు వివాహం చేసుకున్నారు.

4. పార్క్ షిన్-హే అండ్ చోయ్ టే-జూన్:

పార్క్ షిన్ హే అండ్ చోయ్ టే జాన్ జంట కే డ్రామాలో కలిసి పనిచేసిన తర్వాత 2017లో డేటింగ్ మొదలుపెట్టారు. నవంబర్ 2021లో ఎంగేజ్‌మెంట్ చేసుకున్నట్లు ప్రకటించారు. ఆ తర్వాత 2022 జనవరిలో వివాహం చేసుకున్నారు.

5. పార్క్ మిన్-యంగ్ అండ్ పార్క్ సియో-జూన్:

వాట్స్ రాంగ్ విత్ సెక్రటరీ కిమ్‌ అనే సిరీస్‌లో పార్క్ మిన్ యంగ్ అండ్ పార్క్ సియో జూన్ కెమిస్ట్రీపై విపరీతమైన రూమర్స్‌కు దారితీసింది. ఎందుకంటే అందులో వారిద్దరి పాత్రల నటన అంతలా జీవించినట్లు కనిపించింది.

అయితే, వారు ఎప్పుడూ తమ రొమాంటిక్ సంబంధాన్ని బహిరంగంగా ఎప్పుడూ ధృవీకరించనప్పటికీ వారి ఆన్-స్క్రీన్ కెమిస్ట్రీ, క్లోజ్ ఫ్రెండ్షిప్ మాత్రం అనేక పుకార్లకు ఆజ్యం పోశాయి.