Rashmika Horror Comedy Movie: రష్మిక మందన్నా హారర్ కామెడీ మూవీ.. స్త్రీ2 టీమ్‌తో కలిసి రక్త పిశాచిగా..
Rashmika Horror Comedy Movie: రష్మిక మందన్నా ఇప్పుడో హారర్ కామెడీ మూవీలో నటించబోతోంది. స్త్రీ2లాంటి బ్లాక్ బస్టర్ మూవీ అందించిన మ్యాడక్ హారర్ యూనివర్స్ లో భాగంగా ఈ కొత్త సినిమా రూపొందబోతోంది.
Rashmika Horror Comedy Movie: నేషనల్ క్రష్ రష్మిక మందన్నా మ్యాడక్ హారర్ యూనివర్స్ లోకి అడుగుపెడుతోంది. ఇప్పటికే స్త్రీ, స్త్రీ 2, ముంజ్యా, భేడియాలాంటి హారర్, హారర్ కామెడీ మూవీస్ రూపొందించిన మ్యాడక్ ఫిల్మ్స్ (Maddock Films)తో కలిసి ఓ సినిమా చేయబోతోంది. దీనికి సంబంధించిన అధికారిక ప్రకటన బుధవారం (అక్టోబర్ 30) వచ్చింది.
రష్మిక, ఆయుష్మాన్ హారర్ మూవీ
మ్యాడక్ ఫిల్మ్స్ తాజాగా వ్యాంపైర్ (రక్త పిశాచి) మూవీ ఒకటి రూపొందించబోతోంది. ఈ సినిమా టైటిల్ ను థమా (Thama)గా నిర్ణయించారు. ఈ సినిమాలో ప్రముఖ బాలీవుడ్ నటుడు ఆయుష్మాన్ ఖురానా నటిస్తున్నాడు. అతని సరసన రష్మిక మందన్నా కనిపించబోతోంది. నిజానికి చాలా రోజులుగా ఈ కాంబినేషన్ లో మూవీ వస్తున్నట్లు వార్తలు రాగా.. బుధవారం (అక్టోబర్ 30) మేకర్స్ అధికారికంగా అనౌన్స్ చేశారు.
ఈ ఏడాది స్త్రీ 2 మూవీతో హిందీ సినిమా చరిత్రలో అత్యధిక డొమెస్టిక్ వసూళ్లను సొంతం చేసుకుంది మ్యాడక్ ఫిల్మ్స్. స్త్రీ 3 కూడా తీసుకురాబోతోంది. ఈ నేపథ్యంలో ఆయుష్మాన్, రష్మికలాంటి క్రేజీ కాంబినేషన్ లో థమ మూవీ అనౌన్స్ చేయడం ఎంతో ఆసక్తి రేపుతోంది.
స్త్రీ-వెర్స్‌లోకి రష్మిక, ఆయుష్మాన్
మ్యాడక్ ప్రొడక్షన్స్ తన ఇన్‌స్టాగ్రామ్ ద్వారా రష్మిక, ఆయుష్మాన్ మూవీ థమ (Thama)ను అనౌన్స్ చేసింది. స్త్రీ-వెర్స్ నుంచి వస్తున్న తొలి లవ్ స్టోరీగా ఈ మూవీని చెబుతున్నారు. అయితే ఈ లవ్ స్టోరీ కూడా వ్యాంపైర్స్ కేంద్రంగా రానుండటం విశేషం. నిజానికి ఈ సినిమాకు వ్యాంపైర్స్ ఆఫ్ విజయ్ నగర్ అనే టైటిల్ తో రానుందని అనుకున్నా.. తర్వాత థమ అని మార్చారు.
అయితే ఈ మూవీ టైటిల్ కు అసలు అర్థం ఏంటన్నది మేకర్స్ వెల్లడించలేదు. కానీ హారర్ లవ్ స్టోరీ అని మాత్రం స్పష్టమైంది. మ్యాడక్ హారర్ కామెడీ యూనివర్స్ నుంచి ఈ థమ కూడా రాబోతోంది. ఆయుష్మాన్ ఖురానా, రష్మిక మందన్నాతోపాటు పరేష్ రావల్, నవాజుద్దీన్ సిద్ధిఖీలాంటి కూడా ఈ సినిమాలో నటించనున్నారు.
ఇక ఈ సినిమాను ముంజ్యా డైరెక్టర్ ఆదిత్య సర్పోట్దార్ డైరెక్ట్ చేస్తున్నాడు. థమ మూవీని దినేస్ విజన్, అమర్ కౌశిక్ సంయుక్తంగా నిర్మిస్తున్నారు. ఈ ఏడాది ఆదిత్య డైరెక్ట్ చేసిన ముంజ్యా మూవీ కూడా బాక్సాఫీస్ రికార్డులను తిరగరాసిన విషయం తెలిసిందే. అతని డైరెక్షన్ లో థమ రానుండటంతో ఈ మూవీపై భారీ అంచనాలు ఉన్నాయి. రష్మిక, ఆయుష్మాన్ నటిస్తున్న థమ మూవీ వచ్చే ఏడాది దీపావళికి రిలీజ్ కానుంది.
