Raja Saab Motion Poster: రాజాసాబ్ మోష‌న్ పోస్ట‌ర్ ఆల‌స్యం - మూవీ టీమ్‌ను దారుణంగా ట్రోల్ చేస్తోన్న ప్రభాస్ ఫ్యాన్స్
Raja Saab: పీపుల్ మీడియా ఫ్యాక్ట‌రీపై ప్రభాస్ ఫ్యాన్స్ ఫైర్ అవుతోన్నారు. ప్రభాస్ బ‌ర్త్‌డే సంద‌ర్భంగా మోష‌న్ పోస్ట‌ర్‌ను రిలీజ్ చేయ‌బోతున్న‌ట్లు మేకర్స్ అనౌన్స్‌చేశారు. కానీ చెప్పిన టైమ్‌కు మోష‌న్ పోస్ట‌ర్ రిలీజ్ కాక‌పోవ‌డంతో మూవీ టీమ్‌ను నెటిజ‌న్లు ట్రోల్ చేస్తోన్నారు.
పీపుల్ మీడియా ఫ్యాక్ట‌రీని ప్రభాస్ ఫ్యాన్స్ సోష‌ల్ మీడియాలో దారుణంగా ట్రోల్ చేస్తోన్నారు. ప్రభాస్ బ‌ర్త్‌డే సంద‌ర్భంగా మ‌ధ్యాహ్నం ఒంటి గంట ముప్పై ఐదు నిమిషాల‌కు రాజాసాబ్ మోష‌న్ పోస్ట‌ర్‌ను రిలీజ్ చేయ‌బోతున్న‌ట్లు పీపుల్ మీడియా ఫ్యాక్ట‌రీ ప్ర‌క‌టించింది. చెప్పిన టైమ్ దాటినా కూడా మోష‌న్ పోస్ట‌ర్‌ను రిలీజ్ చేయ‌లేక‌పోవ‌డంతో పీపుల్ మీడియా ఫ్యాక్ట‌రీపై ప్రభాస్ ఫ్యాన్స్ ఫైర్ అవుతోన్నారు.
మ‌ళ్లీ మోసం చేశారంటూ విమర్శలు గుప్పిస్తున్నారు. చెప్పిన టైమ్‌కు రిలీజ్ చేయ‌క‌పోవ‌డ‌మే కొత్త స్ట్రాట‌జీనా అంటూ నెగెటివ్ కామెంట్స్ చేస్తోన్నారు. ఫ్యాన్స్ ట్వీట్స్‌, కామెంట్స్ వైర‌ల్ అవుతోన్నాయి.
పీపుల్ మీడియా ఫ్యాక్ట‌రీ...
సూప‌ర్ నాచుర‌ల్ థ్రిల్ల‌ర్‌ క‌థాంశంతో తెర‌కెక్కుతోన్న రాజాసాబ్ మూవీకి మారుతి ద‌ర్శ‌క‌త్వం వ‌హిస్తోన్నాడు. వ‌చ్చే ఏడాది ఏప్రిల్ 10న ఈ మూవీ రిలీజ్ కాబోతోంది.
ఇద్ద‌రు హీరోయిన్లు...
రాజాసాబ్‌మూవీలో మాళ‌వికా మోహ‌న‌న్‌, నిధి అగ‌ర్వాల్ హీరోయిన్లుగా న‌టిస్తున్నారు. మాళ‌వికా మోహ‌న‌న్‌కు తెలుగులో ఇదే ఫ‌స్ట్ మూవీ కావ‌డం గ‌మ‌నార్హం. బాలీవుడ్ న‌టుడు సంజ‌య్‌ద‌త్ ఓ కీల‌క పాత్ర‌లో క‌నిపించ‌బోతున్న‌ట్లు ప్ర‌చారం జ‌రుగుతోంది. అత‌డితో పాటు కోలీవుడ్ క‌మెడియ‌న్ యోగిబాబు , వ‌ర‌ల‌క్ష్మి శ‌ర‌త్‌కుమార్ కూడా ఈ మూవీలో క‌నిపంచ‌బోతున్న‌ట్లు వినిపిస్తున్నాయి.
రాజాసాబ్ మూవీ షూటింగ్ తుదిద‌శ‌కు చేరుకున్న‌ట్లు స‌మాచారం. ఇప్ప‌టికే ప్రభాస్ త‌న పాత్ర‌కు సంబంధించిన షూటింగ్‌ను పూర్తిచేసిన‌ట్లు చెబుతోన్నారు. ప్రభాస్ బ‌ర్త్‌డే సంద‌ర్భంగా రిలీజైన ఈ మోష‌న్ పోస్ట‌ర్‌తోనే సినిమా యూనిట్ అఫీషియ‌ల్‌గా ప్ర‌మోష‌న్స్ స్టార్ట్ చేశారు.
రెండు వంద‌ల కోట్ల బడ్జెట్...
రాజా సాబ్ మూవీ బడ్జెట్ దాదాపు 200 కోట్లపైనే అని టాలీవుడ్ వ‌ర్గాల్లో ప్ర‌చారం జ‌రుగుతోంది. ప్రభాస్, మారుతి కాంబినేష‌న్‌లో తెర‌కెక్కుతోన్న ఈ మూవీకి త‌మ‌న్‌ మ్యూజిక్ అందిస్తోన్నాడు. తెలుగు, హిందీతో పాటు మిగిలిన ద‌క్షిణాది భాష‌ల్లో రాజాసాబ్ మూవీకి రిలీజ్ చేసేందుకు మేకర్స్ స‌న్నాహాలు చేస్తోన్నారు.
ఐదు సినిమాలు…
ప్ర‌స్తుతం తెలుగులో మోస్ట్ బిజీయోస్ట్ హీరోగా కొన‌సాగుతోన్నాడు ప్రభాస్. రాజాసాబ్‌తోపాటు, హ‌ను రాఘ‌వ‌పూడి ద‌ర్శ‌క‌త్వంలో ఓ పీరియాడిక‌ల్ ల‌వ్ స్టోరీ చేస్తోన్నాడు. ఈ రెండు సినిమాల‌తో పాటు సందీప్ వంగాతో స్పిరిట్ మూవీ చేయ‌నున్నాడు.
ఇవే కాకుండా క‌ల్కి, స‌లార్ సీక్వెల్‌ల‌లో ప్రభాస్ హీరోగా క‌నిపించ‌బోతున్నాడు. ఈ సినిమాలు సెట్స్‌పై ఉండ‌గానే హ‌నుమాన్ డైరెక్ట‌ర్ ప్ర‌శాంత్ వ‌ర్మ డైరెక్ష‌న్‌లో ప్రభాస్ ఓ మూవీకి గ్రీన్‌సిగ్న‌ల్ ఇచ్చిన‌ట్లు టాలీవుడ్ వ‌ర్గాల్లో ప్ర‌చారం జ‌రుగుతోంది.
హ‌నురాఘ‌వ‌పూడి మూవీ షూటింగ్‌ను న‌వంబ‌ర్ నుంచి ప్రభాస్ మొద‌లుపెట్ట‌బోతున్నాడు. 1945 బ్యాక్‌డ్రాప్‌లో తెర‌కెక్కుతోన్న ఈ మూవీని పీపుల్ మీడియా ఫ్యాక్ట‌రీ నిర్మిస్తోంది.
1100 కోట్ల కలెక్షన్స్…
ఇటీవ‌ల రిలీజైన క‌ల్కి 2898 ఏడీ మూవీతో బిగ్గెస్ట్ హిట్ అందుకున్నాడు ప్రభాస్. జూన్ 27న ప్రేక్ష‌క‌లు ముందుకొచ్చిన ఈ మూవీ నెల రోజుల్లో 1100 కోట్ల కలెక్షన్స్ రాబ‌ట్టింది. ఈ ఏడాది హ‌య్యెస్ట్ కలెక్షన్స్ రాబ‌ట్టిన ఇండియ‌న్ సినిమాల్లో మొద‌టి స్థానంలో నిలిచింది. బాహుబ‌లి, ఆర్ఆర్ఆర్ త‌ర్వాత తెలుగు సినీ చ‌రిత్ర‌లో అత్య‌ధిక కలెక్షన్స్ ద‌క్కించుకున్న సినిమాగా క‌ల్కి నిలిచింది.
సూప‌ర్ హీరో క‌థాంశంతో తెర‌కెక్కిన ఈ సినిమాకు నాగ్ అశ్విన్ ద‌ర్శ‌క‌త్వం వ‌హించాడు. అమితాబ్‌బ‌చ్చ‌న్‌, దీపికా ప‌దుకోణ్ ప్ర‌ధాన పాత్ర‌లు పోషించ‌గా క‌మ‌ల్‌హాస‌న్ విల‌న్‌గా న‌టించాడు. రాజ‌మౌళి, విజ‌య్ దేవ‌ర‌కొండ, దుల్క‌ర్ స‌ల్మాన్ గెస్ట్ రోల్స్‌లో క‌నిపించారు. క‌ల్కి మూవీకి సీక్వెల్ రాబోతోంది. సీక్వెల్ షూటింగ్ కొంత భాగం పూర్త‌యిన‌ట్లు మేకర్స్ వెల్ల‌డించారు
