OTT Survival Thriller Movie: ఏడు నెలల తర్వాత ఓటీటీలోకి వచ్చిన మలయాళం సర్వైవల్ థ్రిల్లర్ మూవీ.. ఎక్కడ చూడాలంటే?

OTT Survival Thriller Movie: ఓటీటీలోకి మరో మలయాళం సర్వైవల్ థ్రిల్లర్ మూవీ వచ్చింది. అప్పుడెప్పుడో ఈ ఏడాది జనవరి 19న థియేటర్లలో రిలీజైన మాయావనం ఈ మూవీ.. ఏడు నెలల తర్వాత రావడం ఓ విశేషమైతే.. ఇప్పుడు కూడా రెంటల్ విధానంలోనే ఈ సినిమా చూసే అవకాశం ఉంది. నలుగురు మెడికల్ స్టూడెంట్స్ చుట్టూ తిరిగే ఈ సినిమాకు థియేటర్లలో పెద్దగా రెస్పాన్స్ రాలేదు.

మాయావనం ఓటీటీ స్ట్రీమింగ్

ఓటీటీలోకి తాజాగా వచ్చిన మలయాళం మూవీ మాయావనం. ఈ సినిమాను అమెజాన్ ప్రైమ్ వీడియోలో స్ట్రీమింగ్ అవుతోంది. అయితే ఈ సినిమా చూడాలంటే రూ.99 చెల్లించాల్సి ఉంటుంది. కేవలం మలయాళం ఆడియోలోనే అందుబాటులో ఉంది. అయితే ఇంగ్లిష్ సబ్ టైటిల్స్ తో చూసే అలవాటు ఉంటే.. ఈ సస్పెన్స్ మూవీని మీరు కూడా ఎంజాయ్ చేయొచ్చు.

ఈ మాయావనం మూవీ జనవరి 19న థియేటర్లలో రిలీజైంది. అయితే అక్కడ ఈ సినిమాకు అంత రెస్పాన్స్ రాలేదు. ఐఎండీబీలోనూ ఈ సినిమాకు దారుణమైన 2.2 రేటింగ్ మాత్రమే ఉంది. అలాంటి సినిమాను ఇన్నాళ్ల తర్వాత ఓటీటీలోకి తీసుకొచ్చి.. ఇప్పుడు కూడా రూ.99 రెంట్ విధానంలో అందుబాటులోకి తేవడం అంతు చిక్కనిదే.

మాయావనం మూవీ ఏంటంటే?

మాయావనం ఓ మలయాళ సర్వైవల్ థ్రిల్లర్ మూవీ. ఈ సినిమాను జయత్‌లాల్ చంద్రశేఖరన్ డైరెక్ట్ చేశాడు. ఆదిత్య సాయి, జాఫర్ ఇడుక్కి, సెంథిల్ కృష్ణలాంటి వాళ్లు నటించారు. నలుగురు మెడికల్ స్టూడెంట్స్ ఓ అడవిలోకి వెళ్లి అనుకోకుండా పలు సమస్యల్లో చిక్కుకుంటారు. అక్కడి నుంచి వాళ్లు ప్రాణాలతో బయటపడటానికి చేసిన ప్రయత్నాలను ఈ సినిమాలో చూపించారు.

ఓటీటీల్లోని లేటెస్ట్ మలయాళం సినిమాలు

ఓటీటీల్లోకి ఈ మధ్యే పలు మలయాళం సినిమాలు, వెబ్ సిరీస్ స్ట్రీమింగ్ కు వచ్చాయి. అందులో ప్రైమ్ వీడియోలోనే గోలం అనే థ్రిల్లర్ మూవీ కూడా ఉంది. ఇదే ఓటీటీలో ఈ మధ్యే లిటిల్ హార్ట్స్ అనే రొమాంటిక్ కామెడీ మూవీ కూడా స్ట్రీమింగ్ అవుతోంది.

ఇక సోనీలివ్ ఓటీటీలో తలవన్ అనే మూవీ కూడా వచ్చింది. జీ5 ఓటీటీలో ఈ మధ్యే మనోరతంగళ్ అనే ఆంథాలజీ రిలీజైంది. 9 మంది సూపర్ స్టార్లు ఈ సిరీస్ లో నటించడం విశేషం. మమ్ముట్టి, మోహన్ లాల్, ఫహాద్ ఫాజిల్, కమల్ హాసన్ లాంటి వాళ్లు ఉన్నారు. ఇక ఆగస్ట్ 20 నుంచి గుర్.. అనే కామెడీ మూవీ కూడా రాబోతోంది.