New car : కొత్త కారు డెలివరీ తీసుకునే ముందు ఇవి చెక్​ చేసుకోవాలి! లేకపోతే..

కొత్త కారు కొనాలనే ఉత్సాహం విపరీతంగా ఉంటుంది. ఆ ఉత్సాహంలో హడావుడిగా డెలివరీ తీసేసుకుంటాము. కానీ డెలివరీ తీసుకునే ముందు ప్రశాంతంగా ఉండటం చాలా ముఖ్యం. పూర్తిస్థాయిలో చెకింగ్స్​తో పాటు ఏవైనా సమస్యలు ఉంటే గుర్తించాల్సిన అవసరం ఉంది. షోరూమ్​ నుంచి మీ కొత్త కారును బయటకు నడపే ముందు మీరు చేయవలసిన 5 ముఖ్యమైన చెకింగ్స్​ గురించి ఇక్కడ తెలుసుకోండి..

1. ఎక్స్​టీరియర్​ చెకింగస్​..

కారు ఎక్స్​టీరియర్​ని జాగ్రత్తగా పరిశీలించండి, వీటిపై దృష్టి పెట్టండి:

- బాడీ ప్యానెల్స్: ఏవైనా పగుళ్లు, గీతలు లేదా అసమాన ప్యానెల్ గ్యాప్స్​ని తనిఖీ చేయండి.

- పెయింట్ వర్క్: ఆరెంజ్​ పీల్​ లేదా ఓవర్ స్ప్రే వంటి ఏదైనా పెయింట్ లోపాలను తనిఖీ చేయండి.

- టైర్లు: సరైన టైర్ పరిమాణాన్ని తనిఖీ చేయండి. పంక్చర్ల సంకేతాల కోసం చూడండి. డెలివరీ కోసం డీలర్.. ఇతర కార్ల టైర్లను మన కార్లకు మార్చే అవకాశాలు కూడా ఉన్నాయి. కాబట్టి మీరు వాహనం చిత్రాలను క్లిక్ చేయడం మంచిది. తద్వారా మీరు తరువాత ధృవీకరించవచ్చు.

- చక్రాలుస రిమ్​లు: చక్రాలపై ఏదైనా నష్టం లేదా పగుళ్లు ఉన్నాయా అని తనిఖీ చేయండి. ఎందుకంటే చక్రాలను మార్చడం ఖరీదైన విషయం.

2. ఇంటీరియర్ ఇన్​స్పెక్షన్

కారు ఇంటీరియర్ ని క్షుణ్ణంగా తనిఖీ చేయండి, వీటిపై దృష్టి పెట్టండి:

- డ్యాష్​బోర్డ్, ఇన్​స్ట్రుమెంట్స్: అన్ని వార్నింగ్ లైట్​లు, గేజ్​లు, డిస్​ప్లేలు సరిగ్గా పనిచేస్తున్నాయని ధృవీకరించుకోండి.

- సీట్లు, అప్​హోలిస్ట్రీ: మీ కారు కేబిన్​లో ఏవైనా మరకలు, చిరిగిపోయిన వస్తువుల కోసం తనిఖీ చేయండి.

- ఇన్ఫోటైన్మెంట్ సిస్టమ్: ఆడియో, బ్లూటూత్ కనెక్టివిటీ, నావిగేషన్ పరీక్షించండి.

- పరిశుభ్రత: లోపలి భాగం ఎటువంటి అసాధారణ వాసనలు లేదా మరకలు లేకుండా చూసుకోండి.

3. ఇంజిన్- పనితీరును తనిఖీ చేయండి..

- ఇంజిన్ ఆయిల్, ఫ్లూయిడ్స్: ఆయిల్ లెవల్, కలర్, స్థిరత్వం, అలాగే ఇతర ముఖ్యమైన ఫ్లూయిడ్స్ (కూలెంట్, బ్రేక్, ట్రాన్స్​మిషన్) చెక్ చేయండి.

- బ్యాటరీ కండిషన్: బ్యాటరీ మంచి కండిషన్​లో ఉందని ధృవీకరించండి. లీకేజీ లేదా తుప్పు సంకేతాలు లేకుండా చూసుకోండి.

- స్టార్డ్​ అండ్​ స్టాప్​: ఇంజిన్ స్టార్ట్ చేసేటప్పుడు, ఆఫ్​ చేసేటప్పుడు ఏదైనా అసాధారణ శబ్దాలు లేదా ప్రకంపనల కోసం వినండి.

- ట్రాన్స్​మిషన్​, గేర్​షిఫ్ట్​: ట్రాన్స్​మిషన్ స్మూత్​గా, గేర్ షిఫ్ట్​ సాఫ్ట్​గా జరుగుతోందో లేదో పరీక్షించండి.

4. ఓడోమీటర్, ఇంధనం..

కొత్తగా కొనుగోలు చేసిన వాహనం 100 నుంచి 150 కిలోమీటర్లకు మించకుండా ఓడోమీటర్ రీడింగ్ కలిగి ఉండాలి. ఒకవేళ రీడింగ్ ఈ పరిధిని మించితే, డీలర్ నుంచి వివరణ కోరడం మంచిది. అదనంగా, డీలర్లు సాధారణంగా ఐదు లీటర్ల కాంప్లిమెంటరీ ఇంధనాన్ని అందిస్తారు. అందువల్ల, సమీప ఫ్యూయల్ స్టేషన్​కు చేరుకోవడానికి ఇది సరిపోతుందని ధృవీకరించడానికి ఇంధన స్థాయిని చూసుకోండి.

5. డాక్యుమెంటేషన్, వారెంటీ చెక్..

ఇది చాలా ముఖ్యం. మీకు అవసరమైన అన్ని డాక్యుమెంటేషన్​లు ఉన్నాయని ధృవీకరించుకోండి. వారెంటీ నిబంధనలను అర్థం చేసుకోండి, వీటిలో:

- యూజర్​ మాన్యువల్: మాన్యువల్ ఉందో లేదో చూడండి.

- వారెంటీ పత్రాలు: వారంటీ నిబంధనలు, వ్యవధి, మైలేజీ పరిమితులను తనిఖీ చేయండి.

- సర్వీస్ రికార్డులు: ఇప్పటికే ఉన్న ఏదైనా సర్వీస్ రికార్డులు లేదా మెయిన్​టేనెన్స్​ హిస్టరీని పొందండి.

- రిజిస్ట్రేషన్, బీమా: వాహనం మీ పేరు మీద రిజిస్టర్ చేసి, బీమా జరిగిందా లేదా చూసుకోండి.

ఇక మీరు జాలీగా, హాయిగా కారును రైడ్​ చేయవచ్చు.