OTT Latest Malayalam Movies: ఓటీటీలోని లేటెస్ట్ మలయాళం మూవీస్ ఇవే.. క్రైమ్ థ్రిల్లర్ నుంచి కామెడీ వరకు..

New Malayalam Movies on OTT: మలయాళం మూవీస్ కు తెలుగులోనూ ఎంతో మంది అభిమానులు ఉన్నారు. ఆ ఇండస్ట్రీ నుంచి వచ్చే సినిమాలు తెలుగు ఆడియోతో లేకపోయినా సబ్ టైటిల్స్ తో చూసేవాళ్లు కూడా చాలా మందే ఉన్నారు. మరి ఈ మధ్యే ఓటీటీలోకి వచ్చిన మలయాళం సినిమాలు ఏవి? వాటిని ఏ ఓటీటీ ప్లాట్‌ఫామ్స్ లో చూడాలో ఇక్కడ తెలుసుకోండి.

ఓటీటీలోని లేటెస్ట్ మలయాళం మూవీస్

నెట్‌ఫ్లిక్స్, ప్రైమ్ వీడియో, డిస్నీ ప్లస్ హాట్‌స్టార్ లాంటి ఓటీటీ ప్లాట్‌ఫామ్స్ లోకి ఈ మధ్యే కొన్ని హిట్ మలయాళం మూవీస్ వచ్చాయి. మరికొన్ని రాబోతున్నాయి. అవేంటో ఒకసారి చూద్దాం.

బౌగెన్‌విలియా - సోనీలివ్

ఈ ఏడాది మలయాళం ఇండస్ట్రీ నుంచి వచ్చిన హిట్ సైకలాజికల్ క్రైమ్ థ్రిల్లర్ మూవీ బౌగెన్‌విలియా. కుంచకో బొబన్, ఫహాద్ ఫాజిల్ నటించిన ఈ మూవీ శుక్రవారం (డిసెంబర్ 13) సోనీలివ్ ఓటీటీలోకి అడుగుపెడుతోంది. ఓ కారు ప్రమాదం తర్వాత ఓ జంట జీవితం ఎలా మారిపోతుంది? జ్ఞాపకశక్తి కోల్పోయిన మహిళ.. దానివల్ల ఎలాంటి ప్రమాదంలో పడుతుందన్నది ఈ మూవీలో చూడొచ్చు.

కిష్కింధ కాండం - హాట్‌స్టార్

ఈ మధ్యే డిస్నీ ప్లస్ హాట్‌స్టార్ లోకి వచ్చిన మరో సూపర్ హిట్ థ్రిల్లర్ మూవీ కిష్కింధ కాండం. దింజిత్ అయ్యతన్ డైరెక్ట్ చేసిన ఈ మూవీలో ఆసిఫ్ అలీ, అపర్ణ బాలమురళీలాంటి వాళ్లు నటించారు. ఓ రిటైర్డ్ ఆర్మీ ఆఫీసర్ మిస్సింగ్ గన్ చుట్టూ తిరిగే స్టోరీతో ఈ మూవీ మంచి థ్రిల్ పంచుతుంది.

పాణి - సోనీలివ్

మలయాళం యాక్షన్ థ్రిల్లర్ మూవీ పాణి (Pani). జోజూ జార్జ్ తొలిసారి డైరెక్ట్ చేసిన ఈ సినిమా కూడా బాక్సాఫీస్ దగ్గర సక్సెస్ అయింది. ఈ మూవీ డిసెంబర్ 20 నుంచి సోనీలివ్ ఓటీటీలో స్ట్రీమింగ్ కానుంది.

ఫ్యామిలీ - మనోరమ మ్యాక్స్

ఫ్యామిలీ ఈ మధ్యే మనోరమ మ్యాక్స్ ఓటీటీలోకి వచ్చిన మలయాళ థ్రిల్లర్ మూవీ. ఇతరులకు సాయం చేస్తూ మంచివాడిగా నటించే ఓ వేటగాడి చుట్టూ తిరిగే థ్రిల్లర్ మూవీ ఇది. గతేడాది థియేటర్లలో రిలీజైన ఈ సినిమా.. ఇప్పుడు ఓటీటీలో స్ట్రీమింగ్ కు వచ్చింది.

అయీషా - మనోరమ మ్యాక్స్

మంజూ వారియర్ లీడ్ రోల్లో నటించిన బయోగ్రాఫికల్ మూవీ అయీషా. గతేడాది జనవరిలో థియేటర్లలో రిలీజైన ఈ మూవీ.. మొత్తానికి డిసెంబర్ 8 నుంచి మనోరమ మ్యాక్స్ ఓటీటీలో స్ట్రీమింగ్ అవుతోంది. అయితే కేవలం మలయాళం ఆడియోలోనే ఈ సినిమా వచ్చింది.

హర్ - మనోరమ మ్యాక్స్

ఐదుగురు మహిళల జీవితాల చుట్టూ తిరిగే కథతో వచ్చిన మూవీ హర్. ఈ సినిమా నవంబర్ 29 నుంచి మనోరమ మ్యాక్స్ ఓటీటీలో స్ట్రీమింగ్ అవుతోంది. లిజిన్ జోస్ డైరెక్ట్ చేసిన ఈ సినిమాకు బాక్సాఫీస్ దగ్గర మంచి రెస్పాన్స్ వచ్చింది.

ఏఆర్ఎం - హాట్‌స్టార్

టొవినో థామస్ నటించిన వార్ డ్రామా మూవీ ఏఆర్ఎం. ఈ సినిమా కూడా డిస్నీ ప్లస్ హాట్‌స్టార్ లో స్ట్రీమింగ్ అవుతోంది. తెలుగులోనూ మూవీ అందుబాటులో ఉంది. ఈ ఏడాది రూ.100 కోట్లకుపైగా వసూలు చేసిన మలయాళ సినిమాల్లో ఇదీ ఒకటి.