Netflix Top Trending Movies: నెట్‌ఫ్లిక్స్ టాప్ ట్రెండింగ్ మూవీస్ ఇవే.. భారీగా ట్రోలింగ్.. అయినా నంబర్ 1లోకి దేవర

Netflix Top Trending Movies: నెట్‌ఫ్లిక్స్ ప్రతివారం గ్లోబల్, ఇండియా టాప్ ట్రెండింగ్ మూవీస్, వెబ్ సిరీస్ లిస్టు రిలీజ్ చేస్తూ ఉంటుంది. తాజాగా నవంబర్ 4 నుంచి 10తో ముగిసిన వారానికిగాను ఈ లిస్ట్ అప్డేట్ చేసింది. గత శుక్రవారం (నవంబర్ 8) నెట్‌ఫ్లిక్స్ లోకి అడుగుపెట్టిన జూనియర్ ఎన్టీఆర్ మూవీ దేవర.. మూడు రోజుల్లోనే టాప్ లోకి దూసుకెళ్లడం విశేషం.

దేవర నంబర్ 1 మూవీ

జూనియర్ ఎన్టీఆర్ నటించిన దేవర మూవీ సెప్టెంబర్ 27న థియేటర్లలో రిలీజైన విషయం తెలుసు కదా. మొదటి నుంచీ మిక్స్‌డ్ రివ్యూలు వచ్చినా.. బాక్సాఫీస్ దగ్గర మాత్రం సక్సెసైంది. ప్రపంచవ్యాప్తంగా ఏకంగా రూ.500 కోట్లకుపైగా వసూలు చేసింది. అయితే ఈ సినిమా గత శుక్రవారం (నవంబర్ 8) నెట్‌ఫ్లిక్స్ లోకి వచ్చింది. ఓటీటీ రిలీజ్ తర్వాత మాత్రం ఈ సినిమాను ప్రేక్షకులు దారుణంగా ట్రోల్ చేస్తున్నారు.

ఇది మరో ఆచార్య అని, జూనియర్ ఎన్టీఆర్ లాంటి టాలెంటెడ్ నటుడు ఇలాంటి సినిమా చేయడం ఏంటని, దేవర 2ను తారక్ పక్కన పెట్టేయాలని.. ఇలా రకరకాలుగా ప్రేక్షకులు కామెంట్స్ చేస్తున్నారు. అయినా దేవర మూవీ మాత్రం నెట్‌ఫ్లిక్స్ లో గత వారం టాప్ ట్రెండింగ్ మూవీగా నిలిచింది. మూడు రోజుల్లోనే ఈ సినిమా టాప్ లోకి దూసుకొచ్చింది.

నెట్‌ఫ్లిక్స్ టాప్ ట్రెండింగ్ మూవీస్ ఇవే

1. దేవర

2. దో పత్తి

3. ది బకింగ్‌హామ్ మర్డర్స్

4. మేయళగన్

5. భూల్ భులయ్యా

6. విజయ్ 69

7. ఖేల్ ఖేల్ మే

8. టైమ్ కట్

9. భూల్ భులయ్యా 2

10. ఇట్ ఎండ్స్ విత్ అజ్

ఈ మధ్యే థియేటర్లలో భూల్ భులయ్యా 3 రిలీజైన నేపథ్యంలో అంతకుముందు రెండు భాగాలైన భూల్ భులయ్యా, భూల్ భులయ్యా 2 నెట్‌ఫ్లిక్స్ టాప్ 10 ట్రెండింగ్ మూవీస్ జాబితాలోకి దూసుకురావడం విశేషం.

నెట్‌ఫ్లిక్స్ టాప్ ట్రెండింగ్ వెబ్ సిరీస్

1. ది గ్రేట్ ఇండియన్ కపిల్ షో: సీజన్ 2

2. డోన్ట్ కమ్ హోమ్: లిమిటెడ్ సిరీస్

3. మర్డర్ మైండ్‌ఫుల్లీ: సీజన్ 1

4. ఫ్యాబులస్ లైవ్స్ ఆఫ్ బాలీవుడ్ వైవ్స్: సీజన్ 3

5. ది డిప్లొమాట్: సీజన్ 2

6. ది లింకన్ లాయర్: సీజన్ 3

7. ఐసీ 814: ది కాందహార్ హైజాక్: లిమిటెడ్ సిరీస్

8. బ్యాంక్ అండర్ సీజ్: లిమిటెడ్ సిరీస్

9. ఔటర్ బ్యాంక్స్: సీజన్ 4

10. ది డిప్లొమాట్: సీజన్ 1

రెండో సీజన్ తో ప్రేక్షకుల ముందుకు వచ్చి నవ్విస్తున్న షో ది గ్రేట్ ఇండియన్ కపిల్ షో. ఇది 8 వారాలుగా టాప్ లోనే కొనసాగుతోంది. అటు ఐసీ 814: కాందహార్ హైజాక్ వెబ్ సిరీస్ కూడా 11 వారాలుగా టాప్ 10లో ఉంటూ వస్తోంది.