Hi Nanna 10 Days Collection: హాయ్ నాన్న 10 డేస్ కలెక్షన్స్.. హిట్‌ కొట్టిన నాని.. లాభాలు ఎన్ని కోట్లంటే?

Hi Nanna 10 Days Worldwide Collection: నేచురల్ స్టార్ నాని హీరోగా.. సీతారామం బ్యూటి మృణాల్ ఠాకూర్ హీరోయిన్‌గా మొదటి సారి జోడీ కట్టిన సినిమా హాయ్ నాన్న. శ్రుతి హాసన్ గెస్ట్ రోల్, బేబీ కియారా ఖన్నా కీలక పాత్ర పోషించిన ఈ సినిమాతో శౌర్యువ్ దర్శకుడిగా పరిచయం అయ్యారు. డిసెంబర్ 7న వరల్డ్ వైడ్‌గా రిలీజైన హాయ్ నాన్న సినిమాకు 10వ రోజు కలెక్షన్స్ బాగున్నాయి.

హాయ్ నాన్న 10వ రోజు కలెక్షన్స్

హాయ్ నాన్న సినిమాకు 10వ రోజున ఏపీ, తెలంగాణ రాష్ట్రాల్లో రూ. 1.38 లక్షల షేర్ కలెక్షన్స్, రూ. 2.50 కోట్ల గ్రాస్ కలెక్షన్స్ వచ్చాయి. వీటిలో ఏరియాల వారీగా చూస్తే.. నైజాంలో రూ. 88 లక్షలు, సీడెడ్‌లో రూ. 13 లక్షలు, ఉత్తరాంధ్రలో రూ. 11 లక్షలు, ఈస్ట్ గోదావరిలో రూ. 7 లక్షలు, వెస్ట్ గోదావరిలో రూ. 4 లక్షలు, గుంటూరులో రూ. 6 లక్షలు, కృష్ణాలో రూ. 6 లక్షలు, నెల్లూరులో రూ. 3 లక్షలు కలెక్ట్ చేసినట్లు సమాచారం.

తెలుగు రాష్ట్రాల్లో కలెక్షన్స్

నాని హాయ్ నాన్న చిత్రానికి 10 రోజుల్లో తెలుగు రాష్ట్రాల్లో కలెక్షన్స్ బాగానే వచ్చాయి. నైజాంలో రూ. 9.65 కోట్లు, సీడెడ్‌లో రూ. 2.21 కోట్లు, ఉత్తరాంధ్రలో రూ. 2.16 కోట్లు, ఈస్ట్ గోదావరిలో రూ. 1.08 కోట్లు, వెస్ట్ గోదావరిలో రూ. 67 లక్షలు, గుంటూరులో 97 లక్షలు, కృష్ణాలో రూ. 1.01 కోట్లు, నెల్లూరులో రూ. 49 లక్షలు వచ్చాయి. దీంతో ఏపీ తెలంగాణలో 10 రోజుల్లో హాయ్ నాన్న మూవీకి రూ. 18.24 కోట్ల షేర్, రూ. 32.90 కోట్ల గ్రాస్ కలెక్షన్స్ వచ్చాయి.

హాయ్ నాన్న వరల్డ్ వైడ్‌ కలెక్షన్స్

మృణాల్ ఠాకూర్ హాయ్ నాన్న మూవీకి ప్రపంచవ్యాప్తంగా 10 రోజుల్లో రూ. 29.54 కోట్ల షేర్, రూ. 56.05 కోట్ల గ్రాస్ కలెక్షన్స్ వసూలు అయినట్లు ట్రేడ్ వర్గాలు తెలిపాయి. వాటిలో ఏపీ, తెలంగాణ నుంచి 18.24 కోట్ల షేర్, కర్ణాటక ప్లస్ రెస్టాఫ్ ఇండియా నుంచి రూ. 3.48 కోట్ల షేర్, ఓవర్సీస్ నుంచి రూ. 7.82 కోట్ల షేర్ కలెక్షన్స్‌ వచ్చినట్లుగా తెలుస్తోంది.

హాయ్ నాన్న లాభాలు

హాయ్ నాన్న మూవీకి రూ. 27.85 కోట్ల ప్రీ రిలీజ్ బిజినెస్ జరిగింది. దీంతో రూ. 28.50 కోట్లుగా బ్రేక్ ఈవెన్ టార్గెట్ ఫిక్స్ అయింది. ఈ క్రమంలో హాయ్ నాన్న చిత్రానికి 10 రోజుల్లో వరల్డ్ వైడ్‌గా రూ. 29.54 కోట్ల షేర్ వచ్చింది. అంటే బ్రేక్ ఈవెన్ టార్గెట్ పూర్తి అయి.. రూ. 1.04 కోట్ల లాభం వచ్చింది. హాయ్ నాన్న మూవీ క్లీన్ హిట్ స్టేటస్ సొంతం చేసుకోవడంతో పాటు లాభాలు గడించింది. ఇంకా మునుముందు కూడా ప్రాఫిట్ వచ్చే అవకాశం ఉంది.