Nani Hit 3: యానిమల్ కంటే పిచ్చి పాత్రలు చేస్తా.. నాని కామెంట్స్.. హిట్ 3, ఎల్లమ్మ మూవీలపై అప్డేట్
Nani About Animal Movie: నేచురల్ స్టార్ నాని తాజాగా ప్రేక్షకుల ముందుకు వచ్చిన సినిమా హాయ్ నాన్న. ఫుల్ ఎమోషనల్ డ్రామాగా పాజిటివ్ టాక్ తెచ్చుకుంటున్న హాయ్ నాన్న మూవీ ప్రమోషన్లలో యానిమల్ కంటే పిచ్చి పాత్రలు చేస్తానేమో అని నాని షాకింగ్ కామెంట్స్ చేశాడు.
Nani Gives Hit 3 Movie Update: నేచురల్ స్టార్ నాని హాయ్ నాన్న సినిమా థియేటర్లలో డిసెంబర్ 7న అంటే గురువారం విడుదలైంది. సినిమా విడుదల కంటే ముందు హాయ్ నాన్నకు సంబంధించిన వివరాలతోపాటు యానిమల్ మూవీ, హిట్ 3 మూవీపై అప్డేట్ ఇచ్చాడు నాని.
"హాయ్ నాన్నపై చాలా కాన్ఫిడెంట్ గా కనిపిస్తున్నారన్న" ప్రశ్నకు.. "అది హాయ్ నాన్న కంటెంట్ ఇచ్చిన నమ్మకం. ఏదైనా సినిమాని చూసినప్పుడు అది నచ్చితే మొదట సోషల్ మీడియాలో సినిమాని అభినందిస్తూ పోస్ట్ పెడతాను. తాజాగా వచ్చిన యానిమల్ కూడా అలా చేశాను. అది ఒక ప్రేక్షకుడిగా నా అనుభూతి. ‘హాయ్ నాన్న’ని ఒక ప్రేక్షకుడిగా చూసినప్పుడు అదే గొప్ప అనుభూతి కలిగింది. అదే ఈ నమ్మకాన్ని ఇచ్చింది" అని నాని అన్నాడు.
యానిమల్ లాంటి కథ వస్తే అంగీకరిస్తారా ? అన్నదానికి "వందశాతం. దసరా లాంటి కథలో నన్ను ఊహించకున్నారా? చేస్తే గానీ ఊహించలేం. బహుశా అంత కంటే మ్యాడ్నెస్ (పిచ్చిగా) ఉన్న పాత్రలు చేస్తానేమో చెప్పలేం. అలాంటి సవాల్ తో కూడుకున్న పాత్రలు, కథలు వచ్చినపుడు వాటిని చేయడానికే ఇష్టపడతాను" అని నాని చెప్పుకొచ్చాడు.
హిట్ 3 గురించి చెప్పమని అడిగితే.. "హిట్ యూనివర్స్‌లో ప్రతి ఆలోచన నా దగ్గరకే ముందు వస్తుంది. కథ జరుగుతోంది. వర్క్ పూర్తయిన వెంటనే మొదలుపెడతాం" అని నాని అప్డేట్ ఇచ్చాడు. అలాగే హాయ్ నాన్నపై నాని లీక్ ఇవ్వమని అంటే.. హాయ్ నాన్న ఇంటర్వెల్ కి ఇంటర్మిషన్ అని ఉండదు. హాయ్ అని వస్తుంది" అని నవ్వుతూ చెప్పాడు నాని.
దిల్ రాజు గారు, బలగం వేణుతో ఎల్లమ్మ అనే ప్రాజెక్ట్ చేస్తున్నారా? అన్నదానికి "ప్రస్తుతానికైతే ఏం లేదు. అయితే దిల్ రాజు గారు, వేణు నాతో వర్క్ చేయాలని అనుకుంటున్నారని చెప్పారు. వేణు చాలా ప్రతిభ గల దర్శకుడు. బలగం చూసిన తర్వాత తనలో ఇంత ప్రతిభ ఉందా అని అనుకున్నాను. తను వచ్చి నాకు కథ చెబితే ఐయామ్ వెరీ హ్యాపీ" అని నాని అసలు విషయం చెప్పాడు.
