Psychological Thriller OTT: థియేట‌ర్ల‌లో రిలీజైన ఏడాది త‌ర్వాత ఓటీటీలోకి వ‌చ్చిన మెహ‌రీన్ తెలుగు మూవీ

Psychological Thriller OTT: మెహ‌రీన్ హీరోయిన్‌గా న‌టించిన తెలుగు సైక‌లాజిక‌ల్ థ్రిల్ల‌ర్ మూవీ స్పార్క్ థియేట‌ర్ల‌లో రిలీజైన ఏడాది త‌ర్వాత ఓటీటీలోకి వ‌చ్చింది. శుక్ర‌వారం నుంచి స‌న్ నెక్స్ట్ ఓటీటీలో ఈ మూవీ స్ట్రీమింగ్ అవుతోంది. ఇప్ప‌టికే ఈ మూవీ అమెజాన్ ప్రైమ్‌లో స్ట్రీమింగ్ అవుతోంది. తాజాగా స‌న్ నెక్స్ట్ ద్వారా స్పార్క్ మూవీ ఓటీటీ ఆడియెన్స్ ముందుకొచ్చింది .

హీరోగా విక్రాంత్ ఎంట్రీ...

ఈ సైక‌లాజిక‌ల్ థ్రిల్ల‌ర్ మూవీతో విక్రాంత్‌ హీరోగా టాలీవుడ్‌లోకి ఎంట్రీ ఇచ్చాడు. హీరోగానే కాకుండా ఈ సినిమాకు డైరెక్ట‌ర్‌, ప్రొడ్యూస‌ర్‌, రైట‌ర్‌గా కూడా విక్రాంత్ వ్య‌వ‌హ‌రించాడు. స్పార్క్ మూవీలో మెహ‌రీన్‌తో పాటు రుక్స‌ర్ థిల్లాన్ మ‌రో హీరోయిన్‌గా క‌నిపించింది.

న‌వంబ‌ర్‌లో రిలీజ్‌...

గ‌త ఏడాది నవంబ‌ర్‌లో థియేట‌ర్ల‌లో రిలీజైన స్పార్క్ మూవీ మిక్స్‌డ్ టాక్‌ను తెచ్చుకున్న‌ది. హీష‌ల్ అబ్దుల్ వ‌హాబ్ అందించిన పాట‌లు బాగున్నా...కాన్సెప్ట్‌, ద‌ర్శ‌కుడి టేకింగ్ సినిమాకు మైన‌స్ అయ్యిందంటూ కామెంట్స్ వ‌చ్చాయి. స్పార్క్ మూవీలో సుహాసిణి మ‌ణిర‌త్నం, వెన్నెల‌కిషోర్‌, స‌త్య, బ్ర‌హ్మాజీ కీల‌క పాత్ర‌ల్లో న‌టించారు. బిగ్‌బాస్ బ్యూటీస్ ఆషురెడ్డి, ల‌హ‌రి సేరి గెస్ట్ రోల్స్‌లో క‌నిపించారు.

స్పార్క్ క‌థ ఇదే...

హైద‌రాబాద్ న‌గ‌రంలో వ‌రుస‌గా అమ్మాయిలు చ‌నిపోతుంటారు.ఈ మ‌ర్డ‌ర్స్‌కు తాను ప్రేమించిన ఆర్య‌(విక్రాంత్‌)తో సంబంధం ఉంద‌ని లేఖ‌(మెహ‌రీన్‌) ఇన్వేస్టిగేష‌న్‌లో తేలుతుంది. అస‌లు ఆర్య ఎవ‌రు? అత‌డు ప్రేమించిన అన‌న్య (రుక్స‌ర్ థిల్లాన్‌) ఎలా చ‌నిపోయింది?మ‌నిషి మెద‌డును కంట్రోల్ చేసే ప్ర‌యోగం చేస్తోన్న డాక్ట‌ర్ రుద్ర‌ కుట్ర‌ల‌ను ఆర్య ఎలా బ‌య‌ట‌పెట్టాడు. వైజాగ్‌కు చెందిన జై,హైద‌రాబాద్‌లోని ఆర్య ఇద్ద‌రు ఒక్క‌రేనా? అన్న‌దే ఈ మూవీ క‌థ‌.

టాలీవుడ్‌కు బ్రేక్‌...

చివ‌ర‌గా స్పార్క్ మూవీతోనే తెలుగు ప్రేక్ష‌కుల‌ను ప‌ల‌క‌రించింది మెహ‌రీన్‌. ఈ సినిమా ప‌రాజ‌యం పాల‌వ్వ‌డంతో టాలీవుడ్‌కు ఏడాది కాలంగా దూరంగా ఉంటోంది. ప్ర‌స్తుతం రీఎంట్రీ కోసం మెహ‌రీన్ ఎదురుచూస్తోంది. రుక్స‌ర్ థ్రిల్ల‌న్ తెలుగులో కృష్ణార్జున యుద్దం, అశోక‌వ‌నంలో అర్జున క‌ళ్యాణం, నా సామిరంగ‌తో పాటు ప‌లు సినిమాలు చేసింది.

మెహ‌రీన్ హీరోయిన్‌గా న‌టించిన తెలుగు సైక‌లాజిక‌ల్ థ్రిల్ల‌ర్ మూవీ స్పార్క్ థియేట‌ర్ల‌లో రిలీజైన ఏడాది త‌ర్వాత ఓటీటీలోకి వ‌చ్చింది. స్పార్క్ మూవీతో విక్రాంత్ హీరోగా టాలీవుడ్‌లోకి ఎంట్రీ ఇచ్చాడు. ఈ మూవీలో మెహ‌రీన్‌తో పాటు రుక్స‌ర్ థిల్లాన్ మ‌రో హీరోయిన్‌గా న‌టించింది.