KBC 16 Telecast, OTT: కౌన్ బనేగా క్రోర్‌పతి 16వ సీజన్ వచ్చేస్తోంది.. డేట్, టైమింగ్స్, స్ట్రీమింగ్ వివరాలు ఇవే

క్విజ్ షో ‘కౌన్ బనేగా క్రోర్‌పతి’(KBC) కి ఫుల్ క్రేజ్ ఉంటుంది. హిందీలో ఈ షో కొనసాగుతూనే ఉంది. బాలీవుడ్ దిగ్గజం అమితాబ్ బచ్చన్ ఈ షోకు హోస్ట్‌గా ఉన్నారు. కేబీసీ 16వ సీజన్ కోసం ప్రేక్షకులు ఆసక్తిగా ఎదురుచూస్తున్నారు. ఈ ఏడాది ఆరంభంలోనే రిజిస్ట్రేషన్లు జరిగాయి. కొన్ని ప్రోమోలను కూడా మేకర్స్ తీసుకొచ్చారు. అయితే ఎట్టకేలకు ఇప్పుడు కౌన్ బనేగా క్రోర్‌పతి 16వ సీజన్ తేదీలను వెల్లడించారు. ఈ కేబీసీ 16 వివరాలు ఇక్కడ చూడండి.

కేబీసీ 16 ప్రారంభం.. టైమింగ్స్

కౌన్ బనేగా క్రోర్‌పతి 16వ సీజన్ ఆగస్టు 12వ తేదీన ప్రారంభం కానుంది. ప్రతీ సోమవారం నుంచి శుక్రవారం వరకు రాత్రి 9 గంటలకు ప్రసారం కానుంది.

టెలికాస్ట్, స్ట్రీమింగ్

కౌన్ బనేగా క్రోర్‌పతి 16వ సీజన్ ‘సోనీ టీవీ ఛానెల్‍’లో ఆగస్టు 12 నుంచి ప్రతీవారం సోమవారం నుంచి శుక్రవారం వరకు రాత్రి 9 గంటలకు ప్రసారం అవుతుంది. డిజిటల్ విషయానికి వస్తే, ‘సోనీ లివ్’ ఓటీటీలోనూ అదే టైమ్‍కు స్ట్రీమింగ్ అవుతుంది.

కౌన్ బనేగా క్రోర్‌పతి టాక్ షో ఎంటర్‌టైన్‍మెంట్‍తో పాటు నాలెడ్జ్ కూడా ఇస్తుంది. అందుకే ఈ షో సీజన్ల పాటు సక్సెస్‍ఫుల్‍గా సాగుతోంది. చాలా మంది సామాన్యులకు ఈ షో మేలు చేసింది. కొందరిని సెలెబ్రిటీలను కూడా చేసింది. 16వ సీజన్ స్వాతంత్య్ర దినోత్సవానికి మూడు రోజుల ముందు ప్రారంభం కానుంది. ఈ సీజన్ కోసం ప్రేక్షకులు ఎంతగానో ఎదురుచూస్తున్నారు.

కౌన్ బనేగా క్రోర్‌పతి 16వ సీజన్ టైమింగ్‍కు సంబంధించి ప్రోమోను సోనీ టీవీ, సోనీ లివ్ వెల్లడించాయి. జీవితం సవాళ్లతో కూడుకొని ఉంటుందని, ప్రశ్నలను అడుగుతుందని అమితాబ్ బచ్చన్ ఈ ప్రోమోలో చెప్పారు. అన్నింటినీ దాటుకొని ముందుకు సాగాలని అన్నారు. సవాళ్లకు జవాబులు ఇవ్వాలని చెప్పారు. ఆగస్టు 12న కేబీసీ 16 మొదలువుతుందని ఈ ప్రోమోతోనే సోనీ టీవీ వెల్లడించింది.

కల్కి జోష్‍లో అమితాబ్

ప్రభాస్ హీరోగా నటించిన కల్కి 2898 ఏడీ సినిమాలో బాలీవుడ్ లెజెండ్ అమితాబ్ బచ్చన్.. అశ్వత్థామగా నటించారు. ఈ చిత్రంలో ఓ మెయిన్ రోల్ చేశారు. అమితాబ్ మరోసారి తన పర్ఫార్మెన్స్‌తో మెప్పించారు. ఈ చిత్రానికి హైలైట్‍గా నిలిచారు. ఈ వయసులోనూ స్టంట్‍లతో అదరగొట్టారు. నాగ్ అశ్విన్ దర్శకత్వం వహించిన కల్కి చిత్రానికి అమితాబ్ చాలా ప్లస్ అయ్యారు.

కల్కి సినిమా భారీ సక్సెస్‍ను అమితాబ్ బచ్చన్ ఎంజాయ్ చేస్తున్నారు. ఈ సినిమా రూ.1000కోట్ల కలెక్షన్లు దాటడంపై కూడా ఆయన స్పందించారు. తనకు ఇదో అచీవ్‍మెంట్ అని అన్నారు. రూ.1000కోట్లు అనేది ప్రభాస్‍కు అలవాటేమో అని, కానీ తనకు గొప్ప విషయమని చెప్పారు. ఈ చిత్రంలో నటించడాన్ని తాను అదృష్టంగా భావిస్తున్నానని, ఎంతో ఎంజాయ్ కూడా చేశానని చెప్పారు.

అమితాబ్ బచ్చన్ ప్రస్తుతం వెట్టైయన్ మూవీ చేస్తున్నారు. తమిళ సూపర్ స్టార్ తలైవా రజినీకాంత్ హీరోగా చేస్తున్న ఈ చిత్రంలో అమితాబ్ ఓ కీరోల్ చేస్తున్నారు. ఈ చిత్రానికి టీజే జ్ఞానవేల్ దర్శకత్వం వహిస్తున్నారు. ఈ ఏడాది అక్టోబర్‌లో ఈ మూవీ రిలీజ్ అయ్యే అవకాశం ఉంది.