Karthika Deepam Monitha: వైల్డ్ కార్డ్ ద్వారా బిగ్‌బాస్‌లోకి ఎంట్రీ ఇచ్చిన కార్తీక దీపం మోనిత

Karthika Deepam Monitha: కార్తీక దీపం సీరియ‌ల్‌లో మోనిత పాత్ర‌లో త‌న విల‌నిజంతో అద‌ర‌గొట్టింది శోభా శెట్టి. ఈ సీరియ‌ల్‌లో వంట‌ల‌క్క‌, డాక్ట‌ర్ బాబుల‌తో పాటు మోనిత పాత్ర కూడా చాలా పాపుల‌ర్ అయ్యింది. డాక్ట‌ర్ బాబుపై పిచ్చి ప్రేమ‌తో వంట‌ల‌క్క‌ను క‌ష్టాలు, క‌న్నీళ్లు పెట్టించే పాత్ర‌లో త‌న న‌ట‌న‌తో బుల్లితెర అభిమానుల‌ను ఆక‌ట్టుకుంది శోభా శెట్టి. లేడీ విల‌న్ అంటే మోనితనే అనేంత‌గా గుర్తింపును సొంతం చేసుకున్న‌ది.

వైల్డ్ కార్డ్ ఎంట్రీ...

తాజాగా కార్తీక దీపం మోనిత వైల్డ్ కార్డ్ ద్వారా బిగ్‌బాస్‌లోకి ఎంట్రీ ఇచ్చింది. తెలుగు బిగ్‌బాస్‌లోకి కాదు...క‌న్న‌డ బిగ్‌బాస్‌లోకి. ఆదివారం శోభా శెట్టి క‌న్న‌డ బిగ్‌బాస్ హౌజ్‌లోకి అడుగుపెట్టి అభిమానుల‌ను స‌ర్‌ప్రైజ్ చేసింది. క‌న్న‌డ బిగ్‌బాస్ 11వ సీజ‌న్‌లోకి వైల్డ్ కార్డ్ ద్వారా ఎంట్రీ ఇచ్చిన ఫ‌స్ట్ కంటెస్టెంట్‌గా శోభాశెట్టి నిలిచింది. సండే ఎపిసోడ్‌లో బిగ్‌బాస్ స్టేజ్‌పై శోభా శెట్టికి హోస్ట్ కిచ్చా సుదీప్ ఇచ్చిన ఎలివేష‌న్లు, ఆమె గురించి చెప్పిన డైలాగ్స్ సోష‌ల్ మీడియాలో వైర‌ల్ అవుతోన్నాయి. తాను హౌజ్‌లో అడుగుపెట్టిన త‌ర్వాత ఎంట‌ర్‌టైన్‌మెంట్‌కు కొద‌వ ఉండ‌ద‌ని సుదీప్‌తో శోభితా శెట్టి చెప్పింది.

బిగ్‌బాస్ తెలుగు సీజ‌న్ 7లో...

శోభాశెట్టి బిగ్‌బాస్ షోలో పాల్గొన‌డం ఇది రెండోసారి. తెలుగు బిగ్‌బాస్ సీజ‌న్ 7లోకి కంటెస్టెంట్‌గా ఎంట్రీ ఇచ్చిన శోభాశెట్టి ఫైన‌ల్ చేరుకున్న‌ది. విన్న‌ర్ ప‌ల్ల‌వి ప్ర‌శాంత్‌తో పాటు అమ‌ర్‌దీప్‌, శివాజీ పాపులారిటీని త‌ట్టుకుంటూ చివ‌రి వ‌ర‌కు టైటిల్ కోసం పోరాడింది. అనూహ్యంగా 98వ రోజు ఎలిమినేట్ అయ్యింది.

బిగ్‌బాస్ సీజ‌న్ 7 ఆమెకు మంచి గుర్తింపును తెచ్చిపెట్టింది. తెలుగు బిగ్‌బాస్ అనుభ‌వం క‌న్న‌డ షోకు హెల్ప్ అవుతుంద‌ని శోభా శెట్టి ఫ్యాన్స్ చెబుతున్నారు.

కార్తీక దీపం 2లో...

కార్తీక దీపం 2లో శోభా శెట్టి న‌టించాల్సింది. జ్యోత్స పాత్ర‌లో శోభాశెట్టిని తీసుకోవాల‌ని మేక‌ర్స్ ఫిక్స‌య్యారు. కానీ బిగ్‌బాస్ తెలుగు కార‌ణంగానే కార్తీక దీపం 2 సీరియ‌ల్‌ను మిస్ చేసుకున్న‌ది. ఈ విష‌యాన్ని శోభా శెట్టి స్వ‌యంగా వెల్ల‌డించింది.

డాక్ట‌ర్ బాబు త‌మ్ముడితో...

బిగ్‌బాస్ సీజ‌న్ 7లో త‌న ప్రియుడిని తెలుగు ప్రేక్ష‌కుల‌కు ప‌రిచ‌యం చేసింది శోభాశెట్టి. కార్తీక దీపం సీరియ‌ల్‌లో డాక్ట‌ర్ బాబు త‌మ్ముడిగా న‌టించిన ఆదిత్య అలియాస్ య‌శ్వంత్ రెడ్డిని తాను ప్రేమిస్తోన్న‌ట్లు చెప్పింది శోభా శెట్టి. ఆదిత్య‌, శోభాశెట్టి క‌లిసి బుజ్జి బంగారం అనే సినిమా కూడా చేశారు.

అష్టా చ‌మ్మా సీరియ‌ల్‌

తెలుగులో కార్తీక దీపంతో పాటు అష్టాచ‌మ్మా సీరియ‌ల్స్ చేసింది శోభాశెట్టి. క‌న్న‌డంలో రుక్కు, కావేరితో పాలు ప‌దికిపైగా సీరియ‌ల్స్‌లో లీడ్ రోల్స్‌చేసింది. అంజ‌ని పుత్ర‌, హ‌రీషా వ‌య‌సు 36తో పాటు మ‌రికొన్ని క‌న్న‌డ సినిమాల్లో డిఫ‌రెంట్ క్యారెక్ట‌ర్స్ చేసింది.