Bigg Boss Voting: ఈ వీక్ నో ఎలిమినేష‌న్‌ - అంద‌రూ సేఫ్ - బిగ్‌బాస్ ట్విస్ట్‌

Bigg Boss Voting: ఈ వీక్ బిగ్‌బాస్ తెలుగు నుంచి ఎవ‌రూ ఎలిమినేట్ అవుతార‌న్న‌ది ఆస‌క్తిక‌రంగా మారింది. అవినాష్‌, టేస్టీ తేజ‌ల‌లో ఒక‌రు హౌజ్ నుంచి ఎలిమినేట్ అయ్యే అవ‌కాశం ఉన్న‌ట్లు ప్ర‌చారం జ‌రిగింది. కానీ సండే ఎపిసోడ్‌లో బిగ్‌బాస్ ట్విస్ట్ ఇవ్వ‌బోతున్న‌ట్లు స‌మాచారం. ఈ వీక్ ఎలిమినేష‌న్ అన్న‌ది లేకుండా అంద‌రిని సేవ్ చేయ‌నున్న‌ట్లు ప్రోమో చూస్తుంటే తెలుస్తోంది.

నామినేష‌న్స్‌లో ఉన్న‌ది వీళ్లే...

ఈ వారం నామినేష‌న్స్‌లో య‌ష్మి, టేస్టీ తేజ‌, అవినాష్, పృథ్వీ, గౌత‌మ్‌, విష్ణుప్రియ ఉన్నారు. శ‌నివారం ఎపిసోడ్‌లో ఇప్ప‌టికే పృథ్వీ, గౌత‌మ్ సేఫ్ అయ్యారు. నామినేష‌న్స్ ఓటింగ్‌లో గౌత‌మ్ టాప్‌లో నిల‌వ‌గా...పృథ్వీ సెకండ్ ప్లేస్‌లో ఉన్నాడు. వీరిద్ద‌రి త‌ర్వాత విష్ణుప్రియ‌, య‌ష్మి మూడు, నాలుగు స్థానాల్లో ఉన్న‌ట్లు స‌మాచారం. ఆదివారం నాటి ఎపిసోడ్‌లో య‌ష్మి, విష్ణు సేవ్ కానున్న‌ట్లు తెలుస్తోంది.

టేస్టీ తేజ వ‌ర్సెస్ అవినాష్...

చివ‌ర‌గా నామినేష‌న్స్‌లో టేస్టీ తేజ‌, అవినాష్ నిలిచారు. ఈ ఇద్ద‌రిలో ఒక‌రు హౌజ్ నుంచి ఎలిమినేట్ కానున్న‌ట్లు నాగార్జున ప్ర‌క‌టించారు. ఈ వారం ఇద్ద‌రిలో ఎవ‌రినైనా కాపాడ‌టానికి నీ ద‌గ్గ‌ర ఉన్న ఎవిక్ష‌న్ షీల్డ్ పాస్‌ను వాడుతావా? త‌ర్వాత వాడుతావా అని న‌బీల్‌ను నాగార్జున అడిగాడు. ఎవిక్ష‌న్ షీల్డ్‌ను వాడుదామ‌ని అనుకుంటున్న‌ట్లు న‌బీల్ చెప్పాడు. నీకు ఎనిమిది సెకండ్లు టైమ్ ఇస్తున్నా..ఈ లోపు ఆలోచించుకోమ‌ని నాగార్జున అడ‌గ్గా...న‌బీల్ మౌనంగా ఉండ‌టం...తేజ షాకైపోయి త‌ల‌ప‌ట్టుకున్న‌ట్లుగా ప్రోమోలో చూపించారు.

అవినాష్ సేఫ్...

ఈ ఇద్ద‌రిలో టేస్టీ తేజ కంటే ఆవినాష్‌కు ఓటింగ్ త‌క్కువ ఉండ‌టంతో అత‌డు ఎలిమినేట్ కాబోతున్న‌ట్లు స‌మాచారం. టేస్టీ తేజ‌ను సేఫ్ చేసిన నాగార్జున అవినాష్ హౌజ్ నుంచి పంపించ‌బోతున్న‌ట్లు ప్ర‌క‌టించ‌నున్న‌ట్లు తెలుస్తోంది. అయితే ఆవినాష్ కోసం న‌బీల్ త‌న ఎవిక్ష‌న్ ఫ్రీ షీల్డ్ పాస్‌ను ఉప‌యోగించ‌బోతున్న‌ట్లు స‌మాచారం.

బిగ్‌బాస్ విన్న‌ర్ , ర‌న్న‌ర‌ప్…

సండే ఎపిసోడ్‌లో య‌ష్మి, టేస్టీతేజ‌, అవినాష్, నిఖిల్ పేరెంట్స్ క‌నిపించ‌బోతున్నారు. వారితో పాటు బిగ్‌బాస్ సీజ‌న్ 5 విన్న‌ర్ వీజే స‌న్నీ, బిగ్‌బాస్ సీజ‌న్ 7 ర‌న్న‌ర‌ప్ అమ‌ర్‌దీప్ కూడా సండే ఎపిసోడ్‌కు గెస్ట్‌లుగా రానున్నారు. వీరితో పాటు కోన వెంక‌ట్‌తో పాటు మ‌రికొంద‌రు సెల‌బ్రిటీలు సెండే ఎపిసోడ్‌లో సంద‌డి చేయ‌నున్న‌ట్లు తెలుస్తోంది.