Kalki 2898 AD Box Office: ఒక్కరోజులో 32.47 శాతం పెరిగిన కల్కి 2898 ఏడీ కలెక్షన్స్- టార్గెట్‌గా బాహుబలి 2 రికార్డ్

Kalki 2898 AD Box Office Collection: రెబల్ స్టార్ ప్రభాస్ నటించిన కల్కి 2898 ఏడీ సినిమా బాక్సాఫీస్ వద్ద ఇంకా సత్తా చాటుతోంది. కల్కి విడుదలై 20 రోజులు అవుతోన్న కలెక్షన్ల పరంగా దుమ్ములేపుతోంది. పోటీగా ఇతర పాన్ ఇండియా సినిమాలు వచ్చినప్పటికీ వాటిని పక్కన పెట్టి తన క్రేజ్ ఏంటో నిరూపించుకున్నాడు డార్లింగ్ ప్రభాస్.

20వ రోజు కలెక్షన్స్

నాగ్ అశ్విన్ తెరకెక్కించిన కల్కి 2898 ఏడీ సినిమాకు 20వ రోజున అంటే మంగళవారం నాడు దేశవ్యాప్తంగా రూ. 5.21 కోట్ల ఇండియా నెట్ కలెక్షన్లను సాధించింది. వీటిలో తెలుగు నుంచి 1.4 కోట్లు ఉండగా.. తమిళం నుంచి 25 లక్షలు, హిందీ నుంచి 3.1 కోట్లు, కర్ణాటక నుంచి 5 లక్షలు, మలయాళం నుంచి 3 లక్షలుగా వసూళ్లు ఉన్నాయి.

32.47 శాతం పెరుగుదల

అయితే ఈ కలెక్షన్స్ 19వ రోజు వసూళ్లతో పోలిస్తే ఎక్కువగా ఉన్నాయి. 19వ రోజు అయిన సోమవారం నాడు కల్కి సినిమాకు రూ. 3.85 కలెక్షన్స్ వచ్చాయి. 20వ రోజున వచ్చినదాంతో చూస్తే రూ. 1.36 కోట్లు ఎక్కువగా వచ్చినట్లు తెలుస్తోంది. అలాగే ఒక్క రోజులోనే 32.47 శాతం పెరిగాయి. వీక్ డేస్ అయిన సోమవారం, మంగళవారం కూడా మంచి వసూళ్లు సాధించిన కల్కితో ప్రభాస్ క్రేజ్ ఏంటో అర్థం చేసుకోవచ్చు.

వీక్ డేస్‌లో కూడా

చాలా వరకు స్టార్ హీరోలు మండే టెస్ట్ పాస్ కారు. అలాంటిది మూడో వారం మండే టెస్ట్ పాస్ అవడమే కాకుండా దానికిమించి మూడో మంగళవారం ఎక్కువ కలెక్షన్స్ రాబట్టడం విశేషంగా చెప్పుకోవచ్చు. ఇక కల్కి 2898 ఏడీ సినిమాకు ఇండియా వైడ్‌గా 20 రోజుల్లో తెలుగు, తమిళం, హిందీ, మలయాళ, కన్నడ భాషల్లో కలిపి మొత్తం రూ. 589.1 కలెక్షన్స్ సాధించింది.

1050 కోట్ల గ్రాస్ కలెక్షన్స్

వీటిలో భాషల వారీగా చూస్తే.. తెలుగు నుంచి రూ. 268.15 కోట్లు, తమిళం నుంచి 33.55 కోట్లు, హిందీ బెల్ట్ నుంచి రూ. 260.1 కోట్లు, కన్నడ వెర్షన్ నుంచి 5.1 కోట్లు, మలయాళం నుంచి రూ. 22.2 కోట్లుగా లెక్కలు ఉన్నాయి. ఇప్పటికే వరల్డ్ వైడ్‌గా వెయ్యి కోట్ల గ్రాస్ మార్క్ దాటిన కల్కి సినిమా ఈ వారంలో 1050 కోట్ల వరకు కలెక్ట్ చేసే అవకాశం ఉందని ట్రేడ్ వర్గాలు అంచనా వేస్తున్నాయి.

ఇక బాహుబలి 2 టార్గెట్

అలాగే నార్త్ అమెరికాలో 2 రోజల క్రితం 17.45 మిలియన్ డాలర్స్ చేరుకున్న కల్కి షారుక్ ఖాన్ పఠాన్ రికార్డ్ బ్రేక్ చేసింది. ఇక 20.77 మిలియన్ డాలర్స్ సాధించిన బాహుబలి 2 రికార్డ్ ఒక్కటే కల్కి బ్రేక్ చేయాల్సి ఉందని సినీ విశ్లేషకులు చెబుతున్నారు.

కల్కి 2898 ఏడీ లాభాలు

కాగా రూ. 372 కోట్ల బ్రేక్ ఈవెన్ టార్గెట్‌తో బరిలోకి దిగిన కల్కి సినిమా దాన్ని చేరుకోవడంతోపాటు సినీ నిర్మాతకు రూ. 130 కోట్ల వరకు లాభాలు తెచ్చిపెట్టింది. దీంతో కల్కి బ్లాక్ బస్టర్ హిట్ స్టేటస్ సొంతం చేసుకుంది.