Viswambhara: రామ్‌చ‌ర‌ణ్ కోస‌మే విశ్వంభ‌ర సినిమాను పోస్ట్‌పోన్ చేశాం - ప్రొడ్యూస‌ర్ ఇంట్రెస్టింగ్ కామెంట్స్‌

Viswambhara: సంక్రాంతి రేసు నుంచి చిరంజీవి విశ్వంభ‌ర మూవీ త‌ప్పుకుంది. విశ్వంభ‌ర స్థానంలో రామ్‌చ‌ర‌ణ్ గేమ్ ఛేంజ‌ర్ పండుగకు ప్రేక్ష‌కుల ముందుకు రాబోతోంది. విశ్వంభ‌ర పోస్ట్‌పోన్‌పై టీజ‌ర్ లాంఛ్ ఈవెంట్‌లో ప్రొడ్యూస‌ర్ విక్ర‌మ్ ఆస‌క్తిక‌ర కామెంట్స్ చేశాడు. విశ్వంభ‌ర షూటింగ్ పూర్త‌యింద‌ని, కానీ రామ్‌చ‌ర‌ణ్ కోస‌మే సంక్రాంతికి రిలీజ్ కావాల్సిన ఈ సినిమాను వాయిదావేశామ‌ని నిర్మాత విక్ర‌మ్, ద‌ర్శ‌కుడు వ‌శిష్ట అన్నారు.

గేమ్ ఛేంజ‌ర్ కోస‌మే...

సంక్రాంతికే విశ్వంభ‌ర‌ను రిలీజ్ చేయాల‌ని అనుకున్నాం. పండుగ‌కు రాబోతున్న‌ట్లు అఫీషియ‌ల్‌గా అనౌన్స్‌చేశాం. కానీ రామ్‌చ‌ర‌ణ్ గేమ్ ఛేంజ‌ర్ సినిమా రిలీజ్‌కు రెడీ ఉంది. చ‌ర‌ణ్, దిల్‌రాజు కోసం చిరంజీవితో మాట్లాడి విశ్వంభ‌ర‌ను వాయిదావేశాం అని ద‌ర్శ‌కుడు అన్నారు.

చిరంజీవి నిర్ణ‌యం...

విశ్వంభ‌ర మూవీని పోస్ట్‌పోన్ చేయాల‌నే నిర్ణ‌యం చిరంజీవిదేన‌ని నిర్మాత విక్ర‌మ్ అన్నాడు. గేమ్ ఛేంజ‌ర్‌కు సంక్రాంతి మంచి డేట్ అవుతుంద‌ని అనుకున్నాం. భారీ బ‌డ్జెట్ సినిమాల మ‌ధ్య కొంత గ్యాప్ ఉండాల‌నే చిరంజీవి ఈ నిర్ణ‌యాన్ని తీసుకున్న‌ట్లు ప్రొడ్యూస‌ర్ చెప్పాడు.

ఓ సాంగ్ మాత్ర‌మే...

విశ్వంభ‌ర టాకీపార్ట్ మొత్తం కంప్లీట్ అయ్యింద‌ని, ఓ సాంగ్ షూట్ మాత్ర‌మే బ్యాలెన్స్‌గా మిగిలివుంద‌ని డైరెక్ట‌ర్ అన్నాడు. కంప్లీట్ ఫిక్ష‌న‌ల్ స్టోరీతో ఫాంట‌సీ యాక్ష‌న్ ఎంట‌ర్‌టైన‌ర్‌గా విశ్వంభ‌ర మూవీని తెర‌కెక్కిస్తోన్న‌ట్లు డైరెక్ట‌ర్ తెలిపాడు.. సినిమాలో ఐదు పాట‌లు ఉంటాయ‌ని చెప్పాడు.

త్రిష అందంగా ఉంది...

ఈ సినిమాలో చిరంజీవితో త్రిష కెమిస్ట్రీ బాగుంటుంద‌ని కెమెరామెన్ ఛోటా కే నాయుడు అన్నారు. త్రిష ఈ మ‌ధ్య చూడ‌గానే బాగుంటుంద‌ని, అప్ప‌టి కంటే ఇప్పుడే త్రిష అందంగా క‌నిపిస్తోంద‌ని ఛోటా కే నాయుడు తెలిపాడు.

జ‌గ‌దేక వీరుడు అతిలోక సుంద‌రి...

విశ్వంభ‌ర ట్రైల‌ర్ సోష‌ల్ మీడియాలో ట్రెండింగ్‌గా మారింది. టీజ‌ర్‌లోని ఫాంట‌సీ, గ్రాఫిక్స్ అంశాల‌తో పాటు చిరంజీవిపై తెర‌కెక్కించిన యాక్ష‌న్ ఎపిసోడ్స్ అభిమానుల‌ను ఆక‌ట్టుకుంటున్నాయి. సంక్రాంతికి వాయిదాప‌డిన విశ్వంభ‌ర మూవీని మే 9న రిలీజ్ చేసే అవ‌కాశం ఉంద‌ని అంటున్నారు. మే 9న చిరంజీవి జ‌గ‌దేక‌రుడు అతిలోక సుంద‌రి రిలీజైంది. ఇండ‌స్ట్రీ హిట్‌గా నిలిచింది. ఆ సెంటిమెంట్‌ను కంటిన్యూ చేయాల‌నే ఆలోచ‌న‌లో ప్రొడ్యూస‌ర్లు ఉన్న‌ట్లు స‌మాచారం.

వంద కోట్ల బ‌డ్జెట్‌...

విశ్వంభ‌ర మూవీని దాదాపు 100 కోట్ల బ‌డ్జెట్‌తో యూవీ క్రియేష‌న్స్ సంస్థ ప్రొడ్యూస్ చేస్తోంది. ఈ సినిమాలో చిరంజీవివి జోడీగా త్రిష హీరోయిన్‌గా న‌టిస్తోంది. ఆషికా రంగ‌నాథ్‌, మీనాక్షి చౌద‌రి కీల‌క పాత్ర‌ల్లో క‌నిపించ‌బోతున్నారు. కీర‌వాణి మ్యూజిక్ అందిస్తున్నాడు.

స్టాలిన్ త‌ర్వాత‌...

గ‌తంలో 2006లో చిరంజీవి హీరోగా మురుగ‌దాస్ ద‌ర్శ‌క‌త్వంలో రూపొందిన‌ స్టాలిన్ సినిమాలో చిరంజీవి స‌ర‌స‌న త్రిష హీరోయిన్‌గా న‌టించింది. దాదాపు ప‌ద్దెనిమిదేళ్ల గ్యాప్ విశ్వంభ‌ర మూవీ కోసం మ‌ళ్లీ చిరంజీవి, త్రిష జోడీక‌ట్ట‌బోతుండ‌టం గ‌మ‌నార్హం. ఆచార్య‌లో త్రిష‌ను హీరోయిన్‌గా అనుకున్నారు. అధికారికంగా ఆమె పేరును ప్ర‌క‌టించారు. షూటింగ్ ప్రారంభానికి కొద్ది రోజుల ముందు క్రియేటివ్ డిఫ‌రెన్సెస్ కార‌ణంగా ఆచార్య నుంచి త‌ప్పుకుంటున్న‌ట్లు త్రిష అనౌన్స్‌చేసింది. త్రిష ప్ర‌క‌ట‌న అప్ప‌ట్లో హాట్‌టాపిక్‌గా మారింది