Bigg Boss Nagarjuna: ఇప్పుడు కవరింగ్ వద్దు.. నాతో గేమ్స్ ఆడొద్దు మణికంఠ.. ఒక్కొక్కరికి ఇచ్చిపడేసిన నాగార్జున (వీడియో)

Bigg Boss 8 Telugu Today Episode Highlights: బిగ్ బాస్ తెలుగు 8 కంటెస్టెంట్స్‌లకు తాజాగా ఒక్కొక్కరికి గట్టిగా ఇచ్చిపడేశాడు హోస్ట్ నాగార్జున. వారంలో కంటెస్టెంట్స్ ఆడిన ఆటను రివ్యూ చేస్తూ సలహాలు, వార్నింగ్‌లు నాగార్జున ఇస్తాడన్న విషయం తెలిసిందే. అమ్మాయిలతో కాస్తా మెతగ్గా మాట్లాడే నాగ్ ఈసారి ప్రతి ఒక్కరి దుమ్ము దులిపాడు.

రైజింగ్ స్టార్స్-ఫాలింగ్ స్టార్స్

బిగ్ బాస్ 8 తెలుగు అక్టోబర్ 12వ తేది ఎపిసోడ్ ప్రోమోలోకి వెళితే.. స్టేజీపై ఉన్న బోర్డ్‌పై రైజింగ్ స్టార్, ఫాలింగ్ స్టార్ రాసి ఉంది. అందులో ఫాలింగ్ స్టార్‌లో నబీల్, విష్ణుప్రియ, గౌతమ్, టేస్టీ తేజ ఫొటోలు పెట్టాడు హోస్ట్ నాగార్జున. రైజింగ్ స్టార్‌లో మెహబూబ్, మణికంఠ, హరితేజ, అవినాష్, గంగవ్వ ఫొటోలు ఉన్నాయి.

నువ్ ఫాలింగ్ స్టార్‌లో ఉన్నావ్ అని గౌతమ్‌తో అన్నాడు నాగార్జున. "ఎప్పుడో ఎవడో ట్రోలింగ్ చేశాడు. దాని గురించి ఇప్పుడెందుకు ఆలోచించడము.. బాధపడటము. అశ్వద్ధామ 2.0 అన్నది నువ్ పెట్టుకున్నదా.. లేకపోతే మేము ఇచ్చిందా" అని నాగార్జున ప్రశ్నించాడు. దాంతో గౌతమ్ ఏం మాట్లాడలేకపోయాడు. టేస్టీ తేజ గురించి అడిగాడు నాగ్.

తేజ వీడియో బయటకు

"హండ్రెడ్ పర్సంట్ అయితే నేను ఇచ్చాను సార్" అని తేజ చెప్పుకున్నాడు. "హండ్రెడ్ పర్సంట్ దేంట్లో ఇచ్చావ్ బండ బూతుల్లోనా" అని నయనిని తేజ అన్నది గుర్తు చేశాడు నాగార్జున. దానికి తేజ "అది నేను రియలైజ్ అయి ఇమిడియట్‌గా వెళ్లి సారీ చెప్పాను సార్" అని అన్నాడు. "నువ్ అది ఏ టోన్‌లో అన్నావో చూపిస్తా" అని తేజ అన్నది వీడియో చూపించారు.

"కావాలని నయనిని ఇది చేయాలని నేను అలా అనలేదు" అని తేజ వివరణ ఇచ్చుకున్నాడు. "ఇదే కాదు. ఇంకొక పెద్ద మిస్టేక్ కూడా చేశావ్" అని నాగార్జున అంటే.. తేజ తల పట్టుకున్నాడు. "రోహిణి.. నీకు మణికంఠ బచ్చాలా కనపడుతున్నాడా. అంటే తన క్యాలిబర్‌ను నువ్ ఇన్సల్ట్ చేశావ్ అనుకున్నాడు" అని నాగార్జున అన్నాడు.

డోంట్ ప్లే గేమ్స్ విత్ మి

దానికి వెంటనే.. "అమ్మో అంత పెద్ద మాట అనలేదు సార్" అని మణికంఠ షాక్ అయ్యాడు. "ఫీల్ అయ్యావు అని చెప్పాను. ఇప్పుడు కవరింగ్ వద్దు అంటున్నాను. డోంట్ ప్లే గేమ్స్ విత్ మి" అని నాగార్జున సింపుల్‌గా చెప్పిన గట్టిగానే వార్నింగ్ ఇచ్చాడు. తర్వాత విష్ణుప్రియను "నీకు ఎన్ని నామినేషన్స్ వచ్చాయి. అన్ని నామినేషన్స్‌లో కామన్ పాయింట్ ఏంటీ" అని అడిగాడు నాగార్జున.

"నా గేమ్ డౌన్ అయిపోయిందని" అని విష్ణు అంది. "నీ గేమ్‌ను నువ్ సీరియస్‌గా తీసుకోకపోతే ఆడియెన్స్ కూడా నిన్ను సీరియస్‌గా తీసుకోరు" అని నాగార్జున హింట్ ఇచ్చాడు. "హరితేజ నువ్ చెప్పిన చిన్న సైజు గ్రూపిజంలో విష్ణు కూడా భాగమా. ఆ గ్రూపులో ఎంతమంది ఉన్నారు" అని నాగ్ అడిగితే.. "ముగ్గురు" అని హరితేజ రిప్లై ఇచ్చింది.

నువ్ గుర్తుపెట్టుకోవాలి

"నీకు గౌతమ్‌కు ఇష్యూ ఉంది మాట్లాడుకున్నావా" అని నబీల్‌ను అడిగాడు నాగ్. దానికి "లెటర్ తీసుకొచ్చిన ప్రతిసారీ నువ్ తీసుకొని చదవడం నాకు నచ్చలేదు గౌతమ్" అని నబీల్ చెప్పాడు. "నబీల్ నీకు ఎవరితో ప్రాబ్లమ్‌ ఉంటే డైరెక్ట్‌గా వాళ్లతో మాట్లాడాలి. అంతేగానీ వాళ్లదగ్గరికి వెళ్లి వీళ్ల దగ్గరికి వెళ్లి చెప్పి లాభం ఏంటీ. నువ్ మెగా చీఫ్ అని గుర్తుపెట్టుకోవాలి" అని నాగార్జున అన్నాడు.