Bigg Boss Shobha Shetty: శోభా శెట్టికి పళ్లు తోమిన తేజ.. స్నానం చేయిస్తానంటూ.. ఎత్తుకుని మరి బాత్రూమ్‌లోకి!

Bigg Boss 7 Telugu October 31st Episode: బిగ్ బాస్‌లో ఎప్పుడూ ఏం జరుగుతుందో ఎవరు ఊహించరు. అలాంటివి ఎన్నో జరుగుతాయి. తాజాగా బిగ్ బాస్ 7 తెలుగు అక్టోబర్ 31వ తేది ఎపిసోడ్‌లోనూ జరిగింది. శోభా శెట్టితో టేస్టీ తేజ ఎలా ఉంటాడో తెలిసిందే. ఆమె ఎంతలా అరిచినా, గొడవ చేసిన అదేం పట్టించుకోకుండా వెళ్లి స్వీటుగా మాట్లాడుతుంటాడు. అయితే, తాజాగా హౌజ్‌లో మగవాళ్లకు బిగ్ బాస్ ఓ టాస్క్ ఇచ్చాడు.

కెప్టెన్‌గా గౌతమ్ బాధ్యతలు తీసుకున్నాక.. ఈ వారం మొత్తం అమ్మాయిలు రెస్ట్ తీసుకోవాలని, అబ్బాయిలు మాత్రమే అన్ని పనులు చూసుకోవాలని చెప్పిన విషయం తెలిసిందే. దానికి అంగీకరించిన బిగ్ బాస్ అమ్మాయిలను అబ్బాయిలు మహారాణుల్లా చూసుకోవాలని, వారికి ప్రేమగా బ్రేక్ ఫాస్ట్ చేసి తినిపించాలని బజర్ నుంచి మరో బజర్ వరకు టైమ్ ఇచ్చాడు. దీంతో శోభా శెట్టి రెచ్చిపోయింది. ఏకంగా టేస్టీ తేజతో పళ్లు తోమించుకుంది.

ముందు కాదని గొడవ చేసిన టేస్టీ తేజ తర్వాత శోభాకు పళ్లు తోమాడు. అది కూడా శోభాను ఎత్తుకుని మరి బాత్రూమ్‌లోకి తీసుకెళ్లి ఆ పని కానించాడు. "భార్యకు హెల్త్ బాలేకపోతే భర్త ఏం చేస్తాడు. అన్నీ చేస్తాడు కదా. నాకు కూడా చేయ్" అని శోభా అంది. దీంతో "భర్త అన్నావ్ కదా. అది చాలు. మా పెళ్లికి మీరు కూడా రావాలి బిగ్ బాస్" అని శోభాకు పళ్లు తోమడం స్టార్ట్ చేశాడు. అంతేకాకుండా.. "బజర్ కాస్తా లేటుగా కొట్టండి బిగ్ బాస్. పనిలో పని శోభాకు పళ్లు తోమించడమే కాదు.. స్నానం కూడా చేయిస్తా" అని తేజ అన్నాడు.

ఇలా హౌజ్‌లో శోభా రెచ్చిపోతే.. దానికి మరింతగా ఎంకరేజ్ చేశాడు టేస్టీ తేజ. అసలే శోభా హౌజ్‌లో క్వీన్ ఎలిజబెత్‌లా ఫీల్ అవుతుందని (ఆల్రెడీ అర్జున్ అదే మాట అన్నాడు) హౌజ్‌మేట్స్ టాక్. అలాంటి శోభాకు బిగ్ బాస్ ఇచ్చిన టాస్క్ మరింత ఓవర్ చేసేలా పరిస్థితి కల్పించాడు. అది చూసిన జనం సర్లే.. సర్లే.. అని అనుకోవడం అయింది.