Actor Sivaji: బిగ్ బాస్ తర్వాత రాజకీయాల్లోకి హీరో శివాజీ.. ఎమ్మెల్యేగా పోటీ.. అసలు ప్లాన్ ఇదేనా?
Bigg Boss 7 Telugu Sivaji: బిగ్ బాస్ 7 తెలుగు సీజన్‌లో టాప్ కంటెస్టెంట్‌గా శివాజీ దూసుకుపోతున్నాడు. అయితే ఆయన బిగ్ బాస్ తర్వాత రాజకీయాల్లోకి ప్రత్యక్షంగా అడుగుపెట్టనున్నారని టాక్ వినిపిస్తోంది. దానికి సంబంధించిన పూర్తి వివరాల్లోకి వెళితే..
బిగ్ బాస్ 7 తెలుగు సీజన్‌లోకి సాదా సీదాగానే ఎంట్రీ ఇచ్చాడు హీరో శివాజీ. అసలు ఆట ఎలా ఆడుతాడో అనుకున్నవాళ్లందరు ఆశ్చర్యపోయేలా తన గేమ్ మొదలు పెట్టాడు శివాజీ. సాధారణంగా హౌజ్‌లో బిగ్ బాస్ చెప్పిందే వేదం. ఆయనకు అంతా భయపడతారు. కానీ, శివాజీ మాత్రం బిగ్ బాస్‌నే ఎదిరించి మాట్లాడుతాడు. అంతేకాకుండా టాస్కులు, ఎంటర్టైన్మెంట్ పేరుతో బిగ్ బాస్‌ను బూతులు తిట్టిన సందర్భాలు సైతం ఉన్నాయి.
ఇక శివాజీ ఆటకు తెలుగు ప్రేక్షకులు అట్రాక్ట్ అయ్యారు. శివాజీ నామినేషన్లలో ఉంటే చాలు.. ఓటింగ్‌లో అతనిదే టాప్ ప్లేస్. బిగ్ బాస్ 7 తెలుగు సీజన్ టైటిల్ ఫేవరేట్‌గా దూసుకుపోతున్న శివాజీ షోకి రావడానికి ప్రధానం కారణం వేరే ఉందని టాక్ వస్తోంది. శివాజీ బిగ్ బాస్‌లోకి వెళ్లింది టైటిల్ కోసమో, లేదంటే దానివల్ల వచ్చే రూ. 50 లక్షల ప్రైజ్ మనీ కోసమో కాదట. శివాజీ కొత్తగా ఆపరేషన్ నరసరావు పేట మొదలు పెట్టాడని వినికిడి.
తన సొంత నియోజకవర్గమైన నరసరావుపేట నుంచి ఎమ్మెల్యేగా శివాజీ పోటీ చేయనున్నాడని రూమర్స్ వస్తున్నాయి. బిగ్ బాస్ తర్వాత ప్రత్యక్షంగా రాజకీయాల్లోకి అడుగు పెట్టనున్నాడట. ఈ బిగ్ బాస్ ద్వారా తెలుగు ఆడియెన్స్ కు బాగా దగ్గరై, మంచి పేరుతో బయటకు రావాలన్నది శివాజీ స్కెచ్ అని సమాచారం. అందుకే, హౌజ్‌లో కూడా జనాలకు నచ్చితే చాలు, వాళ్లకు నచ్చేలా ఆడాలి అని శివాజీ ఎప్పుడూ అంటుంటారని వీడియోల ద్వారా గుర్తు చేస్తున్నారు నెటిజన్స్.
శివాజీ టీడీపీ పార్టీ తరఫున నరసరావుపేట ఎమ్మెల్యే అభ్యర్థిగా పోటీ చేస్తారని టాక్ వస్తోన్న టికెట్ ఇచ్చే అవకాశం ఉందా లేదా అనే అనుమానాలు తలెత్తుతున్నాయి. ఇదిలా ఉంటే, బిగ్ బాస్ షోలోకి వెళ్లడానికి ముందు తనకు రాజకీయాలు, ఎలాంటి పదవులపై ఆసక్తి లేదని, సినిమాలను మించి క్రేజ్, డబ్బు ఉందా, సినిమాలకు మించి రాజకీయాల్లో ఏం సంపాదిస్తాను అని శివాజీ అన్నట్లు తెలుస్తోంది.
