Shobha Shetty Dating: శోభా శెట్టితో కమెడియన్ డేటింగ్.. ఒళ్లో కూర్చోబెట్టుకుని మరి రొమాన్స్

Bigg Boss 7 Telugu October 14th Episode: తెలుగు పాపులర్ రియాలిటీ షో బిగ్ బాస్ తెలుగు 7 సీజన్‍ 2.0 అంటూ మరింత జోరుగా సాగుతోంది. 2.0తో ఐదుగురు కొత్త కంటెస్టెంట్స్ ఎంట్రీ ఇస్తే.. అంతకుముందు ఉన్న పాత సభ్యులు తమకంటూ ప్రత్యేకమైన ఇమేజ్ క్రియేట్ చేసుకున్నారు. వారిలో ఒకరే కార్తీక దీపం సీరియల్ విలన్ శోభా శెట్టి. సెప్టెంబర్ 3న హోజ్‌లోకి అడుగు పెట్టిన ఈ ఫిట్‌నెస్ బ్యూటి తనదైన ఆట తీరుతో ముందుకు సాగుతోంది.

అతనితో క్లోజ్‌గా

బిగ్ బాస్ హౌజ్‌లో ఫిజికల్ టాస్కులు ఆడుతూనే అప్పుడప్పుడు స్ట్రాటజీస్ అంటూ కన్నింగ్ గేమ్ ప్లే చేస్తుంది శోభా శెట్టి. ఇక మేకప్ కోసం ఎక్కువ సమయం కేటాయించే శోభా శెట్టి తొందరగా ఇతరులపై అరుస్తుంది. నామినేషన్లలో తను చెప్పే పాయింట్స్ మంచివి ఇతరులు చెప్పేవి సిల్లీవి అంటూ నోరేసుకుని మీద పడిపోతుంది. అయితే శోభా శెట్టి ఎక్కువగా జబర్దస్త్ కమెడియన్ టేస్టీ తేజతో క్లోజ్‌గా ఉంటుందన్న విషయం తెలిసిందే.

పెదాలను కనిపెట్టే టాస్క్

బిగ్ బాస్ 7 తెలుగు అక్టోబర్ 14వ తేది ఎపిసోడ్‌లో (Bigg Boss 7 Telugu Day 41 Highlights) క్లోజప్ స్పాన్సర్‌షిప్ టాస్క్ జరిగింది. అమ్మాయిలు ఒక క్లాత్‌పై పెదాలతో ముద్దు పెడతారు. ఆ పెదాలు ఎవరివో అబ్బాయిలు కనిపెడితే వారితో డిన్నర్ డేటింగ్ చేసే అవకాశం కల్పించే టాస్క్ ఇచ్చారు. వారిలో ప్రియాంక పెదాలను అమర్, శోభా శెట్టి లిప్స్ ను తేజ కనిపెట్టి చెప్పాడు. ఆ టాస్కుకు సంచాలక్‌గా ఉన్న శివాజీ.. ఈ పెదాలు ఎవరివో ఉబ్బి ఉన్నాయేంటీ అని తేజ చెప్పిన ఆన్సర్ నచ్చిందని అతన్ని విన్నర్‌గా ప్రకటించాడు.

నన్ను భరిస్తావ్

టాస్క్ గెలవడంతో శోభాతో తేజ డిన్నర్ డేటింగ్‌కు రెడీ అయ్యాడు. వారికోసం బ్యూటిఫుల్ అండ్ రొమాంటిక్‌గా డిన్నర్ డైనింగ్ టేబుల్, రూమ్ ఏర్పాటు చేశారు. ఒక ఫ్రెండ్‌గా శోభాకు లవ్ ప్రపోజ్ చేశాడు తేజ. దాన్ని ఫ్రెండ్‌లాగానే శోభా సైతం యాక్సెప్ట్ చేసింది. నువ్ చాలా అమెజింగ్. చాలా బాగా నవ్విస్తావ్. అప్పుడప్పుడు కోప్పడతావ్. అన్నిటికి మించి నన్ను భరిస్తావ్ అని తేజ గురించి శోభా శెట్టి చెప్పింది.

రొమాంటిక్ స్టెప్పులు

నా జీవితంలో ఇది ఫస్ట్ డిన్నర్ డేటింగ్ అని తేజ చెప్పాడు. తర్వాత తనకోసం మంచి సాంగ్ వేయమని తేజ కోరాడు. దాంతో సమ్మోహనుడా అనే పాటను బిగ్ బాస్ ప్లే చేశాడు. అప్పుడు శోభాతో కలిసి తేజ స్టెప్పులు వేశాడు. బ్లాక్ సారీ కట్టుకున్న శోభా అందంగా కనువిందు చేసింది. ఈ క్రమంలోనే తన ఒళ్లో కూర్చోబెట్టుకుని రొమాంటిక్‌గా డ్యూయెట్ చేశాడు తేజ. దానికి శోభా కూడా రొమాంటిక్ స్టెప్పులు వేసింది.