Bigg Boss 7 Telugu : సీక్రెట్ టాస్క్ మిస్ ఫైర్.. అమ్మాయిని నమ్మి బిస్కెట్ అయిన టేస్టీ తేజ

అలా వచ్చారో లేదో.. మెుదటి రోజే.. రతికా చిచ్చు పెట్టే ప్రయత్నం చేసింది. దీని కోసం ఎవరిని వాడుకోవాలా అని చూసింది. మెుదట శోభా శెట్టిని ట్రాప్ చేసింది. అమర్ దీప్, ప్రియాంక మధ్య గొడవ పెట్టించాలని ప్రయత్నించింది. ఈ టాస్క్ విన్ అయితే.. నామినేషన్స్ నుంచి సేఫ్ అవుతావని నమ్మించే ప్రయత్నం చేసింది. కానీ శోభా శెట్టి మాత్రం.. రతికాను నమ్మలేదు. ఈ టాస్క్ విన్ అయితే నీకే లాభం కదా అని చెప్పింది. నేను చేయను అని ముఖం మీదే చెప్పేసింది. శోభా మాత్రం ఇందుకు ఒప్పుకోలేదు. పల్లవి ప్రశాంత్ తో కూడా ఈ విషయం చెప్పింది రతికా. అతడు కూడా కాసేపు రతికాతో మాట్లాడి లైట్ తీసుకున్నాడు.

అటు ఇటు చూసేసరికి.. టేస్టీ తేజ కనిపించాడు రతికాకు. దీంతో ఆ విషయం తేజకు చెప్పింది. ఇద్దరి మధ్యన గొడవలు పెట్టాలని చెప్పుకొచ్చింది. కాస్త ఓవర్ ఎగ్జైట్ అయిన తేజ.. ఓహో నాకు తెలుసులే ఎవరి మధ్య అంటూ కవర్ చేశాడు. గౌతమ్ కృష్ణ, యావర్ మధ్య గొడవ పెట్టేందుకు ప్రయత్నించాడు టేస్టీ తేజ. తేజ యావర్ దగ్గరకు వెళ్లి.. నువ్ షో ఆఫ్ చేస్తున్నావని గౌతమ్ అంటున్నట్టుగా తెలిపాడు. అతడే అలా చేస్తున్నాడని యావర్ అన్నాడు.

మళ్లీ గౌతమ్ దగ్గరకు వెళ్లి ప్రిన్స్ యావర్ గురించి అలానే చెప్పాడు. దూరం నుంచి ఈ విషయాన్ని చూసి ఎంజాయ్ చేసింది రతికా. కాస్త గౌతమ్, ప్రిన్స్ మధ్య కోల్డ్ వార్ మెుదలైంది. హమ్మయ్యా అనుకుంది రతికా. కానీ నామినేషన్స్ సమయంలో అసలు విషయం బయటకు వచ్చింది.

ప్రిన్స్ నామినేషన్స్ టైములో గౌతమ్ కృష్ణను నామినేట్ చేశాడు. ఆ సమయంలో తేజ తనకు చెప్పిన విషయాన్ని కారణంగా వివరించాడు. దీంతో దొంగ దొరికిపోయినట్టైంది. బయటకు వచ్చిన తర్వాత గౌతమ్ ఈ విషయంపై క్లారిటీ ఇచ్చాడు. తేజ మన ఇద్దరి మధ్య గొడవ పెట్టేందుకు ప్రయత్నించాడని వెల్లడించాడు. నీ దగ్గరకు వచ్చి నా మీద, నా దగ్గర నీ మీద చెప్పాడని తెలిపాడు.

ఇదే విషయాన్ని టేస్టీ తేజను ముఖం మీదే అడిగేందుకు ట్రై చేశాడు గౌతమ్. కానీ తేజ మాత్రం.. ఏదో కవర్ చేసేందుకు ప్రయత్నించాడు. కానీ మెుత్తానికి దొరికిపోయాడు. దీంతో టేస్టీ తేజ.. రతికా పేరు చెబుతాడని అంతా అనుకున్నారు. కానీ అక్కడికే విషయాన్ని ఎండ్ చేశాడు తేజ. మెుత్తానికి రతికా ఉచ్చులో పడి బలైపోయాడు. పాపం.. ఈ విషయం తెలియక.. ప్రిన్స్, గౌతమ్ కృష్ణ ఒకరినొకరు నామినేట్ చేసుకున్నారు. ఇదే పుల్లలు పెట్టిన విషయంపై అమర్‍దీప్ కూడా టేస్టీ తేజను నామినేట్ చేశాడు.