Anasuya: లైమ్‌లైట్‌లో ఉన్న‌ప్పుడు ప‌ద్ద‌తిగా ఉండాలి - విజ‌య్ దేవ‌ర‌కొండ‌తో వివాదంపై అన‌సూయ ఇంట్రెస్టింగ్ కామెంట్స్‌

Anasuya: విజ‌య్ దేవ‌ర‌కొండ చాలా కాలంగా న‌డుస్తోన్న వివాదంపై తాజాగా అన‌సూయ ఇంట్రెస్టింగ్స్ కామెంట్స్ చేసింది. అర్జున్ రెడ్డి టైమ్‌లో సినిమాలోని క‌థ‌, క‌థ‌నాలు, ప్ర‌మోష‌న్స్‌లో విజ‌య్ ఆటిట్యూడ్‌ను విమ‌ర్శిస్తూ అన‌సూయ పోస్టులు పెట్టింది. అప్ప‌టి నుంచి విజ‌య్ ఫ్యాన్స్ప‌లుమార్లు అన‌సూయ‌ను దారుణంగా ట్రోల్ చేశారు.

విజ‌య్ దేవ‌ర‌కొండ‌నే త‌న‌పై ట్రోలింగ్ చేయిస్తున్నాడంటూ అన‌సూయ ప‌లుమార్లు కామెంట్స్ చేసింది. డైరెక్ట్‌, ఇన్‌డైరెక్ట్‌గా విజ‌య్‌పై సోష‌ల్ మీడియా ద్వారా త‌ర‌చుగా ఎటాక్ చేస్తూనే ఉంది అన‌సూయ‌. ఖిషి, లైగ‌ర్ ఫ్లాప్‌ల స‌మ‌యంలో విజ‌య్‌ని ఉద్దేశించి అన‌సూయ పెట్టిన పోస్టులు వైర‌ల్‌గా మారాయి.

సింబా మూవీ ప్ర‌మోష‌న్స్‌లో...

తాజాగా విజ‌య్‌తో ఉన్న గొడ‌వ‌ల‌పై సింబా మూవీ ప్ర‌మోష‌న్స్‌లో అన‌సూయ రియాక్ట్ అయ్యింది. విజ‌య్‌కి మీకు మ‌ధ్య ఉన్న గొడ‌వ‌లు స‌మ‌సిపోయిన‌ట్లేనా అని అడిగిన ప్ర‌శ్న‌కు ఇప్పుడు దానికి నేను ఇంపార్టెన్స్ ఇవ్వాల‌ని అనుకోవ‌డం లేద‌ని అన‌సూయ అన్న‌ది.

మెసేజ్ ఇవ్వాల‌నుకున్నా...

"సినిమాల ద్వారా ఎలాగైతే మెసేజ్‌లు ఇస్తారో నేను కూడా అలాగే మెసేజ్ ఇవ్వాల‌ని రియాక్ట్ అయ్యాను. స్టేజ్ మ్యాన‌ర్స్ గురించే ఆ రోజు మాట్లాడాను. లైమ్‌లైట్‌లో ఉన్న‌ప్పుడు ప‌ద్ద‌తిగా ఉండాలి. ఆ ప‌ద్ద‌తి అన్న‌ది ఒక్కొక్క‌రికి ఒక్కోలా ఉంటుంది. కొన్ని మితిమీరిన‌ప్పుడు అంద‌రికి అర్థ‌మ‌వుతుంటాయి. ఆ రోజు ఎవ‌రూ మాట్లాడ‌క‌పోవ‌డంతో నేను మాట్లాడాల్సివ‌చ్చింది.

మీడియా కూడా ప్ర‌శ్నించ‌లేదు.ఆ త‌ర్వాత‌ త‌ప్పును ఎత్తుచూపించినందుకు న‌న్నే అంద‌రూ త‌ప్పుప‌ట్టారు" అంటూ అంటూ మీడియాపైనే అన‌సూయ సెటైర్లు వేసింది. ఈ ఈష్యూ నుంచి నేను చాలా నేర్చుకున్నాన‌ని అన‌సూయ అన్న‌ది.

“అడిగితే ఎలాంటి స‌మాధానం వ‌చ్చిందో అంద‌రికి తెలుసు. అమెను అడ‌గండి అంటూ... నేను అలా ఎవ‌రిని కించ‌ప‌ర‌లేను. ఎవ‌రిపై నాకు ద్వేషం లేదు” అని అన‌సూయ తెలిపింది. ఈ ఈష్యూలో నేను కూడా ఒక ర‌కంగా చెప్పాల్సింది మ‌రో ర‌కంగా చెప్పాను అంటూ అన‌సూయ అన్న‌ది. విజ‌య్ ఈష్యూపై అన‌సూయ చేసిన కామెంట్స్ వైర‌ల్ అవుతోన్నాయి.

విజ‌య్ దేవ‌ర‌కొండ లాంటి మొగుడు..

సింబా ట్రైల‌ర్‌లో అన‌సూయ క‌నిపించే సీన్‌లో విజ‌య్ దేవ‌ర‌కొండ పేరును ఉద్దేశిస్తూ డైలాగ్ రావ‌డం ఆస‌క్తిక‌రంగా మారింది. ట్రైల‌ర్‌లో అన‌సూయ సిగ్న‌ల్ ద‌గ్గ‌ర వెయిట్ చేస్తోండ‌గా ఓ వ్య‌క్తి వ‌చ్చి నీకు మ‌హేష్‌బాబు లాంటి మొగుడు వ‌స్తాడు అని అంటాడు. అప్పుడు అన‌సూయ మూతి తిప్పుకున్న‌ట్లుగా ఈ ట్రైల‌ర్‌లో చూపించారు. పోనీ విజ‌య్ దేవ‌ర‌కొండ లాంటి మొగుడు వ‌స్తాడు అని అత‌డు అన‌గానే అన‌సూయ చిరున‌వ్వులు చిందిస్తూ ఈ ట్రైల‌ర్‌లో క‌నిపించింది. ఈ డైలాగ్స్ ఆక‌ట్టుకుంటున్నాయి.

సింబా మూవీ ఆగ‌స్ట్ 9న ప్రేక్ష‌కుల ముందుకు రాబోతోంది. ఈ సినిమాలో జ‌గ‌ప‌తిబాబు కీల‌క పాత్ర‌లో న‌టిస్తోన్నాడు. సింబాతో పాటు పుష్ప 2, అరితో పాటు తెలుగులో ప‌లు సినిమాల్లో కీల‌క పాత్ర‌లు పోషిస్తోంది అన‌సూయ‌.