Ala Ninnu Cheri OTT Streaming: ఓటీటీలోకి వచ్చేసిన హెబ్బా పటేల్ లేటెస్ట్ మూవీ: స్ట్రీమింగ్ వివరాలివే..

Ala Ninnu Cheri Movie OTT Streaming: హీరోయిన్ హెబ్బా పటేల్, యంగ్ హీరో దినేశ్ తేజ్, నటి పాయల్ రాధాకృష్ణ ప్రధాన పాత్రల్లో నటించిన ‘అలా నిన్ను చేరి’ సినిమా నవంబర్ 10 థియేటర్లలో రిలీజ్ అయింది. లవ్ ఎంటర్‌టైనర్‌గా ఈ చిత్రం తెరకెక్కింది. ఈ చిత్రానికి మరేశ్ శివన్ దర్శకత్వం వహించారు. అయితే, థియేటర్లలో ‘అలా నిన్ను చేరి’ సినిమా పెద్దగా ఆడలేదు. మోస్తరు టాక్ వచ్చినా.. ప్రేక్షకులు ఎక్కువగా ఈ చిత్రాన్ని పట్టించుకోలేదు. అయితే, ఇప్పుడు ‘అలా నిన్ను చేరి’ సినిమా ఓటీటీలోకి వచ్చేసింది.

అలా నిన్ను చేరి సినిమా అమెజాన్ ప్రైమ్ వీడియో ఓటీటీ ప్లాట్‍ఫామ్‍లో స్ట్రీమింగ్‍కు అందుబాటులోకి వచ్చింది. ముందుగా ప్రచార హడావుడి లేకుండా ఈ చిత్రం సైలెంట్‍గా నేడు ఓటీటీలోకి అడుగుపెట్టింది. తెలుగులో ఈ చిత్రం స్ట్రీమింగ్ అవుతోంది.

అలా నిన్ను చేరి మూవీలో హెబ్బా, దినేశ్, పాయల్ రాధాకృష్ణతో పాటు కల్పలత, కేదార్ శంకర్, ఝాన్సీ, శస్తు, మహేశ్ ఆచంట, చమ్మక్ చంద్ర, బాషా, అనశ్వి రెడ్డి, శివ కుమార్ కీలకపాత్రలు పోషించారు. మరేశ్ శివన్ దర్శకత్వం వహించిన ఈ చిత్రాన్ని విజన్ మూవీ మేకర్స్ పతాకంపై కొమ్మాలపాటి సాయి సుధాకర్ నిర్మించారు. సుభాష్ ఆనంద్ సంగీతం అందించారు.

ఇదీ కథ..

గ్రామంలో ధనవంతుల కుటుంబానికి చెందిన దివ్య (పాయల్).. గణేశ్ (దినేశ్ తేజ్) ప్రేమలో పడుతుంది. అయితే, దివ్యకు వేరే వ్యక్తితో పెళ్లి చేసేయాలని ఆమె అమ్మ నిర్ణయించుకుంటుంది. ఆ తరుణంలో ఎక్కడికైనా వెళ్లి పెళ్లి చేసుకుందామని గణే‍ష్‍తో దివ్య చెబుతుంది. అందుకు గణేశ్ ఆలోచిస్తాడు. అతడు సినీ దర్శకుడు కావాలని లక్ష్యంగా పెట్టుకుంటాడు. ఈ క్రమంలో అనూ (హెబ్బా పటేల్) అతడికి పరిచయం అవుతుంది. అనూ రాకతో గణేశ్, దివ్య లవ్ స్టోరీ ఎలాంటి మలుపు తిరిగింది? వీరి ప్రేమ ఫలిస్తుందా? డైరెక్టర్ కావాలన్న అతడి కల నెరవేరిందా అన్నదే ‘అలా నిన్ను చేరి’ సినిమా ప్రధాన కథగా ఉంది.