Pushpa 2 Vs Baahubali 2: బాహుబలి 2 కలెక్షన్స్‌ను పుష్ప 2 టచ్ చేస్తుంది.. తమిళ డిస్ట్రిబ్యూటర్ కామెంట్స్

Pushpa 2 Vs Baahubali 2 Collections: స్టైలిష్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్‌లో మరోసారి తెరకెక్కిన సినిమా పుష్ప 2. నేషనల్ క్రష్ రష్మిక మందన్నా హీరోయిన్‌గా చేసిన పుష్ప 2 ది రూల్‌పై భారీ అంచనాలు నెలకొన్నాయి. ఇక అక్టోబర్ 24న పుష్ప 2 న్యూ రిలీజ్ డేట్‌ను అనౌన్స్ చేస్తూ ప్రెస్ మీట్ ఏర్పాటు చేశారు మేకర్స్.

బాహుబలి 2 షేర్ కలెక్షన్స్‌

హైదరాబాద్‌లో ఏర్పాటు చేసిన పుష్ప 2 ప్రెస్ మీట్‌లో వివిధ సినీ ఇండస్ట్రీలకు చెందిన నిర్మాతలు, డిస్ట్రిబ్యూటర్స్ పాల్గొన్నారు. ఈ సందర్భంగా తమిళ్‌కి సంబంధించిన ఏజీఎస్ డిస్ట్రిబ్యూటర్ మాలి ఇంట్రెస్టింగ్ కామెంట్స్ చేశారు. రాజమౌళి ప్రభాస్ రానా కాంబినేషన్‌లో వచ్చిన బాహుబలి 2 షేర్ కలెక్షన్స్‌ను పుష్ప 2 టచ్ చేస్తుందని చెప్పారు.

డబుల్ డిజిట్ ఓపెనింగ్

"నాకు ఈ అవకాశం ఇచ్చినందుకు నిర్మాతలకి ధన్యవాదాలు తెలుపుతున్నాం. పుష్ప ఒక బ్రాండ్‌గా మారింది. తమిళ్‌లో ఈ సినిమాకి పెద్ద రిలీజ్ ఇచ్చాం. పుష్ప-2 కి డబుల్ డిజిట్ ఓపెనింగ్ ఉంటుంది అని మేము విశ్వసిస్తున్నాం" అని తమిళ డిస్ట్రిబ్యూటర్ మాలి తెలిపారు.

806 స్క్రీన్స్‌లలో పుష్ప 2

"మేము ఇటీవలే 806 స్క్రీన్స్‌లలో విజయ్ గోట్ సినిమా విడుదల చేశాం. పుష్ప 2 ది రూల్ చిత్రాన్ని కూడా అన్ని స్క్రీన్స్‌లలో రిలీజ్ చేస్తున్నాం. బాహుబలి 2 తమిళంలో రూ. 80 కోట్ల షేర్ వసూళ్లు కలెక్ట్ చేసింది. పుష్ప 2 ఆ నంబర్‌ని టచ్ చేస్తుందని అనుకుంటున్నాను" అని తమిళంకు చెందిన ఏజీఎస్ డిస్ట్రిబ్యూటర్ మాలి ఆశాభావం వ్యక్తం చేశారు.

రెండేళ్ల నుంచి

ఇక పుష్ప 2 నిర్మాత రవిశంకర్ మాట్లాడుతూ.. "ముందుగా హీరో గారికి, డైరెక్టర్ గారికి, కాస్ట్ అండ్ క్రూకి ధన్యవాదాలు. గత రెండు సంవత్సరాల నుంచి ఈ సినిమాని ఈ రేంజ్‌కి తీసుకొచ్చారు హీరో గారు. ఈ సినిమా కోసం హండ్రెడ్ పర్సెంట్ ఇస్తున్నారు. హీరో గారు, దర్శకుడు పగలు రాత్రి కష్టపడి ఈ సినిమా కోసం పని చేస్తున్నారు" అని అన్నారు.

అన్నీ సాధిస్తాం

"ఈ సినిమాలో అల్లు అర్జున్ గారి బెస్ట్ పర్ఫార్మెన్స్ చూస్తారు. ఈ సినిమా పెద్ద హిట్ అవుతుంది అని మా అందరికీ నమ్మకం ఉంది. మా తోటి డిస్ట్రిబ్యూటర్లందరికీ అభినందనలు. మా అందరి ముందు పెద్ద గోల్స్ ఉన్నాయి. కానీ, మేము అన్నిటినీ చక్కగా అచీవ్ చేస్తాం. డిసెంబర్ 5న గ్రాండ్ రిలీజ్ అవుతుంది" అని రవిశంకర్ పేర్కొన్నారు.

పెద్ద హిట్ కొట్టాలని

"వైజాగ్ నుంచి బళ్లారి సాయి గారు, సతీష్ గారు, ఈస్ట్ నుంచి రాయుడు గారు, కృష్ణ బన్నీ వాస్ గారు, ధీరజ్ గారు, వెస్ట్ ఎల్వీఆర్ గారు, గుంటూరు యువీ వంశీ గారు, నెల్లూరు భాస్కర్ రెడ్డి గారు, సీడెడ్ అభిషేక్ రెడ్డి గారు మా టీమ్. మేమందరం ఈ సినిమాతో పెద్ద హిట్ కొట్టాలని కోరుకుంటూ మీ ఆశీర్వాదం కోరుతున్నాం. సినిమా వర్క్ అంతా బాగా జరుగుతుంది" అని పుష్ప 2 ప్రొడ్యూసర్‌లో ఒకరైన రవిశంకర్ చెప్పుకొచ్చారు.