T20 World Cup 2024 : టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా?-numbers from last 8 t20 world cups and team india stats ,క్రికెట్ న్యూస్
తెలుగు న్యూస్  /  క్రికెట్  /  T20 World Cup 2024 : టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా?

T20 World Cup 2024 : టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా?

Sharath Chitturi HT Telugu
Jun 01, 2024 11:09 AM IST

T20 World Cup news : టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా? ఈ మెగా ఈవెంట్​లో విరాట్​ కోహ్లీ కొట్టిన మొత్తం రన్స్​ ఎన్నో తెలుసా? ఇక్కడ చూసేయండి..

టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా?
టీ20 వరల్డ్​ కప్​లో సెంచరీ కొట్టిన ఏకైక భారత ప్లేయర్​ ఎవరో తెలుసా? (Getty Images via AFP)

2024 T20 World Cup : టీ20 వరల్డ్​ కప్​ 9వ ఎడిషన్​.. ఆదివారం ప్రారంభమవుతోంది. ఈ ఐసీసీ మెగా ఈవెంట్​కి వెస్టిండీస్​ ఆతిథ్యం ఇస్తుండటం ఇది రెండోసారి. యూఎస్​ఏ కూడా వెస్టిండీస్​తో కలిసి ఈసారి 2024 టీ20 వరల్డ్​ కప్​ని హోస్ట్​ చేస్తోంది. ఈ నేపథ్యంలో.. ఇప్పటివరకు జరిగిన టీ20 ప్రపంచ కప్స్​కు చెందిన కొన్ని ఆసక్తికర విషయాలను ఇక్కడ తెలుసుకుందాము..

2024 టీ20 వరల్డ్​ కప్​ స్టాట్స్​..

2- వెస్టిండీస్​, ఇంగ్లాండ్​లు చెరో రెండుసార్లు టీ20 వరల్డ్​ కప్​ని గెలుచుకున్నాయి. ఇదే హయ్యెస్ట్​!

2012 ఎడిషన్​లో శ్రీలంకపై, 2016లో ఇంగ్లాండ్​పై విజయం సాధించి ట్రోఫీని వెనకేసుకుంది వెస్టిండీస్​. ఇక 2010లో ఆస్ట్రేలియాపై, 2022లో పాకిస్థాన్​పై గెలిచి ట్రోఫీని ముద్దాడింది ఇంగ్లాండ్​.

T20 World Cup Team India : 1- ఇండియా, ఆస్ట్రేలియా, పాకిస్థాన్​, శ్రీలంక జట్లు.. ఇప్పటివరకు ఒకసారి టీ20 వరల్డ్​ కప్​ గెలిచాయి. మేజర్​ టీమ్స్​లో సౌతాఫ్రికా, న్యూజిల్యాండ్​ మాత్రమే ఇప్పటివరకు ఒక్కసారి కూడా టీ20 ప్రపంచ కప్​ గెలవలేదు. ఆసక్తికర విషయం ఏంటంటే.. టాప్​ 8 టీమ్స్​లో ఉండే ఈ రెండు జట్లు 50 ఓవర్​ వన్డే ప్రపంచ కప్​ని ఒక్కసారి కూడా గెలవలేదు.

0- ఆతిథ్యం ఇచ్చిన జట్టు.. సొంతగడ్డపై ఇప్పటివరకు ఒక్కసారి కూడా టీ20 వరల్డ్​ కప్​ గెలవలేదు.. 2007లో సౌతాఫ్రికా నుంచి.. 2022లో ఆస్ట్రేలియా వరకు ఇదే ట్రెండ్​ కొనసాగింది.

అదే వన్డే ప్రపంచ కప్​ విషయానికొస్తే.. 2011లో టోర్నీకి ఆతిథ్యం ఇచ్చిన ఇండియా, 2015లో ఆస్ట్రేలియా, 2019లో ఇంగ్లాండ్​లు గెలిచాయి. 1996 ప్రపంచకప్​ కో-హోస్ట్​ శ్రీలంక.. లాహోర్​లో కప్​ గెలిచింది.

T20 World Cup latest news : 1141- టీ20 వరల్డ్​ కప్​ హిస్టరీలో విరాట్​ కోహ్లీకి హయ్యెస్ట్​ యావరేజ్​ ఉంది. ఐదు ఎడిషన్స్​లోని 25 ఇన్నింగ్స్​లలో 1141 రన్స్​ చేశారు రన్​ మెషిన్​. యావరేజ్​ 81.5, స్ట్రైక్​ రేట్​ 131.3. కింగ్​ కోహ్లీ.. టీ20 వరల్డ్​ కప్​లో మొత్తం 14 హాఫ్​ సెంచరీలు చేశాడు. మరే ఇతర ఆటగాడు కూడా ఇన్ని 50లు కొట్టలేదు.

2014, 2022 వరల్డ్​ కప్​ ఎడిషన్స్​లో అత్యధిక పరుగులు చేసిన బ్యాటర్​గా నిలిచాడు కోహ్లీ. 2016లో సెకెండ్​ హయ్యెస్ట్​! 2014లో అయితే కోహ్లీ ఆట పీక్స్​లో ఉండేది! 6 ఇన్నింగ్స్​లలో 319 రన్స్​ చేశాడు. ఇందులో 4 హాఫ్​ సెంచరీలు ఉన్నాయి. ప్లేయర్​ ఆఫ్​ ది టోర్నమెంట్​ అవార్డు కూడా దక్కింది. 2016లో 273 రన్స్​ చేశాడు. ఇదే ఏడాదిలో.. ఐపీఎల్​లో కోహ్లీ 973 రన్స్​ చేశాడు. ఇప్పటికీ ఇదొక రికార్డు.

6- టీ20 వరల్డ్​ కప్​లో పాకిస్థాన్​ జట్టు ఆరుసార్లు సెమీ ఫైనల్స్​లో ఆడింది. ఇదే హయ్యెస్ట్​! 2007, 2022 ఫైనల్స్​కి వెళ్లింది. 2009లో ఫైనల్స్​ గెలిచింది. 2010, 2012, 2021లో సెమీస్​కు వెళ్లింది.

T20 World Cup records : 11- 8 టీ20 ప్రపంచ కప్స్​లో నమోదైన శతకాలు. 2009లో ఒక్క సెంచరీ కూడా నమోదవ్వలేదు! టీ20 ప్రపంచ కప్​లో రెండుసార్లు 100 కొట్టిన ఏకైక బ్యాటర్​ క్రిస్​ గేల్​. టీ20 ప్రపంచ కప్​లో సెంచరీ చేసిన ఏకైక టీమిండియా ప్లేయర్​ సురేశ్​ రైన. 2010లో సౌతాఫ్రికాపై 60 బంతుల్లో 101 రన్స్​ చేశాడు.

6- టీ20 వరల్డ్​ కప్​లో నమోదైన హ్యాట్రిక్స్​! 2007 ప్రపంచకప్​లో బంగ్లాదేశ్​పై ఈ ఫీట్​ని తొలిసారి సాధించాడు ఆస్ట్రేలియన లెజెండ్​ బ్రెట్​లీ. 2009 నుంచి 2016 వరకు హ్యాట్రిక్​లు నమోదవ్వలేదు. కానీ 2021- 2022లో 5 హ్యాట్రిక్​లు నమోదవ్వడం విశేషం.

టీ20 వరల్డ్ కప్ 2024

సంబంధిత కథనం