Kohli Gambhir hug : ‘ఆస్కార్​ అవార్డ్​ ఇవ్వండి’.. కోహ్లీ-గంభీర్​ 'హగ్​'పై గవాస్కర్​..

RCB vs KKR IPL 2024 : ఐపీఎల్​ 2024లో శుక్రవారం జరిగిన ఆర్​సీబీ- కేకేఆర్​ మ్యాచ్​లో జరిగిన ఓ సంఘటన ఇప్పుడు సోషల్​ మీడియాను షేక్​ చేస్తోంది! అదే.. విరాట్​ కోహ్లీ- గౌతమ్​ గంభీర్​ 'హగ్​'. గొడవలతో వార్తల్లో నిలిచే ఈ ఇద్దరు.. ఒక్కసారి హగ్​ చేసుకోవడం చూసి నెటిజన్లు సంతోషిస్తున్నారు. ఈ ఘటనపై క్రికెట్​ లెజెండ్​ సునీల్​ గవాస్కర్​ ఇంట్రెస్టింగ్​ కామెంట్స్​ చేశారు.

కోహ్లీ- గంభీర్​ హగ్​.. 'ఆస్కార్​ ఇవ్వండి'..

శుక్రవారం.. బెంగళూరు వేదికగా జరిగింది ఈ మ్యాచ్​. తొలుత ఆర్​సీబీ బ్యాటింగ్​ చేసింది. టైమౌట్​ సమయంలో కోహ్లీ.. తన టీమ్​ సభ్యులతో మాట్లాడుతూ ఉండగా.. అక్కడికి గౌతమ్​ గంభీర్​ వచ్చాడు. కోహ్లీని హగ్​ చేసుకుని, అతనితో మట్లాడాడు. కోహ్లీ కూడా గంభీర్​తో నవ్వుతూ మాట్లాడాడు. ఈ దృశ్యాలు చూసిన వారందరు అటు షాక్​ అవ్వడంతో పాటు ఇటు సంతోషించారు.

ఇక కోహ్లీ- గంభీర్​ హగ్​ సమయంలో కామెంట్రీ బాక్స్​లో రవి శాస్త్రి- గవాస్కర్​లు ఉన్నారు. 'గంభీర్​.. కోహ్లీకి హగ్​ ఇచ్చాడు. కేకేఆర్​కి ఫెయిర్​ ప్లే అవార్డు దక్కుతుంది,' అని కామెంట్​ చేశాడు రవి శాస్త్రి. "ఫెయిర్​ప్లే ఒక్కటే కాదు.. ఆస్కార్​ అవార్డు కూడా ఇవ్వాలి," అని అన్నారు గవాస్కర్​!

కోహ్లీ గంభీర్​- గొడవలే.. గొడవలు..

Kohli Gambhir hug : 2023లో లక్నోలో జరిగిన గొడవ తర్వాత.. కోహ్లీ- గంభీర్​లు కలుసుకోవడం ఇదే తొలిసారి. ఎల్​ఎస్​జీ బౌలర్​ నవీన్​ ఉల్​ హక్- కోహ్లీ మధ్య గొడవ జరిగింది. మ్యాచ్​ ముగిసిన తర్వాత.. కోహ్లీ దగ్గరికి వెళ్లి గౌతమ్​ గంభీర్​ గొడవపడ్డాడు. ఇది చాలా హాట్​ టాపిక్​గా మారింది. ముగ్గురికి ఫైన్​ పడింది.

కోహ్లీ- గంభీర్​ మధ్య గొడవ ఇది మొదటిసారి కాదు. అనాదిగా.. వీరిద్దరి మధ్య విభేదాలు కొనసాగుతూనే ఉన్నాయి. 2013 ఐపీఎల్​లో తొలిసారిగా.. వీరి మధ్య విభేదాలు బయటపడ్డాయి. 2016లోనూ గొడవపడ్డరు. తిరిగి.. 7ఏళ్ల తర్వాత.. 2023 ఐపీఎల్​లో మళ్లీ విభేదాలు కనిపించాయి. ఈ నేపథ్యంలో.. కోహ్లీ- గంభీర్​లు కలుస్తుడటంతో.. శుక్రవారం ఏం జరుగుతుందని అటు ఫ్యాన్స్​, ఇటు క్రికెట్​ అభిమానులు ఉత్కంఠకు గురయ్యారు. ఈసారి గొడవ జరగలేదు. పైగా.. ఇద్దరు హగ్​ చేసుకోవడం చూసి ఫ్యాన్స్​ ఆశ్చర్యపోయారు.

ఆర్​సీబీ వర్సెస్​ కేకేఆర్​- కోహ్లీ పోరాటం వృథా!

Kohli Gambhir hug viral video : విరాట్ కోహ్లి కళ్లు చెదిరే ఇన్నింగ్స్ కూడా ఆర్​సీబీని ఆదుకోలేకపోయింది. 183 పరుగుల లక్ష్యాన్ని కోల్‌కతా నైట్ రైడర్స్ ఈజీగా చేజ్ చేసింది. ఓపెనర్లు సునీల్ నరైన్, ఫిల్ సాల్ట్ తోపాటు వెంకటేశ్ అయ్యర్, శ్రేయస్ అయ్యర్ రాణించడంతో కేకేఆర్ టీమ్ 19 బాల్స్​ మిగిలి ఉండగానే.. 7 వికెట్లతో విజయం సాధించింది. ఈ సీజన్​లో నైట్ రైడర్స్ కు ఇది వరుసగా రెండో విజయం. కాగా.. ఆర్సీబీ మూడు మ్యాచ్​లలో ఇది రెండో ఓటమి. ఆర్​సీబీ వర్సెస్​ కేకేఆర్​ మ్యాచ్​ పూర్తి వివరాల కోసం ఇక్కడ క్లిక్​ చేయండి.