Upcoming CNG cars in 2023 : ఈ ఏడాదిలో రానున్న టాప్​ సీఎన్​జీ కార్లు ఇవే..!-list of top upcoming cng cars in 2023 in india check full details here ,బిజినెస్ న్యూస్
తెలుగు న్యూస్  /  Business  /  List Of Top Upcoming Cng Cars In 2023 In India Check Full Details Here

Upcoming CNG cars in 2023 : ఈ ఏడాదిలో రానున్న టాప్​ సీఎన్​జీ కార్లు ఇవే..!

Chitturi Eswara Karthikeya Sharath HT Telugu
Jan 01, 2023 09:25 AM IST

Upcoming CNG cars in 2023 in India : 2023లో పలు సీఎన్​జీ వాహనాలు పలకరించనున్నాయి. మారుతీ, టాటా, కియా వంటి సంస్థలు.. తమ బెస్ట్​ సెల్లింగ్​ వెహికిల్స్​కి సీఎన్​జీ టచ్​ను ఇచ్చేందుకు సన్నద్ధమవుతున్నాయి. ఆ వివరాలు..

2023లో రానున్న టాప్​ సీఎన్​జీ కార్లు ఇవే..!
2023లో రానున్న టాప్​ సీఎన్​జీ కార్లు ఇవే..!

Upcoming CNG cars in 2023 in India : 2022ను గ్రాండ్​గా ముగించింది దేశీయ ఆటో పరిశ్రమ. ఇక 2023లోనూ ఇదే జోష్​ను కొనసాగించాలని భావిస్తోంది. ఈ క్రమంలోనే పలు ఆటో సంస్థలు కొత్త కొత్త లాంచ్​లను సిద్ధం చేసుకుంటున్నాయి. వీటిల్లో సీఎన్​జీ వేరియంట్స్​ కూడా ఉన్నాయి. వాటిపై ఓ లుక్కేద్దాం..

ట్రెండింగ్ వార్తలు

మారుతీ బ్రెజా సీఎన్​జీ..

Maruti Brezza CNG : 2022లో బ్రెజా​కు అప్డేటెడ్​ వర్షెన్​ను లాంచ్​ చేసిన మారుతీ సుజుకీ.. 2023లో ఈ ఎస్​యూవీకి సీఎన్​జీ వర్షెన్​ను తీసుకొచ్చేందుకు ఏర్పాట్లు చేసుకుంటోంది. సీఎన్​జీ కిట్​తో కూడిన మారుతీ బ్రెజా.. ఇటీవలే డీలర్​ యార్డ్​లో కనిపించింది. 2023 తొలినాళ్లల్లోనే ఈ బ్రెజా సీఎన్​జీ మార్కెట్​లోకి లాంచ్​ అయ్యే సూచనలు కనిపిస్తున్నాయి. ఇదే జరిగితే.. ఎస్​యూవీ సెగ్మెంట్​లో మారుతీ లాంచ్​ చేసిన తొలి సీఎన్​జీ వాహనం ఇదే అవుతుంది!

మారుతీ బ్రెజాలో 1.5 లీటర్​ పెట్రోల్​ ఇంజిన్​ ఉంటుంది. దీని ధర రూ. 7.99లక్షలు- రూ. 13.96లక్షల మధ్యలో ఉంటుంది. సీఎన్​జీ వేరియంట్​ ధర రూ. 1లక్ష ఎక్కువగా ఉండే అవకాశం ఉంది.

మారుతీ గ్రాండ్​ విటారా సీఎన్​జీ..

Maruti Grand Vitara CNG launch in India : 2022లో లాంచ్​ అయిన గ్రాండ్​ విటారా.. గ్రాండ్​ సెక్సెస్​ను అందుకుంది! ఈ నేపథ్యంలో ఈ ఎస్​యూవీకి సీఎన్​జీ వర్షెన్​ను తీసుకొచ్చే ప్రయత్నం చేస్తోంది మారుతీ. గ్రాండ్​ విటారా ధర రూ. 10.45లక్షలు- రూ. 19.65లక్షల మధ్యలో ఉంటుంది. కాగా.. గ్రాండ్​ విటారా సీఎన్​జీ ధర రూ. 95వేలు ఎక్కువగా ఉండొచ్చు.

రూ. 10లక్షలలోపు ది బెస్ట్​ సీఎన్​జీ కారును తీసుకోవాలని చూస్తున్నారా? అయితే వివరాల కోసం ఇక్కడ క్లిక్​ చేయండి.

టయోటా హైరైడర్​ సీఎన్​జీ..

Toyota Hyryder CNG launch : సరికొత్త హైరైడర్​ ఎస్​యూవీకి సీఎన్​జీ వర్షెన్​ని కూడా తీసుకొస్తున్నట్టు ఇప్పటికే ప్రకటించేసింది టయోటా. ఇది మిడ్​-స్పెక్​ జీ, ఎస్​ మోడల్స్​లో అందుబాటులో ఉండనుంది. ఇందులో 1.5లీటర్​ పెట్రోల్​, మైల్డ్​ హైబ్రీడ్​ ఆప్షన్స్​ ఉండొచ్చు.

టయోటా హైరైడర్​ ఎస్​యూవీ 1.5లీటర్​ పెట్రోల్​ ఇంజిన్​ విత్​ స్ట్రాంగ్​ హైబ్రీడ్​ వేరియంట్​.. 28కేఎంపీఎల్​ మైలేజ్​ని ఇస్తుంది. దీని ధర రూ. 10.48లక్షలు- రూ. 18.99లక్షల మధ్యలో ఉంటుంది. ఇక సీఎన్​జీ వర్షెన్​ ధర రూ. 90వేలు ఎక్కువగా ఉండొచ్చు.

టాటా ఆల్ట్రోజ్​ సీఎన్​జీ..

Tata Altroz CNG: సీఎన్​జీ సెగ్మెంట్​లో మార్కెట్​ షేరును పెంచుకోవాలని చూస్తోంది టాటా మోటార్స్​. ఇప్పటికే టియాగో, టిగోర్​కు సీఎన్​జీ వర్షెన్​ను తీసుకొచ్చింది. ఇక ఇప్పుడు టాటా ఆల్ట్రోజ్​ సీఎన్​జీ కూడా సిద్ధమవుతున్నట్టు తెలుస్తోంది.

టాటా ఆల్ట్రోజ్​లో టర్బోఛార్జ్​డ్​ 1.2 లీటర్​ పెట్రోల్​ ఇంజిన్, 1.5 లీటర్​ డీజిల్​ ఇంజిన్​ ఆప్షన్స్​ ఉన్నాయి. మరి ఏ ఇంజిన్​ ఆప్షన్​తో టాటా ఆల్ట్రోజ్​ సీఎన్​జీ వర్షెన్​ మార్కెట్​లోకి వస్తుందో చూడాలి.

టాటా పంచ్​ సీఎన్​జీ..

TATA Punch CNG : నెక్సాన్​ తర్వాత.. టాటా మోటార్స్​లో ది బెస్ట్​ సెల్లింగ్​ వెహికిల్​గా కొనసాగుతోంది టాటా పంచ్​. ఈ మోడల్​కు ఈవీ వర్షెన్​ను తీసుకొస్తున్నట్టు దిగ్గజ ఆటో సంస్థ ఇటీవలే ప్రకటించింది. ఇక ఇప్పుడు.. టాటా పంచ్​ సీఎన్​జీ వేరియంట్​ కూడా రాబోతోందని తెలుస్తోంది.

ఈ టాటా పంచ్​లో 1.2లీటర్​ పెట్రోల్​ ఇంజిన్​ ఉంటుంది. ఇది 73పీఎస్​ పవర్​, 95ఎన్​ఎం టార్క్​ను జనరేట్​ చేస్తుంది. సీఎన్​జీకి కూడా ఇదే ఇంజిన్​ లభించే అవకాశం ఉంది. పెట్రోల్​ వేరియంట్​తో పోల్చుకుంటే.. సీఎన్​జీ వర్షెన్​ ధర రూ. 90వేలు ఎక్కువగా ఉండొచ్చు.

కియా సోనెట్​ సీఎన్​జీ..

Kia Sonet CNG launch in India : భారత ఆటో మార్కెట్​లోకి అడుగుపెట్టి.. అతి తక్కువ సమయంలోనే భారీగా విక్రయాలు చేపట్టిన సంస్థల్లో కియా ఒకటి! ముఖ్యంగా.. కియా సెల్టోస్​, కియా సోనెట్​కు భారీ స్థాయిలో డిమాండ్​ కనిపిస్తోంది. ఇక ఇప్పుడు.. సోనెట్​కు సీఎన్​జీ వర్షెన్​ రాబోతోంది. జీటీ లైన్​ వేరియంట్​కు సంబంధించిన సీఎన్​జీ వర్షెన్​ను ఇటీవలే టెస్ట్​ చేసినట్టు తెలుస్తోంది.

కియా సోనెట్​ ధర రూ. 7లక్షలు- 14లక్షల మధ్యలో ఉంటుంది. ఇక సోనెట్​ సీఎన్​జీ వర్షెన్​ ధర రూ. 1లక్ష ఎక్కువగా ఉండొచ్చు.

* పైన చెప్పిన ధరలన్నీ ఎక్స్​షోరూం ప్రైజ్​లు.

WhatsApp channel

సంబంధిత కథనం